Երևան
22 °C
searchclose
today
menuclose
Երևան
22 °C
Դեկտեմբերի 18-ից 4-րդ օրն է, ինչ «Հանուն գիտության զարգացման» նախաձեռնության անդամ Դավիթ Պետրոսյանը հացադուլ է սկսել: Պատճառը «Զինապարտության մասին» նոր օրենքի ընդունումից հետո իշխանությունների հետ բանակցությունների անարդյունավետությունն է: Հացադուլ հայտարարած մյուս ուսանողը՝ Յուրի Ավագյանը, թոքաբորբ ախտորոշմամբ, դեկտեմբերի 20-ին տեղափոխվել է հիվանդանոց: Դավիթ Պետրոսյանը հացադուլը շարունակում է միայնակ: Ավելորդ չէ նորից հիշեցնել, որ Դավիթ Պետրոսյանը ծառայել է բանակում, ապրիլյան քառօրյա պատերազմի ժամանակ էլ մեկնել առաջնագիծ՝ իբրեւ կամավոր: Այս փաստերը լրջություն են հաղորդում նրա պահանջներին, ինչպես նաեւ պայքարի այս ծայրահեղ քայլին:
Դեկտեմբերի 18-ին ԵՊՀ ռեկտոր Արամ Սիմոնյանը «Ազատություն» ռադիոկայանին տրված հարցազրույցում ասաց, «Երեկ չէ առաջին օրը (հացադուլավորները- Լ.Ա.) կարծեմ եկել են Լեհաստանից, Սորոսի՝ այդ հայտնի կազմակերպության համաժողովից, թե հանդիպումից։ Բնականաբար, երեւի, ինչ-որ առաջադրանքներ են ստացել եւ եկել են, առավոտյան մտել են այդ լսարանը, իրենց նախկին հացադուլի լսարանը, եւ հացադուլ են անում (նախաձեռնության 5 անդամներ նույն այդ լսարանում հացադուլ էին սկսել նոյեմբերի 14-ին, 15-ին դադարեցրել էին՝ ԱԺ նախագահի ու փոխնախագահի հետ հանդիպումից հետո- Լ.Ա.)»։
ԵՊՀ ռեկտորին, պաշտպանության նախարարին, իշխանության մյուս ներկայացուցիչներին հեշտ է ձեւացնել, թե վստահ են՝ Դավիթ Պետրոսյանը հացադուլ է անում Սորոսի պատվերով: Այսպիսով՝ նաեւ ՀՀԿ-ական վերնախավը, այդ թվում՝ ԵՊՀ ռեկտորը, խուսափում են հացադուլի հետեւանքների համար պատասխանատվությունից:
Իրավապաշտպաններից մեկը պատմում էր, թե մի քանի տարի առաջ, երբ խմբով հանդիպել են բանտում խոշտանգված քաղբանտարկյալի, իրավապաշտպաններից մեկը քաղբանտարկյալի` հարվածներից վնասված դեմքին չի նայել, որ հանկարծ չնկատի խոշտանգման հետքերը: Հետո էլ լրագրողներին ասել էր, թե ինքն անձամբ չի տեսել քաղբանտարկյալի դեմքը, հետեւաբար չի կարող պնդել, թե նրան խոշտանգել են:
Չափազանց բարդ է գիտակցել, որ Դավիթ Պետրոսյանը հացադուլի մեջ է, իսկ քո օրվա գրաֆիկում ոչինչ չի փոխել: Քննադատել նրան, թե ինչու է դիմել ծայրահեղ այդ քայլին, տեղին չէ. դա նրա գիտակցված որոշումն է: Բայցեւ սոցցանցով նրանց քաջալերելը, թե «մենք քեզ հետ ենք», եւս տեղին չէ: «Մենք քեզ հետ ենք» ասելը լուրջ է այն դեպքում, երբ ասողները կամ ԵՊՀ այդ լսարանի պատի տակ են, կամ իրենք էլ են միացել Դավիթին:
Դավիթ Պետրոսյանի ուղիղ եթերներին սոցցանցում ինքս հետեւում եմ, սակայն զգուշանում եմ «հավանել» կոճակը սեղմել՝ մտավախությամբ, թե այդպիսով, տանը նստած, նրան մղում եմ առողջությանը վտանգող քայլի: Բայց ինչու՞ է հացադուլը, նստացույցը շարունակում մնալ պայքարի մեր զինանոցում: Ինչու՞ այս խելացի, մտածող երիտասարդները ընտրեցին պայքարի այդ ճանապարհը:
Գուցե պատճառն այն է, որ ավելի հասուն, փորձառու քաղաքական գործիչները, ավելին չե՞ն առաջարկել՝ իբրեւ ալտերնատիվ գործողություն: Շահեն Հարությունյանի ու ընկերների, Հայկ Կյուրեղյանի, «Սասնա ծռեր»-ի գործողությունները ինչո՞վ ավարտվեցին. բոլորն անազատության մեջ են:
Մենք մեր անզորությամբ մղում ենք մեր երիտասարդներին իռացիոնալ քայլերի, որոնց համար պատասխանատվություն էլ չենք կրում, քանի որ ինքներս՝ իբրեւ քաղաքացիական սուբյեկտ, ոչինչ ենք գործող իշխանությունների համար:
Դավիթ Պետրոսյանը միայնակ դուրս է եկել համակարգի դեմ՝ պայքարելով ուսանողների տարկետման իրավունքի համար: Ի՞նչ է պատրաստ անել ուսանողությունը Դավիթի համար: Եթե այս երիտասարդի գլխից մի մազ պակասի, ի՞նչ է լինելու:
Մենք՝ ՀՀ քաղաքացիներս, անզոր ենք նրանց իրավունքները պաշտպանել:
Դավիթի, նրա ընկերների պես մտածող երիտասարդներն էլ քիչ են, չափազանց քիչ: Երիտասարդներից շատերն էլ հաշվարկել են՝ համակարգի դեմ անզոր են, ու միացել են համակարգին: Հանրապետականներն ամեն տարի բյուջեի հաշվին հանրապետական հակումներ ունեցող երիտասարդներին տանում են «Բազե» կոչվող ճամբարը՝ ինֆանտիլ ժամանցի՝ պարան ձգել, երգել, նորաձեւություն ցուցադրել…Վերջում էլ դեսերտն է՝ հանդիպում Սերժ Սարգսյանի հետ: Իշխանություններին հարմար է երիտասարդների էներգիան այսպես փոշիացնել:
Գործող իշխանությունների ամենից վտանգավոր ու ոչ գրագետ քայլը երիտասարդների հնարավորությունները սահմանափակելն է, նրանց ինքնագնահատականը նվազեցնելը։ Կան տաղանդավոր, կոսմոպոլիտ երիտասարդներ, որոնք այս կամ այն հիմնադրամի միջոցով գնում են արտասահմանյան լավագույն ուսումնական հաստատություններ՝ կրթությունը շարունակելու։ Եվ, որպես կանոն, չեն վերադառնում։
Կան կուսակցականացված երիտասարդներ՝ ՀՅԴ-ի, ԲՀԿ-ի, Օրինացի, ՀՀԿ-ի երիտթեւերում: Նրանց համար կարիերա անելու լավագույն նմուշը, օրինակը ամեն ինչի պատրաստ Արմեն Աշոտյանն է:
Ու կան իրենց հայրենակիցների պատվի, արժանապատվության համար իրենց առողջությունը, կյանքը զոհելու պատրաստ երիտասարդներ, որոնց հանդեպ այս համակարգն աններում է: Այս երիտասարդներին կա՛մ արագ ու անմիջապես մեկուսացնում են, ինչպես Գեւորգ Սաֆարյանին՝ «տոնածառի գործով»: Կա՛մ նրանց կարծիքը քամահրում են՝ երիտասարդներին մղելով իռացիոնալ պայքարի, ինչպես Դավիթ Պետրոսյանի դեպքում:
Հաց բերողի հացադուլը, ապա եւ մահը, դրան հետեւած քաղաքացիական փոքրիկ ու տխուր շարժումը, վկայում է՝ ազատության եւ, առհասարակ, խնդիրների լուծման ճանապարհն այլեւս Ազատության հրապարակում նստացույց անելը չէ: Եվ ոչ էլ հացադուլը: Դա սպառված, իրեն չարդարացրած ճանապարհ է:
Իշխանության ներսում դա շատ լավ գիտակցում են: Ինչպե՞ս են իրենց վերարտադրության, իշխանության կերակրամանին մոտ գտնվելու համար հարցերը լուծում ՀՀԿ-ն ու նրա դուստր ձեռնարկությունները՝ ՀՅԴ-ն, ԲՀԿ-ն, Օրինաց երկիրն ու մյուսները…Նրանք իրենց հարցերը լուծում են ուժով: Հիշենք, ԱԺ մտնելու համար անգամ կուսակիցներն էին պատրաստ միմյանց կոկորդ կրծել: Ուժ, բիրտ ուժ, եթե պետք է՝ քաղաքացիների գնդակահարություն, ինչպես եղավ մարտի 1-ին: Սա է իշխանությունների պայքարի ձեւը:
Սրան հակադրել նստացույցը կամ հացադուլը, անհավասար պայքար է:
Եթե դեմ են ՌԴ սահմանապահ ծառայությունը, թող բաց ասեն, Հայաստանն առանց մեր համաձայնության չի կարող խաչմերուկ լինել. Ալիև
Քուվեյթը ողջունել է հայ-ադրբեջանական սահմանի սահմանազատման գործընթացը
36 ժամով կդադարեցվի Քանաքեռ-Զեյթուն վարչական շրջանի գազամատակարարումը
Մեր իրականության մեջ համարվում է լավություն, երբ երեխային ավելի բարձր գնահատական է նշանակվում, քան գիտելիքն է. վարչապետ
Մեթոդական առումով սխալ է, որ ասում ենք կրիպտոարժույթ, կողքը կամ թմրանյութ է, կամ կաշառք, կամ փողերի լվացում. վարչապետ
Քաշքշել են միմյանց, հարվածել, այնուհետ 16-ամյա պատանիները դանակահարվել են
Գորիսում արյան փոխներարկման կայան կստեղծվի
2 օրում ՀՀ ավտոճանապարհներին վթարների հետևանքով զոհվել է 1, վնասվածք ստացել՝ 24 մարդ
Գրականության և պատմության քննությունները միավորվել են․ ինչպես են նոր չափորոշիչներով դրանք հանձնվելու (տեսանյութ)
ՀՀ-ում կան տասնյակ ընկերություններ, որոնք կանխիկ շրջանառության արդյունքում կարողանում են ձևակերպել կրիպտոակտիվ. Սարգսյան
Բողոքի ակցիայի մասնակից կինը ոստիկանի հասցեին հնչեցրել է սեռական բնույթի հայհոյանք, ոտքերով ու ձեռքերով հարվածել նրան
ՀՀ շրջանավարտները դպրոցի ավարտական քննությունների միավորները կօգտագործեն բուհ ընդունվելու համար․ նախարարը մանրամասնում է
Սահմանին կատարվողը ցույց է տալիս, որ մենք առանց միջնորդների կարող ենք համաձայնության գալ. Ալիև
Հայտնի են զորակոչի և զորացրման օրերը
Դեսպան Փոլադյանն Ալժիրի ԱԳ նախարարին է ներկայացրել Հայաստանի և Ադրբեջանի միջև ընթացող խաղաղության գործընթացը
