Լույս է տեսել «Բարոյական ճգնաժամ» ժամանակակից նովելը

Երեկ Երեւանում «Artbridge» գրախանութ-սրճարանում տեղի է ունեցել «Բարոյական ճգնաժամ» գրքի շնորհանդեսը: Այն ժամանակակից նովել է, որը սկսել է գրվել մոտավորապես ութ տարի առաջ, հիմնական մասը գրվել է հենց այդ ժամանակ: Նովելն ունի երեք համահեղինակ՝ Գագիկ Վարդանյանը, Տիգրան Վարդանյանը եւ Իշխան Գորգիսյանը:

Այստեղ պատմվում է մարդկանց ճակատագրերի մասին եւ, թե ինչպես են դրանք խեղվում տարբեր անարդար գործողությունների արդյունքում:

Գրքի համահեղինակներից Իշխան Գորգիսյանը «Հայկական ժամանակ»-ի հետ զրույցում նշեց, որ գրքի հերոսները իրական չեն, մտացածին են, սակայն ներշնչանքի աղբյուր հանդիսացել են իրական մարդիկ եւ պատմություններ, տվյալ ժամանակահատվածում կատարված տարբեր գործընթացներ:

Այնտեղ պատմվում է անառողջ բարքերով հասարակության մեջ մի պատանեկան սիրո մասին, որի հերոսների ճակատագրերն ակամա խեղված են տիրող հիվանդագին մթնոլորտի պատճառով: Բարոյական տենդն այնքան սաստիկ է, որ ի վերջո, մաքուր զգացմունքները խեղդվում են` դառնում թունավոր: Սյուժեն կազմված է երկու հիմնական գծից, որոնք անսպասելիորեն միմյանց հյուսվելով՝ հանգում են անակնկալ հանգուցալուծման:

Հանգամանքների բերումով նովելի երեք համահեղինակներն ապրել են տարբեր երկրներում` Գագիկ Վարդանյանը՝ Ֆրանսիայում, Տիգրան Վարդանյանը՝ Հայաստանում, իսկ Իշխան Գորգիսյանը Շվեցարիայում: Համահեղինակաները երեքն էլ սովորել են Երեւանի նույն դպրոցում, ապա նաեւ Ֆիզիկայի ֆակուլտետում: Եվ հենց բակալավրիատում սովորելու տարիներից, երբ երեքն էլ հետաքրքրված էին երկրում տեղի ունեցող քաղաքական իրադարձություններով եւ բազում հարցերում միակարծիք, ծնվել է գաղափարը, որ գրեն մի գիրք, որն էլ կնկարագրի տվյալ ժամանակում տեղի ունեցող իրադարձությունները:

«Սկզբում փոքր-ինչ դժվար էր պատկերացնել, որ տարբեր մարդիկ կկարողանան համատեղ ստեղծել մի բան, բայց երբ ամեն մեկս մի կտոր գրեցինք, կարդացինք, հասկացանք, որ իրագործելի է: Երեքիս ոճերն էլ գրեթե նույնն են»,- ասում է գրքի համահեղինակ Իշխան Գորգիսյանը:

Նա նշեց, որ չնայած այն հանգամանքին, որ գիրքը երկար ժամանակում է ավարտին հասցվել, բայց գաղափարական անհամաձայնեցման որեւէ խնդիր չի եղել, համահեղինակներն աշխատել են միմյանց փոխլրացնելով:

«Բարոյական ճգնաժամ» նովելը կարելի է ձեռքբերել Artbridge, Զանգակ եւ Բուկինիստ գրախանութներից:

Աղունիկ Հովհաննիսյան

Տպել
2228 դիտում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան