Հայաստանում արձանագրությունները չեղյալ հայտարարելը զենք կդառնա Թուրքիայի ձեռքում. Դոլգով

14/12/2017 schedule11:51

Եթե Երեւանն առաջինը չեղյալ հայտարարի հայ-թուրքական Ցյուրիխյան արձանագրությունները, դա բացասական կանդրադառնա Հայաստանի միջազգային իմիջի վրա, ասում է պատմական գիտությունների թեկնածու, ՌԴ ԳԱԱ արաբական եւ իսլամական հետազոտությունների կենտրոնի ավագ գիտաշխատող Բորիս Դոլգովը, գրում է rusarminfo.ru-ն:

«Միջազգային հանրության առաջ Հայաստանը կդառնա երկիր, որն այլեւս չի ցանկանում հարեւան Թուրքիայի հետ կարգավորել հարաբերությունները: Արձանագրությունները չեղյալ հայտարարելը կընկալվի բացասական կերպով: Այդ պատճառով Հայաստանի իշխանություններն իրենց գործընկերներին պետք է հասկացնեն աձանագրությունները չեղյալ հայտարարելու պատճառները եւ բացատրեն, որ մեղքը թուրքական կողմինն է, որը հրաժարվել է վավերացնել այդ արձանագրությունները»,- ասել է Դոլգովը:

Նրա խոսքով, եթե Հայաստանի հիմնավորումները կշռադատված լինեն, հնարավոր կլինի խուսափել անցանկալի հետեւանքներից:

«Հայաստանում արձանագրությունները չեղյալ հայտարարելը զենք կդառնա Թուրքիայի ձեռքում, որը կպնդի` Հայաստանն է առաջինը հրաժարվել հարաբերությունների կարգավորումից եւ կփորձի իր պատասխանատվությունը փոխանցել Երեւանին: Թուրքիան չի հրաժարվի Հայաստանին նման բացասական լույսի ներքո ցույց տալու հնարավորությունից»,- ասել է Դոլգովը:

Ավելի վաղ թեմային անդրադարձել է նաեւ թուրքական «Hürriyet» թերթի սյունակագիր Ունալ Չեւիքյոզը` նշելով, որ հայկական կողմը սխալ կանի, եթե արձանագրությունները ճանաչի առ ոչինչ, քանի որ այդ դեպքում Թուրքիան հնարավորություն կստանա Հայաստանին «քավության նոխազ» դարձնելու եւ պնդելու, թե Հայաստանն առաջինն է հրաժարվել կարգավորման գործընթացից։

Նախօրեին երկօրյա պաշտոնական այցով Հունաստանում գտնվող ԱԳ նախարար Էդվարդ Նալբանդյանը հայտարարել էր. «Հայաստանի Նախագահի նախաձեռնությամբ Թուրքիայի հետ հարաբերությունների կարգավորման գործընթաց էր մեկնարկել, որը հանգեցրեց 2009թ.-ի հոկտեմբերին Ցյուրիխի արձանագրությունների ստորագրմանը: Այնուամենայնիվ, մինչ օրս այս փաստաթղթերը չեն վավերացվել, քանի որ Թուրքիան առաջ քաշեց անհիմն նախապայմաններ, որոնք հակասում էին արձանագրությունների տառին եւ ոգուն: Այս փաստաթղթերը չեն կարող ընդմիշտ պատանդ մնալ, եւ դա է պատճառը, որ Հայաստանի Նախագահը սեպտեմբերին ՄԱԿ-ի Գլխավոր Ասամբլեայի ամբիոնից հայտարարեց, որ Հայաստանը արձանագրություններն առ ոչինչ կհայտարարի, քանի որ չկա որեւէ դրական առաջընթաց դրանց իրականացման համար, եւ մենք 2018թ. գարունը կդիմավորենք առանց այդ արձանագրությունների»:

Թուրքիայի ղեկավարությունը սխալվում է, եթե մտածում է, որ կարող է առհավետ պատանդ վերցնել Ցյուրիխում 2009 թ-ին ստորագրված արձանագրությունները եւ վավերացնել միայն իրեն հարմար առիթով, Նյու Յորքում ՄԱԿ-ի Գլխավոր ասամբլեայի 72-րդ նստաշրջանին իր ելույթում հայտարարել էր ՀՀ նախագահ Սերժ Սարգսյանը։

«Արձանագրությունները բանակցել են ներկայիս պայմաններում՝ առկա խնդիրներին լուծում գտնելու համար։ Դրանց կենսագործման ուղղությամբ շարունակաբար որեւէ դրական տեղաշարժի բացակայության պայմաններում Հայաստանը այդ երկու արձանագրությունները հայտարարելու է առ ոչինչ։ Մենք 2018 թվականի գարուն ենք մտնելու առանց այդ, ինչպես, ցավոք սրտի, փորձը ցույց տվեց, սին արձանագրությունների»,- ասել էր ՀՀ նախագահը եւ ընդգծել, որ Հայաստանը Հայոց ցեղասպանության ճանաչումը երբեք նախապայման չի դարձրել Թուրքիայի հետ երկկողմ հարաբերությունների կանոնակարգելու համար:

«Այդ փաստաթղթերն առ այսօր չեն վավերացվել եւ հանգրվանել են պաշտոնական Անկարայի մութ գզրոցներում։ Թուրքիայի կառավարությունը անհեթեթ նախապայմաններ է առաջ քաշում դրանք վավերացնելու համար, որոնք բնավ չեն բխում արձանագրությունների տառից եւ ոգուց»,- ասել է Սերժ Սարգսյանը։

Տպել
13910 դիտում

Կարկտահարություն եւ հոսանքազրկում Գյումրիում

Արսեն Թորոսյանը Քաղաքացիական պայմանագիր կուսակցության անդամ է դարձել

ՎՏԲ-Հայաստան Բանկը ներկայացնում է նորացված Մոբայլ և Ինտերնետ բանկ ծառայությունները

Որոշումը վերջնական է. Գյումրիում վաղը հանրահավաք չի լինի

Ներդրեք ՀՀ դրամով ավանդներ ՎՏԲ-Հայաստան Բանկում 10% տոկոսադրույքով

Ucom-ի աջակցությամբ Արցախում կայացավ Դիջիքեմփ 2018-ը

Նախապես ծրագրված սպանդ. Մարտի 1-ի տասը զոհերի մահվան հանգամանքները

Օգոստոսի 17-ին ակտիվորեն մասնակցեք վարչապետ Փաշինյանի հանրահավաքին. Ազատամարտիկների դաշինք

Կարկուտն Ազատանում 8000 տոննայից ավելի կարտոֆիլ է ոչնչացրել

Քայլերթ, հեծանվաերթ, գույներ. YIC-ն Գյումրիում տոնել է Երիտասարդների միջազգային օրը

Կոչ օգոստոսի 17-ի հանրահավաքի կապակցությամբ

ՎՏԲ -Հայաստան Բանկը սահմանել է անվանական կրթաթոշակ լավագույն ուսանողի համար  

Ոստիկաններն առևանգել են Ռ. Քոչարյանին Հաագայի դատարանին հանձնելու ստորագրահավաքի բլանկները

ՇՊՀ նախկին պրոռեկտոր Անահիտ Ֆարմանյանին կալանավորելու որոշում է կայացվել,նա հետախուզվում է

Լեւոն Բարսեղյանն ընտրվել է ՇՊՀ հոգաբարձուների խորհրդի նախագահ

Տեսանյութ. Սուրեն Փ.-ն միացավ մեր բարեգործական ծրագրին

Ողբերգական ավտովթար Լոռիում. ՊՆ զինծառայող է մահացել (լուսանկարներ)

Մարտի 1-ի գործով կատարված խուզարկությունից հետո ձերբակալվել է Հովիկ Աբրահամյանի եղբայրը

Ոստիկանական բարձր մակարդակի ստեր. Մարտի 1

Բացառիկ ընտրություններ ենք ունենալու. ՀՀ ոստիկանապետ