Դարբասի դպրոցի արտահերթ ընտրություններում կրկին հաղթել է Ռուբեն Զաքարյանը

Սյունիքի մարզի Դարբաս գյուղի միջնակարգ դպրոցում կայացան տնօրենի թափուր տեղի համար արտահերթ ընտրությունները: Հիշեցնենք, որ Սյունիքի մարզպետ Վահե Հակոբյանը սեպտեմբերի 11-ին նույն դպրոցի տնօրենի ընտրություններում հինգ ձայնով հաղթած Ռուբեն Զաքարյանի նշանակման որոշումը չէր ստորագրում այնքան, որ նոր ընտրություն նշանակվեց: 

Ընտրությունների արդյունքում կրկին հաղթել է Ռուբեն Զաքարյանը՝ վաստակելով խորհրդի անդամների առավելագույն յոթ քվեն:

Նախորդ ընտրություններին վերջինս միայն հինգ ձայն էր ստացել:

Armtimes.com-ի գրավոր հարցմանը, թե ինչո՞ւ չէր նշանակվում ընտրված տնօրենը, Սյունիքի մարզպետի մամուլի խոսնակ Վաղինակ Սաղաթելյանն այսօր պատասխանեց, որ «2017 թվականի սեպտեմբերի 11-ին կայացած մրցույթի արդյունքում Դարբասի միջնակարգ դպրոցի տնօրենի պաշտոնում ընտրված Ռուբեն Զաքարյանի հետ տվյալ պաշտոնի համար աշխատանքային պայմանագիր չի կնքվել, քանի որ Ռուբեն Զաքարյանի եւ Սյունիքի մարզպետ Վահե Հակոբյանի միջեւ կնքված աշխատանքային մեկ այլ պայմանագրի հիմքով, ինչպես մրցույթը կայանալու պահին, այնպես էլ հիմա, Ռուբեն Զաքարյանը հանդիսանում է Շենաթաղի հիմնական դպրոցի տնօրեն»:

«Ընտրություններում հաղթելուց հետո Ռուբեն Զաքարյանի կողմից ՀՀ Աշխատանքային օրենսգրքի 112-րդ հոդվածով նախատեսված կարգով չի ներկայացվել գործող աշխատանքային պայմանագիրը լուծարելու վերաբերյալ առաջարկ, իսկ «Պետական ոչ առեւտրային կազմակերպությունների մասին» ՀՀ օրենքի 15-րդ հոդվածի 3-րդ կետի համաձայն պետական կազմակերպության գործադիր մարմնի պաշտոնում նշանակված կամ ընտրության արդյունքում գործադիր մարմնի պաշտոնում նշանակված անձը չի կարող զբաղեցնել այլ պաշտոն կամ կատարել վճարովի այլ աշխատանք, բացի գիտական, մանկավարժական եւ ստեղծագործական աշխատանքից:

Հաշվի առնելով՝ վերոգրյալը, ինչպես նաեւ այն հանգամանքը, որ միեւնույն անձը չի կարող զբաղեցնել միաժամանակ մեկ եւ ավելի դպրոցների տնօրենի պաշտոն, Ռ. Զաքարյանի հետ Դարբասի դպրոցի տնօրենի պաշտոնում չի կնքվել աշխատանքային պայմանագիր, եւ նա շարունակում է պաշտոնավարել Շենաթաղի միջնակարգ դպրոցի տնօրենի պաշտոնում»,- մեր հարցին պատսպանել է Սաղաթելյանը:

Հիշեցնենք, որ ՀՀ կրթության եւ գիտության նախարարության ներկայացուցիչ Նաիրա Ներսիսյանը առարկություններ չի ունեցել եւ այդ մասին գրավոր զեկուցագիր է ներկայացրել նախարարությանը: Ընտրության արդյունքները չեն բողոքարկվել, եռօրյա ժամկետում գրավոր տեղեկություն է ներկայացվել Սյունիքի մարզպետարան, որտեղ, կարգի համաձայն, արդյունքներն ուսումնասիրվել եւ բողոքի հիմքեր չեն հայտնաբերվել:

Սյունիքի մարզպետարանը հինգ աշխատանքային օրվա ընթացքում պետք է որոշում ընդուներ, որ կամ անցկացվող մրցույթը համապատասխանել է ընտրության կարգի պահանջներին, կամ՝ հակառակը՝ նշելով խախտումները: Սակայն մարզպետարանը որոշումներից որեւէ մեկը չի ընդունել:
Սեպտեմբերի 22-ին մարզպետարանը հայտնել է, որ աշխատանքային պայմանագիր չի կարող կնքել հաղթած թեկնածուի հետ, քանի որ վերջինս սահմանված ժամկետում նախորդ դպրոցի տնօրենի աշխատանքից ազատվելու դիմում չի գրել (Ռ. Զաքարյանը դիմում կարող էր գրել մինչեւ սեպտեմբերի 25-ը, այնինչ մարզպետարանը «հարցը փակել է» սեպտեմբերի 22-ին):

Սակայն Ռուբեն Զաքարյանը պնդում է, որ ինքը սահմանված ժամկետում եւ կարգով դիմում կգրեր Շենաթաղի դպրոցի տնօրենի պարտականություններից ազատվելու մասին, եթե իրեն ճիշտ ժամանակին իրազեկեին իր ընտրվելու մասին: Մարզպետարանը որոշում չի ընդունել Ռուբեն Զաքարյանի՝ հաղթող ճանաչվելու մասին:

Վազգեն Սաղաթելյանը նշում է, որ գործընթացն իրականացել է ՀՀ օրենսդրությանը համապատասխան, եւ, ելնելով իրենց պարզաբանումներից, այստեղ «արդարանալու» որեւէ անհրաժեշտություն չկա:

Նշենք նաեւ, որ այսօրվա ընտրություններին չի մասնակցել թեկնածուներից Տիգրան Սանթրյանը:

Ռուբեն Զաքարյանը մեր զրույցում ասաց, որ ընտրություններն անցել են արդար. «Հիմա պետք է սպասենք Սյունիքի մարզպետարանի՝  ընտրության կարգի համապատասխան անցկացման մասին որոշմանը»:

ՀայԱրփի Բաղդասարյան

Տպել
4018 դիտում

«Ռեալը»՝ 3-րդ տարին անընդմեջ ՉԼ հաղթող. Բեյլը՝ հանդիպման հերոս, Կարիուսը՝ հակահերոս

Հարցազրույց. բանակցել են չեն բանակցել

Հանուն ազգի. «միասնության շուրջպարը» ապօրինի՞ է

Բարբարոսություն.  մի ոչնչացրեք Մթնաձորը

«Ավելի վատ. սրանք քաղաքի լավագույն մարդիկ են» Լիլիթ Ավագյանի հոդվածը

Արմեն Սարգսյանն առանձնազրույց է ունեցել Վրաստանի վարչապետ Գեորգի Կվիրիկաշվիլիի հետ

Սա նոր Հայաստանն է, որը ես շատ սիրում եմ. զվարթ շրջանավարտները՝ կառավարական ամառանոցում

Սահմանամերձ համայնքների շրջանավարտների տոնը կառավարական առանձնատանը՝ լուսանկարներով

Նախագահ Արմեն Սարգսյանը տիկնոջ հետ ժամանել է Թբիլիսի

ՊԵԿ նախագահի 2 տեղակալներին հարցաքննել են, ձերբակալվեց 4 հոգի. ԱԱԾ-ի աղմկոտ բացահայտումը

Էրեբունու բանդայի անդամները թաղապետարանի աշխատակիցներ են (լուսանկարներ, տեսանյութ)

Վարչապետը միացավ շրջանավարտների տոնախմբությանը (տեսանյութ, լուսանկար)

Էրեբունիում զանգվածային անկարգությունների գործով կասկածվողը Արտաշես Չիչոյանի հայրն է

ԵԽԽՎ համազեկուցողները բարձր են գնահատել հավաքների ժամանակ Պաշտպանի աշխատանքը

Ֆրանսիայում ՀՀ դեսպանի հանդիպումը ԱԺ Ֆրանսիա-Հայաստան բարեկամության խմբի հետ

Իրանի Իսլամական հանրապետության քաղաքացու դի է հայտնաբերվել

Վարչապետն ընդունել է Ֆրանկոֆոնիայի ՄԿ քարտուղարության պատվիրակությունը

Կիսադատարկ նիստեր. նախանձելի աշխատավարձ ստացող պատգամավորներն աշխատանքի չեն գալիս

Նիկոլ Փաշինյանին շնորհավորական ուղերձ է հղել Միացյալ Թագավորության վարչապետ Թերեզա Մեյը

Վերջին անգամ «Ռեալը» հենց «Լիվերպուլին» է պարտվել Չեմպիոնների լիգայի եզրափակչում