Ես կամիկաձե չեմ. նախարարը հրաժարվեց աջ ղեկ մեքենա նստելու առաջարկից

ՀՀ տրանսպորտի, կապի եւ տեղեկատվական տեխնոլագիաների նախարար Վահան Մարտիրոսյանն այսօր ընդունեց «Աջ ղեկ» նախաձեռնության անդամներին, որոնք մտահոգված են նախարարության մշակած որոշման նախագծի վերաբերյալ, որով պետք է արգելվի աջ ղեկային համակարգ ունեցող մեքենաների ներմուծումը 2018 թվականի ապրիլի 1-ից:

Մինչ նախարարի հետ հանդիպելը նախաձեռնության անդամներն ի նշան բողոքի Երեւանի Հարավարեւմտյան թաղամասից երթով եկան Հանրապետության հրապարակ:

Վահան Մարտիրոսյանի հետ հանդիպմանը նախաձեռնության անդամները նշեցին, որ հիմնավորված չի նախագծի ընդունման անհրաժեշտությունը, առաջարկեցին փորձագետների խումբ ձեւավորել եւ պարզել՝ արդյո՞ք վթարների մեծ մասի մեղավորները հենց աջ ղեկային համակարգ ունեցող ավտոմեքենաններն են, թե՞ ոչ: Նախաձեռնության անդամներից մեկն էլ նշեց, որ երբ հրապարկվեց կառավարության որոշման նախագիծը, չկար վիճակագրություն աջ ղեկային համակարգ ունեցող մեքենաների մասնակցությամբ վթարների վերաբերյալ:

Նախարարը լսեց նախաձեռնության անդամների դիտարկումները, գրառումներ կատարեց եւ ասաց, որ ինքն այսօր լսելու է նախաձեռնության առաջարկությունները: «Եթե առաջարկություն ունեք, առաջարկություն արեք, ոչ թե գնահատեք՝ սա սենց ա, նա նենց ա: Այդ գնահատականները շատ սուբյեկտիվ կարող են լինել»,- ասաց Վահան Մարտիրոսյանը՝ հարցնելով, թե դուք ուզո՞ւմ եք հետ կանչվի նախագիծը:

«Հայաստանը ժամանակին ընդունել է աջակողմյան երթեւեկությունը: Դա ի՞նչ է նշանակում, որ մեր մոտ պետք է լինի ձախակողմյան ղեկանիվ»,- հարցրեց նախարարը նախաձեռնության անդամներին, որոնք դժվարացան պատասխանել հարցին: Վահան Մարտիրոսյանն ասաց, որ ամբողջ մեքենաների ¼-ը չեն կազմում աջ ղեկային համակարգ ունեցողները, բայց կարող են ավելանալ:

Վահան Մարտիրոսյանն ասաց, որ նախաձեռնության անդամները կասկածի տակ են դնում աջ ղեկային համակարգ ունեցող մեքենաների թվի վերաբերյալ ոստիկանության տրամադրած 35 հազար թիվը, չեն հավատում նախարարության մշակած նախագծի հիմնավորմանը: Նախարարի խոսքով՝ փաստացի գրանցված մեքենաների թիվն է հրապարակվել: Քննարկմանը մասնակցողներից մեկը նախարարին առաջարկեց նստել իր կողքին ու համոզվել, որ վտանգ չի ներկայացնում աջ ղեկային համակարգ ունեցող մեքենան, սակայն նախարարը կտրուկ արձագանքեց. «Ձեր կողքին ես չեմ նստի, ես կամիկաձե չեմ»:

Վահան Մարտիրոսյանը հստակ հայտարարեց, որ օրենքով սահմանվել է, որ Հայաստանն աջակողմյան երթեւություն ունի ու հարցրեց, թե դե՞մ են օրենքի պահպանմանը: Նախաձեռնության անդամներից մեկն ասաց, որ կողմ են օրենքի պահպանմանը, ավտանգ երթեւեկությանը, եթե այն չի ոտնահարում իրենց սեփականության իրավունքը: Նախարարը հետաքրքրվեց, թե ի՞նչ նկատի ունեն, իսկ նրան պարզաբանվեց, որ ուզում են, որպեսզի իրենց սեփականությունը համարվող մեքենան կարողանան տնօրինել, վաճառել կամ նվեր տալ:

«Հիմա դուք ուրիշ բան եք ասում: Ասում եք սեփականության իրավունք, սեփականության իրավունքի ոտնահարում: Մի քիչ առաջ ուրիշ բան էիք ասում»,- հակադարձեց նախարարը: Նախաձեռնության անդամներն ասացին, որ կառավարության որոշման նախագծով սահմանափակվում է սեփականության իրավունքով մեքենաները տնօրինելը:

Նախաձեռնության անդամները կոնկրետացրին իրենց առաջարկները: Դրանք են՝ վերահաշվառման արգելքը վերացնել, շահագործման արգելքը վերացնել, իսկ ներմուծման արգելքի փոխարեն կիրառել մաքսատուրքի դրույքաչափի ողջամիտ բարձրացում: «Մենք առաջարկում ենք խումբ ձեւավորվի եւ «e-draft.am» կայքում տեղադրված նախագծի կետերի վրայով գնա»,- ասաց նախաձեռնության անդամներից մեկը: Վահան Մարտիրոսյանն էլ ասաց, որ նախագծի վրա խումբ աշխատել է, որը միջգերատեսչական հանձնաժողովն եւ նախագիծը նախարարությունը չի ներկայացրել:

Նահարարի հետ քննարկման ընթացքում ներմուծման արգելքի վերաբերյալ առաջարկ ծնվեց: Այն է՝ արգելել ներմուծումը եւ փոխհատուցել մնացած մեքենաների տերերին, որոնց շահագործումը հետագայում պետք է արգելվի: Քննարկման ավարտին Վահան Մարտիրոսյանն ասաց, որ վերահաշվառման հարցը ինքը կբարձրացնի կառավարությունում, որպեսզի քննարկվի: «Դուք էլ եկեք ընդունեք, որ պետք է այսպես չշարունակվի, որովհետեւ վաղը խնդիր է առաջանալու»,- ասաց Վահան Մարտիրոսյանը՝ նշելով, որ երկուշաբթի կամ երեքշաբթի օրը կրկին քննարկում կունենան:

Քննարկումից հետո լրագրողների հետ զրույցում նախարար Վահան Մարտիրոսյանն ասաց, որ կան առաջարկություններ, որոնք ընդունելի են եւ կան նաեւ այնպիսիք, որոնք ընդունելի չեն: Լրագրողներից մեկի հարցին՝ Ձեր խոսքում նշեցիք, որ կամիկաձե չեք եւ չեք նստի աջ ղեկային համակարգ ունեցող մեքենան, 35 հազար աջ ղեկ մեքենաներ նստողները կամիկաձենե՞ր են, նախարարը պատասխանեց. «Ես այդպես եմ համարում, ամեն մի նստող թող իր կարծիքն ունենա»:

Տպել
2624 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին