Ուզում եմ սեղանին զեյթուն ու գարոխով սալաթ լինի, բայց չի լինի. Էրիկ, 9 տարեկան (տեսանյութ)

Կարապետյանների բազմանդամ ընտանիքում Նոր տարվան չեն պատրաստվում: Ութ հոգանոց ընտանիքում վեցն անչափահաս երեխաներ են, որոնցից ամենափոքրը 1,5 տարեկան է, իսկ մեծը՝ 11:

Կարապետյաններն արդեն 15 տարի բնակվում են Երեւանի ռոբոտների գործարանի հանրակացարան կոչվող բազմահարկ շինությունում: Կառույցը գտնվում է կիսաքանդ վիճակում, պատերից անընդհատ բետոնե բեկորներ են թափվում: Կարապետյանների բազմանդամ ընտանիքին այս շինությունում ընդամենը մեկ սենյականոց բնակարան է բաժին հասել:

Սենյակի առաստաղը

Հանրակացարան տանող ճանապարհը, Րաֆֆու փողոց

Ընտանիքի եկամուտը Քրիստինայի ամուսնու օրվա 3 հազար դրամ աշխատավարձն է եւ ընտանեկան նպաստը: Ընտանիքի հայրն աշխատում է փայտամշակման գործարանում, որտեղից բերված փայտով էլ ջեռուցում են սենյակը:

Երեխաներից համեմատաբար ավագները՝ Անահիտը, Էրիկը եւ Ինգան դպրոց են գնում, իսկ մյուսներին ծնողները չեն կարողանում մանկապարտեզ ուղարկել, քանի որ թաղամասում եղածը վճարովի է, իսկ համայնքային ենթակայության տակ գործողները բավականին հեռու են: Երեխաների օրն անցնում է խոնավ պատերի ներսում:

«Մայրիկս այս շենքում է ապրում, երեխաների կեսն այնտեղ են քնում, քանի որ տեղ չունենք: Երեխաները մայրիկիս տանն են լողանում, մենք պայմաններ չունենք»,- ասում է Քրիստինե Կարապետյանը:

«Հայկական ժամանակ»-ի հարցին, թե ինչպե՞ս են պատրաստվում տոներին, Քրիստինեն պատմում է, որ Ամանորին չեն պատրաստվում, սոցիալական վիճակը թույլ չի տալիս:

«Նոր տարվան չենք պատրաստվում, հնարավորություն, որ չունենք ինչպես պատրաստվենք: Մեր վիճակը շատ ծանր է, հազիվ ենք ապրում: Օրվա հացն ենք առնում, որ երեխաները սոված չմնան»,- նշում է բազմազավակ մայրը եւ փոխանցում, որ երազում են հեռուստացույց ունենալ:

«Հեռուստացույց ենք ուզում, քանի որ հեռուստացույց չունենք»:

Անահիտը եւ Էրիկը

Երեխաներից Մանեն ցանկանում է Ամանորին սայլակով տիկինիկ ստանալ, քույրիկը՝ աման-չաման, իսկ Էրիկը՝ հեծանիվ: Մյուսները լուռ են նվերների, ցանկությունների հարցում, ասում են՝ միեւնույն է իրականություն չի դառնալու:

Կարապետյանների ընտանիքում ամանորյա իրարանցումը  բացակայում է, նրանք նույնիսկ իրենց թույլ չեն տալիս հաշվարկել, թե տոների համար որքան գումար է անհրաժեշտ:

«Որ փող չունենք, չենք էլ հաշվում, որ ունենանք՝ կհաշվենք»,- ասում է Քրիստինեն:

Զրույցի ընթացքում երեխաները քիչ-քիչ թվարկում են, թե ինչ են ցանկանում տեսնել տոնական սեղանին:

«Զեյթուն, պամիդոր, վարունգ ու գարոխով սալատ եմ ուզում լինի»,- ասում է Էրիկը եւ նշում, թե՝ թվարկվածները չեն լինի:

Հ.Գ. Տեսանյութը դեռ մի քանի րոպե էր «Հայկական Ժամանակ»-ի ֆեյսբուքյան էջում, երբ խմբագրությունը զանգ ստացավ ՀՀ քաղաքացիներից մեկից, որը պատրաստվում էր այս ընտանիքին հեռուստացույց նիրել, հասցեն էր ճշտում:

Մանրամասները՝ տեսանյութում:

Տպել
12323 դիտում

Կոմիտասի պողոտայի երթեւեկելի մասի վրա լուսացույցներ կդրվեն. ոստիկանություն

Գյումրու քաղաքապետարանի բնակկոմունալ բաժնին կախարդական փայտիկ է պետք

Միհրան Հարությունյանը ժամանակից շուտ հաղթանակ տարավ MMA-ում իր 2-րդ մենամարտում

Ոստիկանության 5 ծառայողի շնորհվել է ոստիկանության լեյտենանտի կոչում (տեսանյութ)

Լարսի ճանապարհը բաց է. ձյուն, բուք, մերկասառույց, մառախուղ, դժվարանցանելի ճանապարհներ՝ ՀՀ-ում

Հայկ Դեմոյանը նշանակվել է «Ավրորա» նախաձեռնության գործառնությունների գծով տնօրեն

Արցախի նախագահն ընդունել է ՀՅԴ Բյուրոյի ներկայացուցիչ Հրանտ Մարգարյանին. ինչ են քննարկել

Վերաքննիչը գտել է, որ Ռոբերտ Քոչարյանն անձեռնմխելի չէ

Քաղաքավարությունը շփոթում են թուլության հետ. Փաշինյանը՝ Գարեգին Բ-ին

Մենք արդեն դադարեցրել ենք կենդանիների սպանդի ամոթալի պրակտիկան. Հայկ Մարության

ԱԺ ընտրություններին 442 ենթադրյալ հանցագործության դեպքերից 6-ով քրգործեր են հարուցվել. դատախազություն

ՃՈ-ն որոշ ցուցանակներ ձմռանը կփակի ծածկոցներով, կդադարեցվեն դրանց ազդեցությունը

Ադրբեջան գալու համար պետք է ճանաչեք մեր տարածքային ամբողջականությունը. Ալիևի դուստրը՝ ռուս կանանց

Երեւանում պատրաստված 368,6 կգ քաշով գաթան պաշտոնապես գրանցվել է Գինեսի գրքում

Հնարավոր է՝ առաջիկայում հայ բժիշկները վերապատրաստվեն Շվեյցարիայում. Աննա Հակոբյանը պայմանավորվածություն է ձեռք բերել

Հայաստանը Լիխտենշտեյն է ուղարկել առաջին դեսպանին

Կանադայի վարչապետ Ջասթին Թրյուդոն շնորհավորել է Նիկոլ Փաշինյանին

Թուրքիան կշարունակի աջակցել Ադրբեջանին. Ալիեւն ու Չավուշօղլուն քննարկել են արցախյան խնդիրը

Էդմոն Մարուքյանի կամանդի ոսկե հովանավորը. Ուրիխանյանը ուշագրավ մանրամասներ է հայտնելու

ՎՏԲ-Հայաստան Բանկը մեկնարկել է Կուտակային հաշիվ մինչև 9.5% տոկոսադրույքով