Վրաց-ռուսական առեւտրային միջանցքները բացվում են. Սերժ Սարգսյանը մեկնում է Թբիլիսի

Վրաստանը պայմանագիր է կնքել Շվեյցարիայի մոնիթորինգային SGS ընկերության, որը ենթադրում է Հարավային Օսիայի ու Աբխազիայի տարածքներով Ռուսաստան ապրանքների փոխադրման հնարավորություն: Սակայն այն գործելու է Կազբեգ-Վերին Լարս ավտոճանապարհին ֆորս-մաժորային իրավիճակների դեպքում:

Վրաստանի վարչապետ Գիորգի Կվիրիկաշվիլին խորհրդարանում ասել է, որ համաձայնագիրը Թբիլիսիի շահերից է բխում:

«Թուրքիան, Հայաստանը և մյուս երկրները, որոնք օգտագործում են մեր երկրի տարանցիկ ներուժը, կարող են օգտվել այդ միջանցքից` ֆորս-մաժորային իրավիճակում: Բայց կրկնում եմ, սա ընդամենը միակողմանի ստորագրում է: Մենք շարունակում ենք բանակցել, քանի որ Ռուսաստանի կողմից  առաջադրված որոշ պայմաններ մեզ համար անընդունելի են», - ասել է Կվիրիկաշվիլին:

Համաձայն Ռուսաստանի եւ Վրաստանի միջեւ ձեռք բերված պայմանավորվածության Շվեյցարիայի մոնիթորինգային SGS ընկերությունը պետք է վերահսկի Աբխազիայի ու Հարավայի Օսիայի տարածքներով Վրաստանի ու Ռուսաստանի միջեւ տեղի ունեցող ապրանքաշրջանառությունը: Սահմանային անցակետերի միջազգային վերահսկման պայմանագիրը Ռուսաստանըն ու Վրաստանը ստորագրել էին ՌԴ-ից Առեւտրի միջազգային կազմակերպությանը անդամակցելու բանակցությունների շրջանակում:

«Այս միջանցքով ֆորս մաժորային իրավաիճակներում կարող են օգտվել Թուրքիան, Հայաստանը եւ այն պետությունները, որոնք օգտվում են մեր երկրի տարանցման հնարավորություններին: Սակայն ես եւս մեկ անգամ կրկնում եմ, որ սա միակողմանի ստորագրում է: Մենք շարունակում ենք բանակցությունները Ռուսաստանի հետ, քանի որ Մոսկվան մի քանի պայմաններ է դրել, որոնք մեզ համար անընդունելի են», - հայտարարել է Վրաստանի վարչապետը՝ հավելելով, որ այս համաձայնագիրը Վրաստանի ներկայիս կառավարությունը «ժառանգություն է ստացել նախորդից»:

Հիշեցնենք, որ խոսքը Վրաստանի եւ Ռուսասատնի միջեւ դեռեւս 2011 թ-ին կնքված «Առեւտրային միջանցքների» պայմանագրի վերակենդանացման մասին է: Այսպիսով Ռուսաստանն ու Վրաստանը կատարել են մի քայլ, որ տարիների ընթացքում չէր ստացվում իրականացնել: Մոսկվան ու Թբիլիսին կարծես որոշել են՝ շրջանցելով սուր քաղաքական հարցերը, համագերծակցել առեւտրի եւ ճանապարհների վերագործարկման հարցում:

Չափազանցություն չի լինի ասել, որ այս համաձայնությունը կենսական նշանկություն ունի նաեւ Հայաստանի համար՝ հաշվի առնելով Լարսի անցակետի ոչ հուսալիությունը հատկապես եղանակային անբարենպաստ պայմանների ժամանակ: Հայկական բեռները օրերով կամ շաբաթներով կարող են տեղից չշարժվել՝ այսպիսով կաթվածահար անելով միջպետական առեւտուրն ու մարդկանց ազատ տեղաշարժը: Վրաստանի տարածքով է իրականացվում Հայաստանի արտաքին առեւտրի շուրջ 80 տոկոսը:  

Այս համաձայնության ի կատար ածման պարագայում, նշում են փորձագետները, հնարավորություն կբացվի նաեւ Հայաստան-Ռուսաստան երկաթուղու աբխազական հարվածի վերագործարկման համար:

Ավելորդ է ասել, որ աբխազական երկաթուղու վերագործարկումն ու այս երկու ճանապարհների բացումը կարող է ուղղակի զրոյացնել Ադրբեջանի եւ Թուրքիայի՝ Հայաստանի շրջափակման քաղաքականության տնտեսական հետեւանքները: Ուստի կարելի է սպասել, որ գործընթացի առաջխաղացմանը կփորձեն խոչընդոտել Ադերբաջանն ու Թուրքիան՝ նախ ճնշումներ բանեցնելով Վրաստանի կառավարության վրա: Բացի այդ Անկարան կարող է գործի դնել Աբխազիայի իշխանությունների հետ սերտ կապերը՝ այս ծրագրի վիժեցման համար:

Պատահական չէ, որ Շվեյցարիայի մոնիթորինգային SGS ընկերության հետ պայամանգրի ստորագրումը Վրաստանի խորհրդարանում սուր քննադատության ենթարկեցին ընդդիմադիր «Միացյալ ազգային շարժում» կուսակցության պատգամավորները: Հատկանշական է՝ պայամանգիրը, որը Կվիրիկաշվիլին անվանեց «նախորդ իշխանությունից ժառանգություն», ստորագրվել է հենց այն ժամանակ, երբ «Միացյալ ազգային շարժում» կուսակցությունն էր Միխեիլ Սահակաշվիլիի գլխավորությամբ ղեկավարումը Վրաստանը:

«Միացյալ ազգային շարժում» կուսակցությունը կտրականապես դեմ է Ռուսաստանի հետ առեւտրային ուղիղ կապերի ակտիվացմանը հատկապես Աբխազայի ու Հարավային Օսիայի տարածքներով, ու լոբբինգ է անում է Թուրքիայի ու Ադրբեջանի հետ կապերի սերտացումը: Հենց այդ կուսակցության իշխանության տարիներին Ադրբեջանն ու Թուրքիան «եվրաինտեգրացիայի դրոշի ներքո» դարձան Վրաստանի գլխավոր ներդրողներն ու առեւտրային գործընկերները: Այժմ Վրաստանն առեւտրային գրեթե միակողմանի ակխվածության մեջ է Թուրքիայից, իսկ էներգետիկ առումով՝ Ադրբեջանից:

Այս առումով պատահական չէ, որ Ռուսաստանի հետ առեւտրային ուղիների ապաշրջափակմանն ուղղված քայլերի ֆոնին ազդարարվեց դեկտեմեբրի 25-26-ին Վրաստան Հայաստանի նախագահ Սերժ Սարգսյանի նախատեսվող այցի մասին: «Վրաստան այցի նպատակը երկարատեւ պայմանավորվածությունների հասնելուն է ուղղված տարբեր կարեւոր հարցերի շուրջ», - վերջերս հայտարարել էր Սերժ Սարգսյանը, փոխանցում են մեր աղբյուրները: Փորձագետների խոսքով, նախագահի այցի ժամանակը շատ ճիշտ է ընտրված:

Տպել
4533 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին