«Տեսար Օսիպյան, քեզ էլ չեն խնայում». ըստ Դեդի որդու՝ Օսիպյանին ասել է Պավել Մանուկյանը

Շենգավիթ վարչական շրջանի ընդհանուր իրավասության դատարանում դատավոր Արթուր Օհանյանի նախագահությամբ այսօր շարունակվեց հրապարակել «Սասնա ծռեր» խմբի 11 անդամի գործով ապացույցները:

Մեղադրող դատախազներ Արթուր Չախոյանն ու Հակոբ Ենոքյանը, մասնավորապես, հրապարակեցին ՊՊԾ գնդի գրավումից հետո արված քննչական գործողությունների արձանագրությունները: Ըստ փաստաթղթերից մեկի՝ գործով կասկածյալ Վահե Պետրոսյանի (Վահե Պետրոսյանի նկատմամբ հետագայում քրեական հետապնդումը դադարեցվել է: Նա Սպիտակ քաղաքացի է,-Տ.Խ.) մասնակցությամբ քննչական փորձարարություն է տեղի ունեցել գնդի ետնամասի ավտոտնակների եւ «Վարդանանք» կրթահամալիրի միջեւ ընկած տարածքում: Այդտեղից հայտնաբերվել են երկու «Մակարով» տեսակի ատրճանակ եւ արցունքաբեր նռնակի նմանվող առարկա:

Այսպես՝ ըստ արձանագրության՝ Վահե Պետրոսյանը քննիչներին հայտնել է, որ գործով մեկ այլ կասկածյալ Կարեն Հակոբյանի (Դեդ մականունով հայտնի Մարտիրոս Հակոբյանի որդին): Նա ձերբակալվել է, սակայն հետագայում նրա նկատմամբ նույնպես քրեական հետապնդումը դադարեցվել է, հեղ.) հետ մինչեւ ՊՊԾ գնդի գրավումը հանդիպել են Նորքում գտնվող ինչ-որ բնակարանում, որտեղ եղել են նաեւ Կարեն Հակոբյանի քեռին՝ Արայիկ Հակոբյանը եւ Կարենի հայրը՝ Մարտիրոս Հակոբյանը: Այդ բնակարանում մնացել են մինչեւ հուլիսի 16-ի լույս 17-ի գիշերը, որից հետո ոտքով քայլել են դեպի զբոսայգի, որտեղ Վահե Պետրոսյանը իրավապահներին մատնացույց է արել այգու միջնամասում գտնվող նստարանը՝ հայտարարել, որ 17.07.2016 թվականին՝ ժամը 2:13-ի սահմաններում, ինքը Արայիկ, Մարտիրոս եւ Կարեն Հակոբյանների հետ միասին բնակարանից դուրս գալով քայելելով եկել եւ նստել են նշված նստարանին, որից հետո 30 րոպե անց կայանել են «ֆորդ» մակնիշի ավտոմեքենա, որի մեջ են եղել եւս 4 հոգի, նստել են այդ մեքենան եւ շարժվել: Վահե Պետրոսյանի մատնանաշած երթուղիով ուղեւորվել են ՊՊԾ գունդ, որտեղ Պետրոսյանը մատանցույց է արել գնդի դարպասները եւ հայտարարել, որ «ֆորդ» մակնիշի ավտոմեքենան նստելուց հետո եկել են գունդ:

«Մեքենայում նստած անձինք՝ այդ թվում Մարտիրոս, Կարեն եւ Արայիկ Հակոբյանները իջել են մեքենայից նեւ վազելով մտել ՊՊԾ գնդի տարածք, որտեղից հնչել են կրակոցներ: Վահե Պետրոսյանը եւս մտել է նշված գնդի տարածք եւ կրակոցները դադարելուց հետո իմացել է, որ մեքենայում եղած անձինք զինված հարձակում են կատարել մի խումբ անձնանց հետ միասին եւ գրավել ՊՊԾ գունդը: Վահե Պետրոսյանը մատնացույց է արել ՊՊԾ գնդի հատվածներից մեկը՝ հայտարարելով, որ նշված վայրում նկատել է աջ ձեռքից վիրավոր ոստիկանի, մոտեցել է եւ կտորով վիրակապել է վիրավոր ձեռքը: Այդ պահին իրեն եւ ոստիկանին է մոտեցել ինքնաձիգով զինված Արմեն Բիլյանը, ում դիմելով ոստիկանը հարցրել է, թե ինչո՞ւ կրակեցիր: Արմեն Բիլյանը պատասխանել է, որ զգուշացրել էր, որ չշարժվի, չի լսել, որի պատճառով էլ կրակել է եւ ավելացրել, որ ոչինչ կանցնի: Վահե Պետրոսյանը մատնացույց է արել ՊՊԾ գնդի տարածքում գտնվող ավտոտնակը, որի կտուրը բացակայում էր, եւ հայտարարել, որ Կարեն Հակոբյանի հետ մտել են նշված ավտոտնակ, որտեղ մեքենա չի եղել կայանված: Կարեն Հակոբյանը սյան մոտ թողել է իր զրահաբաճկոնը եւ վինչեստրի նման զենքը եւ միասին բոլորից գաղտնի դիմել են փախուստի»,- նշվում է արձանագրությունում:

Կարեն Հակոբյանի մասնկացությամբ նույնպես քննչական գործողություն է իրականացվել: Նա նշել է, որ հուլիսի 17-ի լուսադեմին «ֆորդ» բեռնատար ավտոմեքենայով եղել են ՊՊԾ գնդի դարպասների մոտ, մեքենայի մեջ է եղել, երբ ձայն է լսել: «Մեքենայի մեջ եղել է սպիտակ պարկեր, ոտքը կպել է, բացվել է, եւ իր ենթադրությամբ՝ դրանցում եղել է հրազեն՝ ավտոմատ: Իջել են մեքենայից եւ տեսել «Կռազ» բեռնատարը, որի եւ պատի արանքով Կարեն Հակոբյանը մտել է ներս եւ տեսել մարդկանց»,- ասված է քննչական գործողության արձանագրության մեջ: Կարեն Հակոբյանը նաեւ նշել է, որ զինված խմբի անդամներից Արմեն Լամբարյանին տեսել է ավտոմատով. «Դիտակետի հանգստի սենյակում տեսել է գետնին ընկած կապված մարդու, ապա մանրամասնել է, որ Լամբարյանն ասել է իրեն, որ կապի, որ վնաս չտան մինչեւ տեսնեն ինչ է լինում, սակայն հայրը՝ Մարտիրոս Հակոբյանը , ասել է, որ արձակի նրան, նա ոչ մի բան չի արել:

Դիտակետի միջանցքը մատնացույց անելով, Կարեն Հակոբյանը նշել է, որ այնտեղ եղել է վիրավոր մի ոստիկան (խոսքը Գագիկ Մկրտչյանի մասին է, նա հիվանդանոցում մահացել է, -հեղ.), առաջացել է եւ տեսել նաեւ Արմեն Լամբարյանին: Այդ ժամանակ Հակոբյանը հետեւյալ խոսակցությունն է լսել՝ խի՞ ախպեր, ի՞նչ էի քեզ արել, երբ Լամբարյանը պատասխանել է դե քեզ ասել էի՝ «կանգնի», ասեցինք չենք սպանելու, բախտդ բերել է ձեռքից ես վիրավորվել, ձեռքից մարդ չի մահանա: Կարեն Հակոբյանը նշել է, որ երբ դուրս է եկել ՊՊԾ գնդի դարպասից տեսել է Պավել Մանուկյանին, նրա կողքին՝ Երեւանի փոխոստիկանապետ Վալերի Օսիպյանին: «Նա հիշել է, որ Պավել Մանուկյանը Օսիպյանին ասել է՝ տեսար Օսիպյան, քեզ էլ չեն խնայում»:

Կասկածյալներ Կարեն Հակոբյանը եւ Վահե Պետրոսյանը, իրենց պատմելով, ետնամասով հեռացել են ՊՊԾ գնդի տարածքից: Նշենք, որ Կարեն Հակոբյանը ձերբակալվել է, ապա ազատ է արձակվել: Նրա նկատմամբ նույնպես քրեական հետապնդումը դադարեցվել է:

Տպել
5962 դիտում

Պլյուշչենկոն օրերս 3-րդ անգամ Երեւանում կներկայացնի Սառույցի արքաներ շոուն. կլինի պրեմիերա

ԱՀԿ-ում ներկայացվել է «ԵԱՏՄ-ում ՀՀ անդամակցության մասին» համաձայնագիրը

Ամերիկահայությունը մեր ամենակազմակերպված համայնքներից մեկն է. Բակո Սահակյան

Փաշինյանի որոշմամբ ստեղծվում է Գերիների, պատանդների եւ անհայտ կորած անձանց հարցերով զբաղվող միջգերատեսչական հանձնաժողով

Սահակաշվիլին իրեն ընչազուրկ է անվանել

Վաշինգտոնում ամերիկահայ գործարարները աջակցում են միմյանց բիզնեսներին

Մնացականյանը Եվրոպայում ներկայացրել է ՀՀ-ում բարեփոխումների ուղղությամբ շոշափելի ձեռքբերումները

Տնտեսական ակտիվությունը աճել է 3 տոկոսով, արդունաբերությունը՝ 8.1 տոկոսով

Վաղվանից Հայաստանի զգալի մասում սպասվում են տեղումներ, հիմնականում՝ ձյան տեսքով

Նիկոլ Փաշինյանն այսօր մեկնում է Արագածոտնի մարզ. հանդիպումներ կլինեն Աշտարակում եւ Ապարանում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում

Ջիգարխանյանի նախկին կնոջը 250-ժամյա հարկադիր աշխատանք է տրվել. նա պատրաստ է ավլել փողոցները, բայց մեղավոր չի զգում

ԿԸՀ-ն հրապարակել է ընտրություններին մասնակցող ուժերի համապետական և տարածքային ցուցակները

Շերեմետեվո օդանավակայանի թռիչքուղում ինքնաթիռը ոչ թե կենդանու, այլ մարդու է հարվածել՝ ՀՀ քաղաքացու

ԿԸՀ-ն հրապարակել է ընտրողների թիվը մարզերում ու Երևանում. մարզերից ամենաշատ ընտրողները Կոտայքում են

Անցկացվել են հայ-գերմանական երկկողմ ռազմաքաղաքական խորհրդակցություններ

ԲՀԿ-ն արտահերթ ընտություններին կմասնակցի 169 թեկնածուով, 7 հոգին ինքնաբացարկ է հայտնել

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար