2017 թվականի քաղաքական կարեւոր իրադարձությունների, 6-րդ գումարման նստաշրջանների, ընդդիմադիրների հավանական համագործակցության, ինչպես նաեւ իշխանական ճանբարում տեղի ունեցող առաջիկա զարգացումների շուրջ «Հայկական Ժամանակ»-ը զրուցել է քաղաքական վերլուծաբան Արմեն Բաղդասարյանի հետ:

- Պարոն Բաղդասարյան, 2017 թվականի քաղաքական կյանքն ակտիվ էր: Տեղի ունեցան խորհրդարանական եւ համայնքային ընտրություններ, մինչ այդ ստեղծվել էին մի քանի դաշինքներ, կազմվել իշխանական կոալիցիա: Տեղի ունեցած իրադարձություններին եւ դրանց հետեւանքներին ի՞նչ գնահատականներ կտաք:

- Ընտրությունները իմ գնահատմամբ խիստ բացասական են, որովհետեւ ընտրակաշառքը շատ մեծ դեր կատարեց, հերթական անգամ ընտրակաշառքի ինստիտուտը գործեց: Մի երկրում, որտեղ սոցիալական խնդիրներ կան՝ ՀՀԿ-ն կրկին մեծամասնություն դարձավ: Կարող ենք ասել, որ ընտրությունների ինստիտուտը վերջնականապես թաղվեց: Հաշվի առնելով, որ սա վերջին ընտրություններ էր, քանի որ սրա արդյունքով է որոշվում, թե ով է լինելու երկրի դեմքը: Խորհրդարանական ընտրությունները ձախողվեցին: Մյուս կարեւոր իրադարձությունը Հայաստան-ԵՄ համապարփակ եւ ընդլայնված համաձայնագրի ստորագրումն էր: Սա ընդհանուր առմամբ՝ դրական եմ գնահատում: 2017-ին տեղի ունեցավ նաեւ աննախադեպ գնաճ, որը պայմանավորված էր ԵԱՏՄ-ին անդամակցելով, ինչը կանխատեսելի է, քանի որ վաղուց գիտեինք, որ դա լինելու է:

- 6-րդ գումարման խորհրդարանում երկու ընդդիմադիր ուժ ունենք: Նրանց կատարած աշխատանքին ի՞նչ գնահատական կտաք:

- Ընդդիմության մասով կարող եմ ասել՝ բացասական էր, որ Հայ ազգային կոնգրեսը դուրս մնաց ԱԺ-ից: Փաստորեն, խորհրդարանում մնաց մեկ փաստացի ընդդիմադիր ուժ՝ ԵԼՔ դաշինքը: Ծառուկյան խմբակցությունը ես կհամարեի տնտեսական ընդդիմություն եւ ոչ քաղաքական: Իրենք տնտեսական հարցերով են ընդդիմություն՝ շատ կարեւոր հարցեր են բարձրաձայնում, բայց միայն տնտեսական: Իրենց քաղաքական ընդդիմություն չեմ ընկալում եւ այդ իսկ պատճառով էլ չեմ կարծում, որ կարող են արդյունավետ համագործակցել ԵԼՔ դաշինքի հետ: Տնտեսական, սոցիալական ոլորտներում Ծառուկյան դաշինքի աշխատանքը դրական եմ համարում, բայց գլոբալ առումով փոփոխությունների հույսեր իրենց հետ չեմ կապում:

- Խոսեցիք քաղաքական հաջողությունների հասնել-չհասնելու մասին: ԵԼՔ դաշինքն արդեն հայտնել է իր նախագահի թեկնածուի մասին: Դաշինքը ինչ-որ հաջողության կհասնի՞, թե՞ կարծում եք, որ ՀՀԿ-ն մեծամասնություն է եւ հարցը դրանով լուծված է: Միաժամանակ նկատի ունենանք, որ ԵԼՔ-ը նախագահի թեկնածուին սատարելու հարցով դիմել է Ծառուկյան դաշինքին:

- ԵԼՔ դաշինքը, երբ նախագահի թեկնածու էր առաջադրում, իրենք էլ գիտեին, որ որեւէ շանս չկա: Արտակ Զեյնալյանը նախագահի իդեալական թեկնածու է, բայց ՀՀԿ-ն ունենալով բացարձակ մեծամասնություն՝ նախագահի պաշտոնը որեւէ մեկին չի տա: Միայն թվում է, թե նախագահի պաշտոնը երկրորդական է, բայց ֆորսմաժորային իրավիճակում նախագահը լուրջ գործառույթներ ունի: Դրա համար ՀՀԿ-ն այդ պաշտոնը որեւէ մեկին չի տա: ԵԼՔ-ի թեկնածուն կօգնի հստակեցնել իրավիճակը քաղաքական դաշտում ընդհանրապես:

- Անցում կատարենք իշխանական դաշտ: ՀՀԿ-ՀՅԴ կոալիցիայում հավանական պառակտում սպասվու՞մ է: ՀՅԴ-ում սկսել են Կարեն Կարապետյանի մասին դրական կարծիքներ հայտնել: Մասնավորապես, ՀՅԴ խմբակցության ղեկավար Արմեն Ռուստամյանը նշել է, որ պատճառ չի տեսնում, որ Կարապետյանը չկարողանա Արցախի հարցը որակով առաջ տանել, ինչպես անհրաժեշտ է: Ենթադրելի՞ էր, որ ՀՅԴ-ն Սերժ Սարգսյանից երես կթեքի:

- Պառակտման խնդիր չկա: ՀՅԴ-ն սովորության համաձայն զբաղված է քաղաքական առեւտրով: Առջեւում ապրիլն է, եւ նրանք ցանկանում են կոալիցիա մտնել ավելի լավ պայմաններով: Դրա համար իրենք միանշանակ չեն սատարում Սերժ Սարգսյանին, որպեսզի քաղաքական առեւտրի արդյունքում ստանան ավելի շատ պորտֆելներ: Եթե հարցը գա, թե բացահայտ ում են սատարում, բնականաբար, Դաշնակցությունը կսատարի Սերժ Սարգսյանին: Պարզապես, նրանք հիմա այդպես են դիրքավորվել, որ Սերժ Սարգսյանից ավելի շատ բան պոկեն:

- Իսկ ՀՀԿ-ի ներսում խմորումներ կլինե՞ն: Այսինքն՝ Կարեն Կարապետյանի թիմ եւ Սերժ Սարգսյանի թիմ կձեւավորվի՞:

- Նրանց միջեւ բացահայտ առճակատումներ չեն լինի: Նրանք նույն թիմից են եւ կարող են համագործակցել: Այս պահին, այս ռեսուրսներով Կարեն Կարապետյանը չի կարող զբաղեցնել երկրի առաջին դեմքի պաշտոնը՝ 2018-ից հետո: Նա շանսեր չունի կամ շանսերը նվազագույնն են:

- Ինչո՞վ է դա պայմանավորված:

- Պայմանավորված է նրանով, որ Սերժ Սարգսյանը վերահսկում է իրավիճակն իշխանության ներսում: Առաջին հերթին վերահսկում է բոլոր ուժային կառույցները, ինչը Հայաստանի դեպքում իշխանություն պահպանելու կարեւորագույն գործիքներից է:

- ՀՀԿ-ականներն ընտրություններից առաջ ասում էին, որ 2018-ից հետո էլ վարչապետի իրենց թեկնածուն լինելու է Կարեն Կարապետյանը...

- ՀՀԿ-ն ընտրություններից առաջ շատ բան է ասել, եւ այդ ասածների 99 տոկոսը չի կատարվել:

- Հնարավո՞ր է, որ, երբ Կարեն Կարապետյանը հիշեցնի ՀՀԿ-ականներին իր  թեկնածության մասին խոսքերը, նրան էլ հիշեցնեն չկատարված ներդրումների մասին:

- Չեմ կարծում, որ այդպիսի խոսակցություն կլինի, կամ Կարեն Կարապետյանը նման հայտ ներկայացնի: Ավելի հավանական է, որ նրանք կհայտարարեն, թե իրենք նույն թիմն են եւ շարունակելու են արդյունավետ համագործակցությունը:

- Ասում եք, որ Կարապետյանը հայտ չի ներկայացնի, բայց նա նշել է, որ պատրաստ է նաեւ 2018-ից հետո եւս լինել վարչապետ:

- ՀՀԿ-ում այդ հարցին պատասխանեցին. ասացին՝ նա այդպիսի ցանկություն եւ պոտենցյալ ունի եւ շատերն այդպիսի ցանկություն, պոտենցյալ ունեն, բայց որոշողը լինելու է ՀՀԿ-ն: Բացառված է, որ ՀՀԿ-ն որոշում ընդունի Կարեն կարապետյանի օգտին:

- Պարոն Բաղդասարյան, այժմ անորոշություն է տիրում մեր երկրի քաղաքական օրակարգում: Հայտնի չեն իշխող կուսակցության նախագահի թեկնածուները, իսկ վարչապետի առումով էլ ինտրիգային վիճակներ են: Չե՞ք կարծում, որ հստակեցում է պետք:

- Կարծում եմ, որ ոչ մի անորոշություն չկա: Պարզապես, իրադարձություններից չորս ամիս առաջ եթե հայտարարվի այդ մասին, հնարավոր են պառակտումներ: Դրա համար էլ մինչեւ հիմա ոչ մի բան չեն հայտարարում, թեեւ՝ Սերժ Սարգսյանն իր որոշումն արդեն հայտնել է նեղ շրջանակին, այդ թվում՝ նաեւ վարչապետին:

- Ի՞նչն է ստիպում ենթադրել, որ պառակտում կլինի:

- Եթե այս պահից հայտնի դառնա, թե ով է վարչապետն, ապա որոշ նախարարներ իմանալով, որ 2018-ից հետո չեն զբաղեցնելու այդ պաշտոնները, չեն շարունակի նույն եռանդով աշխատել: Կուսակցությունը պարտավոր չէ իր ընտրության մասին հայտնել ժողովրդին, քանի որ ժողովուրդն իր այդ իրավունքը 10 հազար դրամով վաճառել է իշխանությանը:

Տպել
10966 դիտում

Լեւոն Երանոսյանը, չունենալով հատուկ որակավորում, ցույցերի ժամանակ գործադրել է լուսաձայնային նռնակ. ՀՔԾ

Հայկական թիմերը 2-րդ անընդմեջ հաղթանակն են տարել շախմատի օլիմպիադայում

Կառավարման ավտոմատացված համակարգերի համակարգիչների 40%-ից ավելին գրոհի է ենթարկվել. Կասպերսկի

Կալանավորներին եւ դատապարտյալներին զրկել են հեռախոսային խոսակցություններից. ՄԻՊ-ը դիմել է ՍԴ

ՀՀ-ում ստեղծված իրավիճակը սոսկ իշխող կուսակցության փոփոխություն չէ. գնում ենք նոր ընտրությունների

Հայ-թուրքական սահմանը հատած 16-ամյա թուրք տղան ազատ է արձակվել կալանքից, գործը կարճվել է

Մշակույթի նախարար Լ. Մակունցը Նյու Յորքի Մետրոպոլիտեն թանգարանում մասնակցել է «Արմենիա» ցուցահանդեսի բացմանը

Նիկոլ Փաշինյանը եւ Միշել Աունը քննարկել են հայ-լիբանանյան հարաբերությունների հետագա զարգացմանը վերաբերող հարցեր

ԱԳ նախարարը ուշադրություն է հրավիրել ՀՀ-ի ու Արցախի հետ սահմանին իրավիճակը լարելու Ադրբեջանի փորձերի վրա

Կառավարության ղեկավարը մասնակցել է ՄԱԿ-ի Զարգացման ծրագրի կազմակերպած քննարկումներին

Նիկոլ Փաշինյանը հանդիպում է ունեցել Աֆրիկյան միության կոմիտեի նախագահ Մուսա Ֆակիի հետ

Հայաստանի եւ Իրանի միջեւ առկա է վստահության բարձր մակարդակ. Հասան Ռոհանին՝ Ն. Փաշինյանին

Ադրբեջանը պետք է փոխի իր անհարգալից վերաբերմունքը բանակցությունների հանդեպ. Նիկոլ Փաշինյանի ելույթը ՄԱԿ-ում

Սյունիքում վագոն-տնակ է հրդեհվել, Երեւանում՝ գազի արտահոսքը վերածվել հրդեհի

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը