Դեսպան Մնացականյանը ՄԱԿ-ի ԱԽ-ում բարձրացրել է ԼՂ հակամարտության կարգավորման հարցը

21/12/2017 schedule17:34

Դեկտեմբերի 20-ին ՄԱԿ-ի Անվտանգության խորհրդում տեղի ունեցավ «Միջազգային խաղաղության եւ անվտանգության ժամանակակից մարտահրավերները» խորագրով քննարկում, որին մասնակցեց ՄԱԿ-ում ՀՀ մշտական ներկայացուցիչ Զոհրաբ Մնացականյանը: Այս մասին հայտնում են ՀՀ ԱԳՆ-ի մամուլի ծառայությունից:

Հանդիպմանը բազման ելույթով հանդես եկավ ՄԱԿ-ի Գլխավոր քարտուղար Անտոնիո Գուտերեշը, ով անդրադարձավ ահաբեկչության դեմ պայքարի, զարգացման քաղաքականության, մարդու իրավունքների խրախուսման, հակամարտությունների կանխարգելման եւ կարգավորման գործում կանանց ներգրավման կարեւորությանը։

Դեսպան Մնացականյանն իր ելույթում անդրադարձավ հակամարտությունների վաղ կանխարգելման կարեւորությանը, ատելության, անհանդուրժողականության, ազգային պատկանելիության հիման վրա խտրականության դրսեւորումներին։

ՀՀ դեսպանը նշեց, որ ատելության քարոզի, անհանդուրժողականության, այլատյացության, ռասայական եւ ազգային պատկանելիության հիման վրա խտրականության դրսեւորումները պետք է միջազգային հանրության կողմից պատշաճ գնահատականի արժանանան, հատկապես երբ այդ երեւույթները խթանվում են քաղաքական իշխանությունների կողմից։

Հակամարտությունների կարգավորման գործում տարածաշրջանային կազմակերպությունների դերակատարության համատեքստում, Մնացականյանը գոհունակությամբ նշեց միջազգային հանրության, ՄԱԿ-ի եւ Գլխավոր քարտուղարի աջակցությունը Լեռնային Ղարաբաղի հակամարտության խաղաղ կարգավորման գործում ԵԱՀԿ Մինսկի խմբի համանախագահների ջանքերին։ Հիշատակելով հոկտեմբերի 16-ին ու դեկտեմբերի 6-ին կայացած` Նախագահների ու արտաքին գործերի նախարարների մակարդակներով հանդիպումները եւ դրանց վերաբերյալ համապատասխան հայտարարությունները, նա վերահաստատեց Հայաստանի հավատարմությունը ԵԱՀԿ ՄԽ համանախագահների միջնորդությամբ հիմնախնդրի բացառապես խաղաղ կարգավորմանը՝ հիմնարար սկզբունքների ու էլեմենտների հիման վրա, որոնք ներկայացված են որպես ամբողջական փաթեթ:

ՀՀ մշտական ներկայացուցիչն, անդրադառնալով ահաբեկչության սպառնալիքին, հիշատակեց «Իսլամական պետության», Ալ Քաիդայի, ահաբեկչական խմբավորումների կողմից եզդիների, քրիստոնյաների եւ այլ կրոնական ու ազգային խմբերի ներկայացուցիչների նկատմամբ Մերձավոր Արեւելքում՝ հատկապես Սիրիայում կատարված անմարդկային հանցագործությունները, ներաառյալ Սիրիայի Քեսաբ եւ Դեյր Զոր բնակավայրերից էթնիկ հայ բնակչության արտաքսումը։ ՀՀ դեսպանը նշեց նաեւ Հայաստանի կողմից Սիրիային տրամադրվող մարդասիրական օժանդակության մասին, ընդգծելով, որ Հայաստանն ապաստան է տրամադրել ավելի քան 22.000 փախստականների Սիրիայից։

ՀՀ դեսպանը կարեւորեց Հայաստանի մասնակցությունը Լիբանանում եւ Մալիում ՄԱԿ-ի խաղաղապահ առաքելություններում, նշելով, որ 2015 թ․ Խաղաղապահությանը նվիրված համաշխարհային գագաթնաժողովի ընթացքում Հայաստանի Նախագահը պատրաստակամություն էր հայտնել ավելացնելու ՀՀ ներգրավվածությունը միջազգային խաղաղապահպահ գործողություններին: 

Տպել
1289 դիտում

Վստահ եմ, որ Ալբանիային կհաղթենք. ՀՀ բասկետբոլի ֆեդերացիայի փոխնախագահ

Այսօր Հրազդան գետում հայտնաբերված 26-ամյա տղան որոնվում էր մոտ 1 ամիս, դին նեխած է եղել

Երթեւեկության կարգի փոփոխում՝ Երևանի Ղազար Փարպեցու փողոցի Թումանյան-Արամ հատվածում

Այս ամսվա ընթացքում մահացել են մեկ եւ երկու ամսական երեխաներ. պատվաստեք ձեր երեխաներին

Գայ գյուղի հրդեհված տան մոխրացած տերն իրականում սպանվել է հրազենի կրակոցից. դին այրել են

Զվարճալի դեպք ՀՀ ծանրամարտի առաջնությունում.ծանրորդը ծանրաձողով հասավ տրիբունա (տեսանյութ)

Հեռավորությունն այլեւս խոչընդոտ չէ Մադագասկարի հետ համագործակցելու համար. Սերժ Սարգսյան

Արթիկի ոստիկանապետն ազատվել է պաշտոնից. ազատում-նշանակում օպերացիան շարունակվում է

«Գյումրի ԲԿ»-ում ոտքի եղունգի հեռացման համար սկսված միջադեպով զբաղվում է դատախազությունը

Օլիմպիական փոխչեմպիոն Սիմոն Մարտիրոսյանը դիտում էր եղբոր ելույթը ՀՀ առաջնությունում

Շուրջ 40 տաքսու վարորդների հոգեներգործուն դեղահաբով սուրճ է հյուրասիրել ու թալանել

Մայթով քայլելը առավել քան վտանգավոր է (լուսանկարներ)

Եվրոպայի չեմպիոն Անդրանիկ Կարապետյանը 0 ստացավ ՀՀ առաջնությունում

Ինչպե՞ս պաշտպանել մտավոր սեփականությունը․ վարչապետը լուծումներ է պահանջել

Արցախյան շարժումը պատմական իրադարձություն էր․ Բաբլոյանը պարգեւատրել է Արցախի ԱԺ նախագահին

Վրաստանի ներքին գործերի նախարարն այցելել է Ծիծեռնակաբերդ (լուսանկարներ)

Հայաստանում «կապույտ հազ» ախտորոշմամբ 2 ամսական երեխա է մահացել

Հայ կոմպոզիտորական արվեստի 9-րդ փառատոնը կնվիրվի Գրիգոր Եղիազարյանի 110-ամյակին

«Արսենալին» բաժին հասավ «Միլանը». ամենահաճելի մրցակիցը չէ

Թուրք հայտնի քաղաքական գործիչների ու ազգայնականների մոտ հայկական արմատներ են հայտնաբերվել