Ի՞նչ ունի Սյունիքի մարզպետը Դարբասի դպրոցի ընտրված տնօրենի դեմ

2017 թվականի սեպտեմբերի 11-ին Սյունիքի մարզի Դարբաս գյուղի դպրոցում տնօրենի թափուր տեղի համար կայացել էր դպրոցի կառավարման խորհրդի նիստ: Նիստին մասնակցել էր ՀՀ կրթության եւ գիտության նախարարության ներկայացուցիչ Նաիրա Ներսիսյանը: Ընտրության արդյունքում 5 ձայնով հաղթող էր ճանաչվել Ռուբեն Զաքարյանը, երեք ձայն ստացել էր Տիգրան Սանթրյանը եւ զրո ձայն, Վարդիթեր Սանթրյանը: Նախարարության ներկայացուցիչն առարկություններ չի ունեցել եւ այդ մասին գրավոր զեկուցագիր է ներկայացրել ՀՀ ԿԳ նախարարությանը:

Սակայն Սյունիքի մարզպետ Վահե Հակոբյանը մինչեւ այժմ ընտրված թեկնածու Ռուբեն Զաքարյանի նշանակման որոշումը չի ստորագրել, առանց որեւէ պարզաբանում ներկայացնելու:

Արդյունքում վաղը Դարբաս գյուղի միջնակարգ դպրոցում մարզպետի հրամանով կառավարման խորհրդի արտահերթ նիստ է կայանալու, տնօրենի թափուր տեղի համար:

Ռուբեն Զաքարյանը մեր զրույցում հաստատեց, որ ընտրություններից հետո Սյունիքի մարզպետն աշխատանքային պայմանագիր չի կնքել իր հետ եւ պարզաբանում չի ներկայացրել, թե ինչու: Հարցին, ինչն է եղել պատճառը, Ռուբեն Զաքարյանը պատասխանեց, որ որեւէ պատճառ չի տեսնում. «Նախկինում էլ մարզպետի հետ որեւէ խնդիր չի եղել», - ավելացրեց նա:

Հետաքրքրվեցինք, թե Ռուբեն Զաքարյանն ինչու չի դիմում դատարան: Վերջինս միայն ասաց, որ վաղը երկրորդ անգամ է մասնակցելու ընտրություններին եւ փորձելու է արդարացիորեն ի կատար ածել ընտրական գործընթացում իր պարտականությունները:

Սյունիքի մարզպետ Վահե Հակոբյանն անգամ թույլ չտվեց հարցն ավարտել. «Զանգում եք Սաղաթելյան Վազգենին, ցտեսություն Ձեզ»:

Մարզպետի մամուլի խոսնակ Վազգեն Սաղաթելյանը ասաց, որ միայն Վահե Հակոբյանի հետ քննարկելուց հետո կպատասխանի գրավոր հարցմանը. «Եթե չեմ սխալվում, մենք այս հարցը մեկ անգամ մեկնաբանել ենք, ամեն դեպքում խնդրում եմ հարցն ուղարկել գրավոր, որովհետեւ մարզպետն այս պահին գտնվում է համայնքում»:

Մենք փնտրեցինք, սակայն Վազգեն Սաղաթելյանի հիշատակած մեկնաբանությունը չգտանք:

ՀայԱրփի Բաղդասարյան

Տպել
2674 դիտում

Արմեն Սարգսյանն առանձնազրույց է ունեցել Վրաստանի վարչապետ Գեորգի Կվիրիկաշվիլիի հետ

Սա նոր Հայաստանն է, որը ես շատ սիրում եմ. զվարթ շրջանավարտները՝ կառավարական ամառանոցում

Սահմանամերձ համայնքների շրջանավարտների տոնը կառավարական առանձնատանը՝ լուսանկարներով

Նախագահ Արմեն Սարգսյանը տիկնոջ հետ ժամանել է Թբիլիսի

ՊԵԿ նախագահի 2 տեղակալներին հարցաքննել են, ձերբակալվեց 4 հոգի. ԱԱԾ-ի աղմկոտ բացահայտումը

Էրեբունու բանդայի անդամները թաղապետարանի աշխատակիցներ են (լուսանկարներ, տեսանյութ)

Վարչապետը միացավ շրջանավարտների տոնախմբությանը (տեսանյութ, լուսանկար)

Էրեբունիում զանգվածային անկարգությունների գործով կասկածվողը Արտաշես Չիչոյանի հայրն է

ԵԽԽՎ համազեկուցողները բարձր են գնահատել հավաքների ժամանակ Պաշտպանի աշխատանքը

Ֆրանսիայում ՀՀ դեսպանի հանդիպումը ԱԺ Ֆրանսիա-Հայաստան բարեկամության խմբի հետ

Իրանի Իսլամական հանրապետության քաղաքացու դի է հայտնաբերվել

Վարչապետն ընդունել է Ֆրանկոֆոնիայի ՄԿ քարտուղարության պատվիրակությունը

Կիսադատարկ նիստեր. նախանձելի աշխատավարձ ստացող պատգամավորներն աշխատանքի չեն գալիս

Նիկոլ Փաշինյանին շնորհավորական ուղերձ է հղել Միացյալ Թագավորության վարչապետ Թերեզա Մեյը

Վերջին անգամ «Ռեալը» հենց «Լիվերպուլին» է պարտվել Չեմպիոնների լիգայի եզրափակչում

Հստակեցվում է Էրեբունիում անկարգությունների մասնակցած անձանց շրջանակը (տեսանյութ)

Սահմանամերձ դպրոցների բազմաթիվ շրջանավարտներ այսօր հյուրընկալվել են վարչապետի առանձնատանը

ԴԱՀԿ-ի պատասխանը «Հայկական Ժամանակ» օրաթերթի հրապարակմանը

Սպիտակի համայնքապետարանի ուշագրավ գնումները եւ ֆինանսական բաժնի պետի բացատրությունը

Արագաչափերը չեն բարձրացրել անվտանգության մակարդակը եւ դրանց նպատակը եղել է փող գռփելը