ԵՊՀ գործունեության ցածր գնահատականը չի փոխվում.անփոփոխ են նաեւ ռեկտորը եւ խորհրդի նախագահը

Երեւանի պետական համալսարանում հոգաբարձուների խորհրդի այսօր կայացած տարեվերջյան նիստում, որը վարել է նույն խորհրդի նախագահ Սերժ Սարգսյանը, համալսարանի 2016-2017 ուսումնական տարվա գործունեությունը գնահատվել է բավարար:

Այս մասին տեղեկանում ենք ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչության տարածած հաղորդագրությունից։

Արխիվային տեղեկատվությունը վկայում է, որ Մայր բուհի գործունեության գնահատականը բավարարից բարձր չի եղել նաեւ նախորդ տարիներին: Նույն միջոցառման վերաբերյալ 2016 թվականի վերջին պաշտոնական հաղորդագրությունը փոխանցում էր. «Խորհրդի անդամները քննարկել եւ հավանության են արժանացրել 2015-2016 ուսումնական տարվա ընթացքում ԵՊՀ գործունեության հիմնական ուղղություններով կատարված աշխատանքների վերաբերյալ ռեկտորի հաշվետվությունը՝ համալսարանի գործունեությունը հաշվետու ժամանակաշրջանում գնահատելով բավարար»:

2015 թվականին` ԵՊՀ խորհրդի նիստի տարեվերջյան միջացառումից հետո պարզ էր դարձել, որ ինչպես պաշտոնական հաղորդագրությունների տեքստերը գրեթե չեն փոփոխվում, նույնն է մնացել նաեւ ԵՊՀ գործունեության գնահատականը: «Տարեվերջյան նիստում խորհրդի անդամները քննարկել եւ հավանության են արժանացրել 2014-2015 ուսումնական տարվա ընթացքում ԵՊՀ գործունեության հիմնական ուղղություններով կատարված աշխատանքների վերաբերյալ ռեկտորի հաշվետվությունը՝ համալսարանի գործունեությունը հաշվետու ժամանակաշրջանում գնահատելով բավարար»,- մասնավորապես ասվում է այդ տարվա հաղորդագրության մեջ:

Մայր  բուհի աշխատանքը ԵՊՀ խորհրդի նիստում բավարար է գնահատվել նաեւ ավելի վաղ: 2012-ին, օրինակ, դարձյալ հայտարարվել է. «Նիստում քննարկվել եւ հավանության է արժանացել 2011/2012 ուսումնական տարվա ընթացքում ԵՊՀ գործունեության հիմնական ուղղություններով կատարված աշխատանքների վերաբերյալ համալսարանի ռեկտորի հաշվետվությունը: Խորհրդի անդամները հավանություն են տվել նաեւ 2010-2014թթ. ԵՊՀ զարգացման ռազմավարական ծրագրով 2011/2012 ուստարում նախատեսված գործողությունների կատարման, ինչպես նաեւ համալսարանում կոռուպցիոն երևույթների դեմ պայքարի համալիր միջոցառումների կատարման վերաբերյալ բուհի ռեկտորի հաշվետվություններին: ԵՊՀ 2011/2012 ուսումնական տարվա գործունեությունը խորհրդի անդամների կողմից գնահատվել է բավարար»:

Կամ՝ 2008-ի դեկտեմբերին տարածված պաշտոնական հաղորդագրության մեջ մասնավորապես նշված է. «Խորհրդի անդամների կողմից համալսարանի 2007-2008թթ. ուսումնական տարվա գործունեության հաշվետվությունը հավանության է արժանացել եւ գնահատվել բավարար»:

Նկատենք, որ չնայած Երեւանի պետական համալսարանում շարունակաբար առկա «բավարար կայունությանը», ռեկտոր Արամ Սիմոնյանը 2015 թվականի ամռանը բուհը ղեկավարելու հնարավորություն էր ստացել նաեւ երրորդ ժամկետում: Այդ իրավունքը առաջ էր եկել Երեւանի պետական համալսարանի կարգավիճակի փոփոխությունից հետո, երբ ԵՊՀ-ն ՊՈԱԿ-ից դարձել էր հիմնադրամ: ՊՈԱԿ-ների դեպքում ռեկտորը կարող է պաշտոնավարել միայն երկու ժամկետ՝ 5-ական տարով: Այժմ Արամ Սիմոնյանը թեւակոխել է ԵՊՀ-ի ղեկավարման երկրորդ տասնամյակը:

Սերժ Սարգսյանը նույնպես կարծես անփոխարինելի է որպես ԵՊՀ խորհրդի նախագահ: 2015-ի ապրիլին էլ նա վերընտրվեց նույն պաշտոնում՝ դարձյալ փաստորեն, առաջընթաց չապահովելու երաշխավորը լինելու համար:

Տպել
1748 դիտում

Հիացած եմ Հայաստանի գեղատեսիլ վայրերով և հայերի հյուրասիրությամբ. Ուկրաինայի ԱԳ պետքարտուղար

Արարատ Միրզոյանը ՌԴ դեսպանի հետ քննարկել է ՀՀ–ում ներքաղաքական զարգացումները

Թրանսփարենսի Ինթերնեշնլ-ը դիմել է ԵԽԽՎ՝ Հայաստանի՝ փողերի լվացման սխեմաներում ընդգրկված լինելու քննության համար

ՀՀԿ-ի՝ Բրյուսովի համալսարանի չհրկիզվող պահարանից գտնված 56 անդամատոմսերից 5-ը կապ չունեն բուհի հետ

Հայտնի են Արմավիրի, Արագածոտնի, Սյունիքի նոր մարզպետների անունները

Նիկոլ Փաշինյանը լուսանկար է հրապարակել Յուրի Բաշմետի հետ

Հունան Պողոսյանը նշանակվելու է Սյունիքի մարզպետ

ՀՀ ֆուտբոլի հավաքականի անդամները հանդիպել են երկրպագուների հետ

Կոտայքում բախվել են Ոստիկանության և ՊՆ ծառայողների մեքենաները. 4 ամսական երեխան հիվանդանոցում է

Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

ՀԱՊԿ ԽՎ նիստը Երեւանի փոխարեն կկայանա Մոսկվայում

Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

Թունջբոյաջյանն այցելել է «Հայաստան» համահայկական հիմնադրամ, պատրաստ է դառնալ սփյուռքի դեսպանը

Չեչնիայի նախագահ Կադիրովը Փաշինյանի ու Մակրոնի պարից հետո պարի մարաթոն սկսելու կոչ է արել քաղաքական գործիչներին

Քրեական հեղինակություն Նորատուսցի Արան կրակոցների պահին ալկոհոլի ազդեցության տա՞կ է եղել. նա օգտվում է լռելու իրավունքից

Վարչապետ Նիկոլ Փաշինյանը և տիկին Աննա Հակոբյանը ներկա են գտնվել Յուրի Բաշմետի համերգին (լուսանկարներ)

Թեկնածուներից մեկը դիմել է ստոր մեթոդների. ահազանգում է Էջմիածնի քաղաքապետի պաշտոնակատարը (լուսանկար)

Թուրքիայում Իրանի դեսպանատունը ուժեղացված հսկողության տակ է

20 տարվա փչացրածը, 20 օրում չի ուղղվի. Վանեցյանը հանդիպեց հավաքականի ֆուտբոլիստների հետ

Սիսիանում տներից մեկի պատշգամբի փլուզման հետեւանքով 75-ամյա քաղաքացին մահացել է