Ընտանիքի հասցեին վիրավորանք են հնչեցնում նրանք, ովքեր ոչ քննադատության փաստարկ ունեն, ոչ էլ դաստիարակություն. Իոաննիսյան
Երևան-Երասխ ավտոճանապարհի երթևեկությունը այրվող անվադողերով խաթարելու դեպքի առթիվ նախաձեռնվել է քրեական վարույթ
Երևանում հայտնաբերվել են կողաշրջված մոպեդներ. 22-ամյա մոպեդավարը հիվանդանոցում մահացել է
Հայտնի է «Երևանի մարաթոն» ամենամյա վազքի մրցման անցկացման ժամկետը
Համեղ ու առողջ․ «Բիգ Լայֆ» ընկերության «Նարինե» արտադրանքն ու սպասվող նոր պրոդուկտը
Հայոց ցեղասպանության ժխտման և անպատժելիության մթնոլորտը հանգեցրել են աշխարհում նոր ոճրագործությունների. Շվեդիայի դեսպան
ՄՔԴ դատախազ Օկամպոն ելույթ է ունեցել Ֆրանկֆուրտի Սուրբ Պողոս եկեղեցում Ցեղասպանությանը նվիրված երեկոյին
Քննարկվել է ՀՀ-Չեխիա ռազմատեխնիկական համագործակցությունը, պայմանավորվածություն է ձեռք բերվել
Երևանի և 8 մարզի բազմաթիվ հասցեներում 2-6 ժամ լույս չի լինի
Մենք սգում ենք նրանց համար, ովքեր սպանվեցին Հայոց ցեղասպանության ժամանակ․ Սամանթա Փաուեր
ԱԺԲ-ի անդամները փորձել են անհնազանդության ակցիաներ անել. բերման է ենթարկվել 96 ցուցարար
Ընդդեմ «Օտարերկրյա գործակալների մասին» օրենքի Թբիլիսիում հերթական ցույցն է ընթանում
«Մարտական եղբայրության» անդամ Արման Պետրոսյանը կալանավորվել է
Որ որոշների լպիրշությունը կհասնի Ծիծեռնակաբերդում մանկահասակ երեխային ահաբեկել, վիրավորելուն՝ նորություն էր․ Ալեքսանյան
Ողջունում ենք Հայաստանի և Ադրբեջանի միջև սահմանի սահմանազատման գործընթացի սկիզբը․ Պետդեպարտամենտ
Չնայած սարսափներին, որոնց բախվում է հայ ժողովուրդը, տոկունության կամքը չի կոտրվել, ես միշտ կկանգնեմ ձեր կողքին․ Ադամ Շիֆ
Ողջունում ենք ՀՀ-Ադրբեջան սահմանային սյան տեղադրումն ու գործընթացի ուշագրավ զարգացումները․ Էստոնիայի ԱԳՆ
Կլիշեներից պետք է հրաժարվել, բայց ոչ՝ պատմական իրականությունից. Քոչինյանը՝ Էրդողանի հայտարարության մասին
Եվրոպական դատարանը երբեք չի վճռել, որ Հայաստանն օկուպացրել է Լեռնային Ղարաբաղը․ Եղիշե Կիրակոսյան
Հիշում ենք և պահանջում․ Կանադայի ԱԳ նախարարը գրառումն ավարտել է հայերենով
ՄԻՊ-ը բրիտանական ԶԼՄ-ների ներկայացուցիչների հետ խոսել է մարդու իրավունքների հետ կապված խնդիրների և Տավուշի այցի մասին
Կարասինը պաշտոնական նամակ է հղել ՀՀ ԱԺ-ին՝ Ալեն Սիմոնյանի հայտարարությունների հետ կապված
ԱԺԲ-ի անդամները փորձել են անհնազանդություն անել. կան բերման ենթարկվածներ
Զգացմունքներն ու զայրույթն են համակել են ինձ այսօր․ Բուայեն հարգանքի տուրք է մատուցել Ցեղասպանության զոհերի հիշատակին
Կամո գյուղում տուն և անասնագոմ է այրվել
