Ականապայթյունի դեպքով ծառայողական քննությունն ավարտվել է. ՊՆ չի հայտնում՝ ովքեր են պատժվել

Լուսանկարում՝ վիրավորված Նարեկ Հովեյանը (ձախից), զոհված Գեղամ Զաքարյանը

Նոյեմբերի 21-ին՝ ժամը 18:35-ի սահմաններում, ՊԲ հյուսիսարեւելյան ուղղությամբ տեղակայված զորամասերից մեկի պահպանության տեղամասում ականապայթյունի հետեւանքով զոհված զինծառայողների դեպքի առթիվ նշանակված ծառայողական քննությունն ավարտվել է. արդյունքները հայտնի են:

Այս մասին «ՀԺ»-ի հարցին ի պատասխան ասաց ՀՀ ՊՆ մամուլի խոսնակ Արծրուն Հովհաննիսյանը: «Եթե բանակում լինում են մահվան դեպքեր, որից հետո պարտադիր նշանակվում է ծառայողական քննություն, դրան պարտադիր հետեւում են տույժեր»,- այսպես պատասխանեց Հովհաննիսյանը, երբ խնդրեցինք հրապարկել քննության արդյունքները: Հարցին, թե ովքեր ինչ տույժերի են ենթարկվել, Հովհաննիսյանն ասաց, որ չի կարող պատասխանել:

Ենթադրվում է, որ տույժի ենթարկվել է հրամանատարական կազմը, սակայն արդյո՞ք պաշտոնից որեւէ մեկն ազատվել է, թե` ոչ, հայտնի չէ:

Հիշեցնենք, որ ականապայթյունային մահացու վիրավորում էին ստացել ՊԲ զինծառայողներ, 22-ամյա Գեղամ Կորյունի Զաքարյանը,  19-ամյա Սարգիս Գուրգենի Աբրահամյանը եւ 20-ամյա Սարգիս Մհերի Մելիքյանը: Իսկ զինծառայող Նարեկ Հովեյանը ականապայթյունային վիրավորում է ստացել եւ այժմ գտնվում է Երեւանի զինվորական հոսպիտալում:

Ըստ պաշտոնական հաղորդագրության՝ հակատանկային ականի պայթյունի հետևանքով պայթյունաբեկորային մահացու վիրավորումներ են ստացել մարտական դիրքում ինժեներական աշխատանքներ կատարելիս: Դեպքի առթիվ հարուցվել է քրեական գործ՝ ՀՀ քրեական օրենսգրքի 373-րդ հոդվածի 4-րդ մասով (Զենքի, ռազմամթերքի և շրջապատի համար առավել վտանգ ներկայացնող առարկաների, նյութերի հետ վարվելու կանոնները խախտելը, որն անզգուշությամբ առաջացրել է երկու կամ ավելի անձանց մահ): ՀՀ ՊՆ մամուլի խոսնակ Արծրուն Հովհաննիսյանից տեղեկացանք նաեւ, որ բացի քրեական գործից դեպքի առթիվ ծառայողական քննություն է նշանակվել:

Տպել
1468 դիտում

ՔԿ-ն ստեղծել է աշխատանքային խումբ՝ Երևանի ավագանու ընտրություններին խախտումների մասին ահազանգերի համար

Այսօր Երևանի ավագանու արտահերթ ընտրություններն են, 979 թեկնածու կպայքարի ավագանու 65 տեղի համար

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը