Չեխովի անվան դպրոցում 5000-ական դրամներ են հավաքում. տնօրենը չի հերքում

Երեւան քաղաքի Անտոն Չեխովի անվան թիվ 55 դպրոցում դրամահավաք է անցկացվում: Armtimes.com-ի տեղեկություններով, յուրաքանչյուր աշակերտից 5000-ական դրամներ են հավաքվում սահմանամերձ գյուղերին օգնելու նպատակով, սակայն ծնողները վստահ չեն, որ հավաքված գումարը նպատակին կծառայի: Տեղեկության վերաբերյալ զրուցեցինք դպրոցի տնօրեն Գայանե Սարուխանյանի հետ:

- Տիկին Սարուխանյան, տեղեկություններ ունենք, որ դրամահավաք է անցկացվում դպրոցում սահմանամերձ գյուղերին օգնելու համար, դուք տեղյա՞կ եք:

- Տեղեկությունը մի քիչ իրականությանը չի համապատասխանում: Կա նման նախաձեռնություն, նախաձեռնության հեղինակները դպրոցի աշակերտներն են, աշակերտական խորհուրդը ու նպատակը ոչ թե սահմանամերձ գյուղերին, այլ բուժման կարիք ունեցող երեխաներին օգնելն է, որոնց հիմնադրամների հասցեներն արդեն ընտրել են ու աշակերտներն են նախաձեռնողն ու կազմակերպողը: Ես տեղյակ եմ ու նաեւ խրախուսում ենք, ուրախ եմ, որ նման նախաձեռնությամբ աշակերտներն իրենք են հանդես եկել: Ոչ միայն նվիրատվություն է լինելու՝ գումարի տեսքով, այլ նաեւ աշակերտները պատրաստել են բացիկներ, նկարներ, բարեմաղթանքներ, որովհետեւ ամանորից առաջ միշտ ընդունված է նվերներ անել:

- Ո՞վ է վերահսկում, որքա՞ն գումար է հավաքվել, կոնկրետ երեխաներ կա՞ն ընտրված, որոնց առողջության վերականգնմանն է ուղղվել է գումարը:

-Բնականաբար, նման նպատակով կազմակերպվող միջոցառումը չի կարող որեւէ կերպ ունենալ ուրիշ բաղկացուցիչ: Ամեն ինչ իրապես գնում է ճիշտ ուղղությամբ եւ կազմակերպվում է շատ պատշաճ: Ամենակարեւորը՝ որեւէ պարտադրանք չկա, իսկ շատ երեխաների մասնակցությունը եղել է գիրք նվիրելու, բացիկ պատրաստելու տեսքով: Նկարներ ունեք, որոնք հիմա դպրոցում են, եթե ժամանակ գտնեք եւ գաք, ապա կարող ենք ձեզ ողջ միջոցառման ծրագիրը ցույց տալ, կխոսեք նախաձեռող խմբի եւ երեխաների հետ: Մենք շատ ուրախ ենք, որ երեխաներն այսպես մտածում են ամանորից առաջ:

- Վերահսկողությունն ո՞վ է իրականացնում:

- Առայժմ գումարը ծնողներն են հավաքագրում: Հետո երբ որ կգա պահը, երբ ի մի կբերեն, կլինի հանձնաժողով երեխաների, ծնողների եւ դպրոցի կառավարման խորհրդի մասնակցությամբ եւ տեղում շատ բաց եւ ազնիվ մոտեցմամբ՝ այդ ամեն ինչն արդեն կստանա վերջնական տեսք: Հիմա դեռ իրենք քննարկում են, որովհետեւ սկզբում նախաձեռնությունը մի քանի դասարանների կողմից էր, քանի որ իրենք ունեն փոքրիկներ, որոնք սովորում են տարբեր դասարաններում, տարածում գտավ ու իրենք հասկացան, որ կարող են ամբողջ դպրոցով մասնակցել:

- Ես ուզում եմ իմանալ, դուք տեղյա՞կ եք, թե այս պահին որքան գումար է հավաքվել:

- Ազնվորեն տեղյակ չեմ: Կարող ենք վերջում, երբ կգա պահը, հրավիրենք ձեզ եւ տեսնեք: Կարող եք որեւէ անհանգստություն չունենալ, որ այս նպատակով հավաքագրվող գումարը նպատակին չի ծառայելու: Իրենք են իրենց ձեռքով դա անելու, բայց առանց մեր ուղղորդման դա չի կարող տեղի ունենալ:

Տպել
3215 դիտում

Աֆղանստանում քննարկվել է խաղաղապահ զորքերի սպառազինությունը եւ տեխնիկական հագեցվածությունը

Անցկացվել են հայ-գերմանական երկկողմ ռազմաքաղաքական խորհրդակցությունները

Անհրաժեշտ է քայլ առ քայլ առաջ գնալ. Աննա Հակոբյանը՝ ԼՂ պատերազմի ժամանակ զոհվածների ընտանիքների խնդիրների լուծման մասին

Լուսացույցների տեղափոխություն Սայաթ-Նովայի պողոտա-Չարենցի փողոց խաչմերուկում

Քննարկվում են քրեակատարողական հիմնարկներն օտարալեզու գրականությամբ համալրելու հնարավոր ուղիները

Խարդախությամբ բանկից  փորձել են 1 մլն. եվրո հափշտակել. հայտարարվել է հետախուզում

Իմ քաղաքական գնահատականները շարունակում են մնալ նույնը՝ Սերժ Սարգսյանի նկատմամբ. վարչապետ

Հայաստանը կարեւորում է Խորվաթիայի հետ համագործակցության ընդլայնումը. հանդիպում նախագահականում

Ստեփանակերտում շուտով երկու նոր մանկապարտեզ կկառուցվի. Արայիկ Հարությունյանը՝ բարեգործական նոր ծրագրի մասին

Առաջիկա հինգ տարիների ընթացքում եկամտահարկի շեմը իջնելու է եւ դառնա 20 տոկոս. Նիկոլ Փաշինյան

Կալանքը Մայրապետյանի անձնական հաշիվների վրա է, որոնցից ֆինանսավորվում էր հեռուստաընկերությունը. պարզաբանում

ՀՀԿ-ի իշխանության ամենածաղկուն շրջանում հրապարակվել են ԼԳԲՏ նախարարների անուններ

Ստեփանծմինդա–Լարս ավտոճանապարհը բաց է

Աշոտ Աղաբաբյանը մտածում է «Հրազդանը» վերականգնելու մասին. գրավը 26 մլն դոլար չէ

Քաղաքական իրավիճակն ազդում է քրեական գործի քննության վրա. Փաշինյանը՝ Ալեքսանդր Սարգսյանի 30 մլն-ի մասին

«Մարդ կա, մտել է կառավարություն ու սկսել է իր ընկերների հարցերը լուծել, իմ հրահանգով ազատվել է աշխատանքից

Դեպք է եղել, որ պաշտոնյա են ձերբակալել, քաղաքական մեծ աղմուկ է առաջացրել եւ ես տեղյակ չեմ եղել. Փաշինյան

Կառավարությունում կայացել է մարդկային կապիտալի զարգացման վերաբերյալ քննարկում

Հասանովը կհանդիպի Թուրքիայի եւ Վրաստանի ԶՈՒ ԳՇ պետերի հետ

Շոկ էր, երբ ստացանք հեռախոսազանգ, որ ինձ համար էս ուղարկեք, էն ուղարկեք. վարչապետը՝ որդու բանակային ծառայության մասին