Արցախի պետական նախարարն ու ՀՀ վարչապետը այցելել են ձեթի գործարան. լուսանկարներ

ԱՀ պետական նախարար Արայիկ Հարությունյանի և ՀՀ վարչապետ Կարեն Կարապետյանի գլխավորած պատվիրակությունները դեկտեմբերի 16-ին այցելել են մի շարք ուսումնական հաստատություններ և արտադրական ձեռնարկություններ: Այս մասին հայտնում են Արցախի հանրապետության պետական նախարարի աշխատակազմի տեղեկատվության և հասարակայնության հետ կապերի բաժնից:

Հյուրերին Եզնիկ Մոզիյան արհեստագործական ուսումնարանում ներկայացրել են շինարարության և հարակից ոլորտներում ուսանողների համար ստեղծված տեխնիկական հնարավորությունները, ինչպես նաև՝ ֆրանսիական մոդելով աշխատող դասավանդման մեթոդաբանությունը: Շուշիի տեխնոլոգիական համալսարանում պատվիրակությունը ծանոթացել է կրթօջախի ձեռքբերումներին և նյութատեխնիկական բազային, այդ թվում՝ կիրառական նշանակության գիտահետազոտական լաբորատորիաներում կատարվող աշխատանքների արդյունքներին:

Ծանոթանալով արհեստագործական ուսումնարանի և տեխնոլոգիական համալսարանի պայմաններին՝ երկու հանրապետությունների պետական այրերը կարևորել են կիրառական ուղղվածություն ունեցող կրթական այդ օջախների դերն Արցախի տնտեսության և կրթական համակարգի զարգացման գործում:

Ա. Հարությունյանը շեշտադրել է, որ կառավարությունը մեծ պատասխանատվություն է դրել այդ երկու նորաստեղծ կրթական հաստատությունների վրա՝ ծրագրելով աստիճանաբար բարձրացնել դրանց դերը որակյալ մասնագետների պատրաստման և կիրառական հետազոտությունների իրականացման հարցում:

Պատվիրակություններն այնուհետև այցելել են Թաղավարդ գյուղում գործող «Ռեպսիդ» ձեթի գործարան, որտեղ նրանց են ներկայացվել 2007 թվականից գործող արտադրամասի հնարավորություններն ու արտադրատեսակները: Ձեռնարկությունն արցախյան մաքուր հումքով արտադրում է  արևածաղկի, հլածուկի ու կտավատի ռաֆինացված և չռաֆինացված ձեթ, և ընթացիկ տարում դրա համախառն արտադրանքն անցել է 2200 տոննան:

Պետնախարարը բարձր է գնահատել ընկերության դերակատարումն Արցախի վերամշակող արդյունաբերության զարգացման և տեղական հումքի իրացման գործում: Ա. Հարությունյանը, շեշտադրելով ձեռնարկության արտադրանքի էկոլոգիապես մաքուր լինելու հանգամանքը, նշել է, որ Արցախի կառավարությունը խրախուսում է նման արտադրությունների զարգացումը, ինչը ռազմավարական նշանակություն ունի հասարակության կողմից սպառվող սննդի անվտանգության ապահովման հարցում:

Տպել
2814 դիտում

Պետությանը պատճառած ավելի քան 425 մլն դրամի վնասից բյուջե է վերականգնվել 335 մլնը. ՊԵԿ

Մահացել է ՀԽՍՀ մշակույթի վերջին նախարար Յուրի Մելիք-Օհանջանյանը

Աջափնյակ վարչական շրջանում կիրականացվի լայնամասշտաբ շաբաթօրյակ

1 միլիոն դոլար ներդրմամբ Մաթեւոսյան կենտրոնի շինարարությունն անժամկետ դադարեցված է

«Ոսկե ծիրան» կինոփառատոնի ողջ ղեկավար կազմը փոխվեց. կինոյի մասին օրենքը մնում է օդից կախված

Վանաձորը տոնական տեսքի բերելու համար բյուջեից հատկացվել է 4.5 մլն դրամ

Մոուրինյոն հեռացվեց «Մանչեստեր Յունայթեդից»

ՌԴ-ն աշխատում է Երեւանի ու Բաքվի միջեւ ուղիղ երկխոսության հնարավորությունների ստեղծման ուղղությամբ. դեսպան

Համատեղ պայքարել ժամանակակից մարտահրավերների դեմ. Օսիպյանն այցելել է Վրաստան (տեսանյութ, լուսանկարներ)

Արմեն Սարգսյանը շնորհավորական ուղերձ է հղել Քաթարի Հայր Էմիր Շեյխ Համադ Բին Խալիֆա Ալ Թանիին

Ի՞նչն է խանգարում հայ-ադրբեջանական երկխոսությանը

Տարեվերջին գնաճի ավելի ցածր ցուցանիշ կգրանցվի, քան կանխատեսվում էր. ԿԲ խորհրդի անդամ

Պատգամավորները մանդատները կստանան դեկտեմբերին, իսկ ԱԺ առաջին նիստը կկայանա հունվարին

Վերացվել է ուռճացումն ու նկարչությունը. «Իմ քայլը» պատասխանում է «Լույս» դաշինքի բարձրացրած հարցերին

Կրակոց՝ ինքնաձիգից. ավագ լեյտենանտն անզգուշությամբ վնասվածք է հասցրել ծառայակցին

Մանվել Գրիգորյանը հրաժարվում է ՄԻԵԴ դիմել, այլ կերպ է նայում իրավիճակին. պաշտպան

Լաբորատորիաները Հայաստանինն են եւ քաղաքացիական բնույթ են կրում. Նաղդալյանն արձագանքել է Լավրովին

ԱԻԲԱ-ն պահանջում է ՀՀ բռնցքամարտի ֆեդերացիայից նոր ընտրություններ անցկացնել. Ռոստոմյան

Հայտնի են ԱԺ «Իմ քայլը» խմբակցության ղեկավարի ու քարտուղարի անունները

ՀՀ-ին արգելվելո՞ւ է այլ երկրների զինվորականներ տեղակայել իր տարածքում. ՌԴ դեսպանի մեկնաբանությունը