15-ը փոքր տարիք է նման բաներով զբաղվելու համար, գոնե 18. մեկնաբանում են 15-ամյա աղջիկները

Մինչեւ 15 տարեկան աղջիկների սեռական փորձի մասին Առողջապահության նախարար Լեւոն Ալթունյանի հայտարարությունը հանրության շրջանում մեծ աղմուկ բարձրացրեց, որակվեց որպես իրականությանը բոլորովին չհամապատասխանող հայտարարություն: Դեկտեմբերի 5-ին «Ազատություն» ռադիոկայանի ֆեյսբուքյան ասուլիսի ընթացքում նախարարն ասել էր. «13 տարեկանում պատվաստելու տրամա­բանությունը հիմնականում այն է, որ պատվաստումը պետք է կատարվի մինչեւ առաջին սեռական փորձը, երբ երեխան դեռ չի հանդիպել վիրուսին: Հայաստանի տարածքում հարցումները ցույց են տալիս, որ մինչեւ 25 տոկոս աղջիկները մինչեւ 15 տարե­կանն արդեն ունեն այդ փորձը, հետեւաբար մենք, որպեսզի մաքսիմալ արդյունք ստանանք, ընտրել ենք 13 տարեկան հասակը: Այդ տարիքը համահունչ է Առողջապահության համաշխարհային կազմակերպության խորհուրդներին՝ պատվաստել 12-14 տարեկան հասակում, ինչը եւ կիրառվել է Հայաստանում»:

«Հայակական ժամանակ»-ն այսօր 14-ից 15 տարեկան աղջիկների շրջանում փոքրիկ հարցախույզ անցկացրեց այս թեմայով: Նրան բուռն արձագանքեցին, թե՛ նախարար Լեւոն Ալթունյանի հայտարարությանը եւ թե՛ մեր կողմից հնչեցված հարցերին: Մեր հարցին՝ արդո՞ք հայ աղջիկներն այդ տարիքում արդեն ունեն սեռական փորձ, բոլոր հարցվածները միբերան բացասաբար արձագանքեցին, ասելով, որ դա չափազանց փոքր տարիք է «նման բաներ անելու համար»: Հարցվածներից գրեթե բոլորի պատասխանի նախաբանը հետեւյալն էր՝ «ես նման բաներով չեմ զբաղվում», «դա նորմալ չեմ համարում», « էդ նորմալ չի» « դա հայ հասարակությունը չի ընդունում», « էդ կյանքով 15 տարեկանում ապրող անգամ ծանոթ չունեմ», «էդ կյանքով չեմ ապրում» եւ այլն: Աղջիկներն անգամ խուսափում էին, որեւէ կոնկրետ բառ արտաբերելուց:

Մեր այն հարցին թե, եթե ձեր ծնողները խիստ չլինեին, դուք չվախենայիք նրանցից, հնարավո՞ր է, որ այլ կերպ մտածեիք եւ այլ վարք դրսեւորեիք, 15-ամյա Ս.Ս-ն ասաց. «Իմ կարծիքով 15 տարեկանը չափազանց փոքր տարիք է նման բաներով զբաղվելու համար, եթե գոնե 18 լինեին, դա ուրիշ բան»:

Իսկ այն հարցին, թե շրջապատում կա՞ն  հասակակից աղջիկներ, որոնք սեռական կյանքով են ապրում եւ չեն թաքցնում, աղջիկներից մեկն ասաց. «Տենց չգիտեմ, ուղղակի լսել եմ, բայց շատ չեն: Ովքեր որ նորմալ դաստիարակություն չեն ստացել, հիմնականում նրանք են»: Ստորեւ ներկայացնում ենք աղջիկների պատասխաններն առանձին-առանձին, նրանք հրաժարվեցին ներկայանալ եւ տեսանյութի մեջ երեւալ.

- Ես 15 տարեկան եմ: Իմ շրջապատում նմանատիպ մարդիկ չկան, ես ինքս չեմ ճանաչում նմանատիպ մարդկանց, նախարարի հայտարարությունը չափազանց անհեթեթ ու չհիմնավորված է:

- Մի հոգի բացառություն կարող ա լինի, բայց դա մասսայական տարածված բան չի, որի պատճառով հայտարարություն է արվել:

- Ես 15 տարեկան եմ, իմ ծնողները շատ խիստ են եւ ես հեռու եմ նման բաներից, չեմ շփվում էնպիսի մարդկանց հետ, որոնք նման բաներով են զբաղվում:

- Դա դաստիարակության պակաս է:

- Մարդն ունի իրավունք անելու այն ինչ ուզում է:

- Եթե մարդը մտածում է, որ դրա մեջ վատ բան չկա, նա կանի, բայց մեր շրջապատում նման աղջիկներ չկան:

- 14 տարեկան եմ, դա նորմալ չեմ համարում, այդ տարիքի մարդը պետք է սովորի, ուսմանն ուշադրություն հատկացնի, ոչ թե ինչ-որ սեռական կյանքով զբաղվի:

- 15 տարեկան եմ, շատ բացասական եմ վերաբերվում, չնայած, որ ամեն ընտանիք ունի իրեն բնորոշ դաստիարակությունը, բայց քանի որ ես հայուհի եմ, իսկ հայ հասարակության մեջ դա չի ընդունվում: Արտասահմանում դա ընդունված բան է, փոքր տարիքից լինում են այդպիսի բաներ:

- Ծանոթ ընկերուհի չունեմ, որ ապրում է էդ կյանքով, բայց իմ կարծիքով բոլորն էլ բացասաբար կվերաբերվեն:

- Ես 15 տարեկան եմ ու էդ ամեն ինչին լավ չեմ վերաբերվում, իմ կարծիքով մինչ չափահաս դառնալը դա շատ սխալ է, ես կյանքում ինձ նման բան թույլ չեմ տա:

- Եղել է, որ նման դեպք եմ լսել, ինձ շատ վատ եմ զգացել, որովհետեւ, նախ՝ էդ աղջկա ծնողները չգիտեմ ինչ վիճակում կլինեն: Եթե տղաներն այդպիսի առաջարկություն անեն էլ, իմ կարծիքով աղջիկները պետք է հրաժարվեն:

- Ես 15 տարեկան եմ, իմ հետեւից մի տղա էր գալիս, մի շաբաթ, երկու շաբաթ, մոտեցավ հեռախոսիս համարն ուզեց, ասում էր՝ արի շփվենք, ես տանն ասեցի, ախպերներիս ասեցի, ու շատ վատ բան ստացվեց էդ տղու համար, մեծ քաշքշուկ եղավ: 

Տպել
3099 դիտում

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն