Չի կարելի դալաններում մեզ ասել՝ ձեր կյանքին մեռնենք ու գնալ ՀՀԿ-ին ընտրել. Նիկոլ Փաշինյան

Ազգային ժողովի ԵԼՔ խմբակցության ղեկավար Նիկոլ Փաշինյանը «Ֆեյսբուք» սոցիալական ցանցի ուղիղ եթերում պատասխանել է բազմաթիվ օգտատերերի հարցերին՝ նաեւ այս հնարավորության միջոցով ամփոփելու անցնող տարին: Վիրտուալ հարցազրույցը տեւել է շուրջ երկուսուկես ժամ:

Իրեն ուղղված հարցերին Փաշինյանի տված պատասխաններում կարմիր թելի պես անցնում էր այն գաղափարը, որ իրավիճակը, որում հայտնվել են Հայաստանն ու քաղաքացիները՝ ոտնահարված իրավունքներ, աղքատություն, թանկացումներ, հեգնական վերաբերմունք իշխանավորների կողմից եւ այլն, պատահականության բերումով չէ եւ այդ ամենը մեծապես հետեւանք է նույն այդ քաղաքացիների ընտրության: Այսինքն՝ երբ այս կամ այն համապետական ընտրությունների ժամանակ նրանք քվեարկում են Հայաստանի հանրապետական կուսակցության կամ, օրինակ, ՀՀԿ ներկայացուցիչ Սամվել Ալեքսանյանի օգտին, այդպիսիով նրանց հիմք են տալիս կարծելու, որ քաղաքացիների հետ շատ էլ ճիշտ են վարվում: Քաղաքական գործիչներն ու լիդերներն, ըստ Նիկոլ Փաշինյանի, ունեն առաջնային պատասխանատվություն, բայց յուրաքանչյուրը ունի դերակատարում՝ առկա իրավիճակի ստեղծման հարցում:

Վերոնշյալ թեմայի շուրջ հարցուպատասխանի մի հատված ներկայացնում ենք ստորեւ.

Օգտատեր Քնար Հակոբյան - Պարոն Փաշինյան, երբ են մեր հայրենիքը վեադարձնելու մեզ՝ հայերիս, որը գրավվել է դասալիք ու կաշառակեր ռուսահպատակ թուրքերի կողմից: Քամեցին ժողովրդին, գրպանները դատարկեցին, հիմա էլ՝ թանկացումներ: Բարձրացրեք նաեւ Հակոբ Հակոբյանի ու Խոսրով Հարությունյանի ինչպես նաեւ Ալթունյանի հրաժարականի հարցերը, քանզի այդ անձինք հանրային ձեւով հայերի ստորացման գործունեությամբ են զբաղված:

Նիկոլ Փաշինյան - Հարգելի օգտատեր, դուք որակումներ եք տալիս, բայց Հայաստանի Հանրապետության 770 հազար քաղաքացի ապրիլի 2-ի ընտրությունների ժամանակ գնացել եւ քվեարկել է ձեր ասած մարդկանց օգտին: Երբ որ 770 հազար քաղաքացի, թեկուզ ընտրակաշառքով, քվերակում է, ձեր ասած հայրենիքի կառավարումը հանձնում է այդ մարդկանց: Վերջին շրջանում շատ է խոսվում Հակոբ Հակոբյանի եւ Խոսրով Հարությունյանի պատգմավորական մանդատները վայր դնելու մասին, Առողջապահության նախարարի մասին են ասում: Կարծում եմ՝ ամեն դեպքը առանձին քննելու խնդիր է, բայց ընդհանուր առմամբ Հակոբ Հակոբյանը ռեյիտինգային ընտակարգով 13 հազար ձայն է ստացել Գեղարքունիքի մարզում: Այսինքն՝ 13 հազար մարդ քվեարկել է նրա օգտին: Տարբեր մարդիկ ասում են ինչու չեք պահանջում նրա հրաժարականը: Իրեն ընտրած 13 հազար քաղաքացիներից 130-ը, որն ընդամենը մեկ տոկոսն է, թող ասի՝ մենք պահանջում ենք մանդատը վայր դնել, այն ժամանակ կլինի մտածելու կոնկրետ իրավիճակ: Խոսրով Հարությունյանն ընտրվել է Հայստանի Հանրապետական կուսակցության համամսանական ցուցակով: ՀՀԿ համամասնական ցուցակին ձայն տված քանի քաղաքացի է այսօր պահանջում որեւէ մեկի հրաժարականը: Երբ նրանց ընտրողների ինչ-որ մի մասը հանդես կգա այդպիսի պահանջով, մենք մենք վերաբերմունքը կարող ենք արտահայտել: Իսկ քանի դեռ դա չկա, մեզ մնում է միայն տարակուսանք հայտնել, որ մարդիկ գնացել են եւ քվեարկել Հանրապետական կուսակցության օգտին, որը ձեւավորել  խորհդրարանական մեծամասնություն, նաեւ կառավարություն: Ցանկացած իրավիճակում մենք ունենք դերակատարում, բայց ոչ բոլոր իրավիճակում է, որ մեր դերակատարումը պետք է լինի նախաձեռնողական: Եթե ես ասեմ՝ պահանջում եմ Հակոբ Հակոբյանի հրաժարականը, նա կպատասխանի՝ կներես, դո՛ւ ինձ չես ընտրել, եթե ընտրողը պահանջի, դու կարող ես արտահայտվել: Մենք գործում ենք այն մանդատի շրջանուկում, որը դուք մեզ տվել եք եւ հույս ունենք այդ գործունեությունը կլինի առավել արդյունավետ: Բայց մենք չենք կարող խոսել մի բանի մասին, որի մասին խոսելու առաջնային մանդատը մեզ չի պատկանում:

Օգտատեր Անուշ Ռութ – Հարգելի պարոն Փաշինյան, մեր երկրում խորապես արմատացել եւ խտացել են բոլոր այն բացասական երեւույթները, որոնք ժամանակին բնորոշ էին ԱՄՆ-ին, Իտալիային, մի շարք այլ պետություններին: Վերջիններս, իհարկե, այդ խոչընդոտները՝ մրցակցության սահմանափակում, համատարած մարդկանց տարրական իրավունքների ոտնահարում, օլիգարխիկ համակարգի ներկայացուցիչների ամենաթողություն, կոռուպցիա վերից վար եւ այլն, փորձել են հաղթահարել, եւ որոշ երկրներում դա ստացվել է: Ինչ եք կարծում, մեր երկրում ինչպես կարող են հաղթահարվել այս երեւույթները եւ մասնավորապես չե՞ք գտնում, որ լուրջ խնդիրներ ունենք աշխատանքի շուկայում, որոնք թույլ չեն տալիս արժանի, բանիմաց մարդկանց գտնել իրենց տեղը մեր երկրում:

Նիկոլ Փաշինյան - Ձեր թույլտվությամբ ես կրկին անդրադառնամ օլիգարխիկ համակարգին: Շատ է խոսվում օլիգարխներից, նրանց ամենաթողություններից եւ այլն եւ այլն, այդ շեշտադրումները կային նաեւ ձեր հարցում, ինչի հետ ես ընդահնուր առմամբ համաձայն եմ: Բայց ինչպես լուծել այդ խնդիրը: Ես ձեզ էլի բերեմ խորհրդարանական վերջին ընտրությունների օրինակը: Հայաստանի ամենահայտնի օլիգարխներից մեկը՝ ԱԺ Հանրապետական խմբակցության պատգամավոր Սամվել Ալքեսանյանը, Երեւանում ստացել է 41 հազար ձայն: Սա շատ մեծ թիվ է, եթե չեմ սխալվում՝ ամենախոշոր արդյունքներից մեկը: Ձեր կարծիքով այդ 41 հազար ձայնը ինչ ազդակ է իրենց համար, իրենց օլիգարխ լինելը, ամենաթողությունը լա՞վ բան է, թե՞ վատ: Իհարկե նրանց համար ազդակ է, որ ինչ որ անում են, ճիշտ են անում, հակառակ դեպքում այդքան ձայն չէին ստանա: Քաղաքական մասը՝ քննադատել, բաձրաձայնել, խոսել, պայքարել, մենք դա արել ենք, անում են եւ կանենք, բայց ինչպիսին է դրան հանրության արձագանքը: ...Իրենք պետք է որեւէ ձեւով անհամաձայնություն արտահայտեն, ոչ թե դալաններում մեզ տեսնելով եւ ականջին ասելով՝ մենք ձեր մեջքին կանգնած ենք: Դուք տեսե՞լ եք, որ Հայաստանի Հանրապետության որեւէ քաղաքացի կամ քաղաքացիների խումբ օլիգարխի երեսին ասի այն, ինչ-որ դուք գրել եք: Ես գիտեմ, որ կան վտանգներ: Այո, կարող են հետապնդել, ծեծել եւ այլն: Բայց մենք ասում ենք՝ մենք բոլոր այդ մարդկանց կողքին կանգնած ենք, մենք մեր քաղաքական լծակներով եւ ազդեցությամբ պատրաստ ենք այդ մարդկանց պաշտպանել, եթե նրանք դրա կարիքը ունեն: Պատրաստ ենք նրանց կողքին կանգնել, սպանվել: Դրանից ավելին չենք կարող: Մեր քաղաքական կենսագրությամբ դա ցույց ենք տվել: Ես ինքս հարձակման էլ եմ ենթարկվել, բանտում էլ եմ հայտնվել՝ ցույց տալու հմար, որ այդ ամենի միջով պատրաստ եմ անցնել եւ ինչպես տեսնում եք դա մահացու չէ, ես հիմա նստած եմ ԱԺ իմ աշխատասանյակում: Ես ունեցել եմ որոշում, որ այդ ամեն ինչի առաջ չեմ ընկրկնելու, որպեսզի ցույց տամ ՀՀ քաղաքացիներին, որ պետք չէ օլիգարխների առաջ ընկրկել: Փոփոխությունը ես այդպես եմ պատկերացնում, որ պետք է ցույց տալ օրինակ եւ այդ օրիակը պետք է վարակիչ լինի:

Ես ուզում եմ հստակ տարբերակել այն քաղաքացիներին, ովքեր ընտրակաշառքով չեն քվեակել եւ չեն քվեարկել նեգատիվ երեւույթների օգտին: Կապ չունի՝ ում օգտին են քվեարկել, բայց քվեարկել են քաղաքական, քաղաքացիական գիտակցության հենքի վրա: Ես իրենց համարում եմ համախոհ, պետականության անկյունքար եւ սյուն:

... Ես նկատեցի, որ նաեւ հարցնում են՝ իսկ ինչքանով է ճիշտ, որ մարդկանց քննադատում եք 10 հազար դրամ վերցնելու համար: Ճշտի ու սխալի մեջ չէ հարցը, որովհետեւ եթե մենք այս խոսակցությունը չունենանք, փակուղուց դուրս չենք գա: Մեր ամենակարեւոր խնդիրը մարդկանց փոփոխությունների բանաձեւ առաջարկելն է: Ես կարծում եմ, որ ԵԼՔ դաշինքը Հայաստանում փոփոխությունների թիվ մեկ պատասխանատուն է, եւ մենք չենք պատրաստվում այդ պատասխանատվությունից խուսափել: Այդ փոփոխոթյունների բանաձեւը հետեւյալն է. ՀՀ քաղաքացիները մեզ պետք է լիազորեն իրականացնել փոփոխություններ եւ մենք կիրականացնենք փոփոխություններ: Եթե լիազորեն եւ մենք չիրականացնենք, ես քաղաքականությամբ այլեւս չեմ զբաղվի: Բայց չի կարելի դալաններում մեզ ասել՝ ձեր կյանքին մեռնենք, ու գնալ 41 հազար ձայն տալ Սամվել Ալեքսանյանին: Միայն Սամվել Ալեքսանյանը, ձեր ասած ատելի օլիգարխիայի ներկայացուցիչը, մեր քաղաքական ուժի համարյա կեսի չափ ձայն է ստացել: Ընտրակաշառք են բաժանել, ինչ են արել, էական չէ: Փաստն այն է, որ քվեթաթերթիկը նետելու պահին որեւէ քաղաքացու որեւէ մեկը չի պարտադրել: Գլխին ատրճանակ չեն պահել: Կամ եթե  նույնիսկ պահել են, դա ի՞նչ արդարացում է: Փոփոխությունները սկսում են մեր մտքից: Առիթի դեպքում ցույց տվեք ձեր կամքը եւ դա կդառնա իրականություն:

 

Տպել
5864 դիտում

Իմ սիրո օթեւան. հիմա էլ 22 հարկանի

Հայաստան. ընդդիմությունը գնում է հեղափոխության

Մեղադրանք. դատը կընթանա Վանաձորում

Վաշինգտոնը մտադիր չէ զիջումների գնալ Անկարային. Թրամփի կոշտ մեսիջը՝ Էրդողանին

Թբիլիսիում վթարի հետեւանքով տուժածներից մեկի վիճակը ծայրահեղ ծանր է

Ես որեւէ լուրջ դեպքերով չեմ անցել. Օսիպյանը՝ Մարտի 1-ի դեպքերին իր առնչության մասին

Ես գլխավորելու եմ Հանրապետություն եւ ԼՀ կուսակցությունների դաշինքի նախընտրական ցուցակը

Հ1-ի լուրերի նախկին տնօրենը՝ Քոչարյանի անվան հետ կապվող Արարատ TV գնալու մասին

Ես չեմ կարող կարգապահական վարույթ հարուցել դատավոր Ալեքսանդր Ազարյանի նկատմամբ. Զեյնալյան

Ծառուկյանի թիկնազորի պետ Էդուարդ Բաբայանն այսօր 20 միլիոն դրամ գրավի դիմաց ազատ կարձակվի

«Անցումային արդարադատությունը» դատարանների դատարան չի ստեղծելու, այն աջակցող է լինելու

Երեւանի Մոնթե Մելքոնյանի անվան դպրոցը նոր տնօրեն ունի. մրցույթին մասնակցել է 10 թեկնածու

Հայաստանում չկա դատապարտյալ, որը չունի սեփական մահճակալ. Արտակ Զեյնալյան

Արարատ, Արմնյուզ, Հ2, News.am, Երկիր Մեդիա, ֆեյքեր. որ լրատվամիջոցներն է «առել» Քոչարյանը

ՀՀ-ից պտուղ-բանջարեղենի արտահանման ծավալներն արդեն գերազանցել են 2017 թ. ցուցանիշը

Հայաստանում Կալաշնիկովի նոր՝ «АК-12» եւ «АК-15» նմուշներ կարտադրվեն. պայմանագիր ստորագրվեց

13 215 հանցագործության մասին հաղորդում, 4,4 մլրդ դրամ վնաս. Օսիպյանի պաշտոնավարման 100 օրը

Ոստիկանությունը բացառիկ թափանցիկ է եւ կաշկանդված չի լինելու. Վալերի Օսիպյան

Ժամանակավորապես փակ կլինի Վաղարշյան փողոցից մինչեւ Գյուլբենկյան փողոցն ընկած հատվածը

Եղել է Արցախում. գերմանացի պատգամավորը հայտնվել է Ադրբեջանի «սեւ ցուցակում»