ԱՊՊԱ գործակալները փակել են Բագրատաշենի մաքսատուն տանող ճանապարհը. թարմացված (լուսանկարներ)

13:48- ԱՊՊԱ պայմանագրեր կնքող գործակալներից Արթուր Ամիրաղյանը «Հայկական ժամանակ»-ի հետ զրույցում ասաց, որ մինչ ճանապարհը փակելը գործակալները մտել են մաքսատան տարածք եւ փորձել են իրենց հուզող հարցերի պատասխանը ստանալ: «Քաղաքակիրթ ձեւով մոտ 20 րոպե խոսեցինք, ասեցինք՝ եթե դուք որոշող եք, մեզ պատասխանեք, թե ովքեր են մեր հարցերի հասցեատերերը, որոնք կազմակերպել են խնդիրը, թող գան տեղում մեզ բացատրեն»,- ասաց Արթուր Ամիրաղյանը՝ նշելով, որ մաքսատան աշխատակիցները դիմել են իրենց վերադաս ղեկավարներին, որոնք էլ առաջարկել են կամ գրավոր դիմել կամ էլ գալ Երեւանում դիմել պետական եկամուտների կոմիտե:

«Մենք հասկացանք, որ իրենցից հույս չկա, դուրս եկանք: Տղաներով որոշում կայացրեցինք՝ նախազգուշացնող 20 րոպեանոց ակցիա իրականացնել, ճանապարհը փակել ենք: Ուզում ենք այս որոշումը կայացրած մարդիկ գան եւ ընդհանուր հայտարարի գանք: Փակել ենք, հանգիստ, խաղաղ: Մարդկանց խնդրել ենք՝ կանգնել են, առանց միջադեպերի»,- ասաց ԱՊՊԱ գործակալը:

Բողոքի ակցիայի մասնակիցներն այսօր այսքանով ավարտել են իրենց բողոքի գործողությունը՝ հույս ունենալով, որ մինչեւ վաղը արձագանք կստանան:

«Եթե արձագանք չլինի, վաղը նորից մի բան կքննարկենք, կորոշենք եւ կանենք»,- ընդգծեց Արթուր Ամիրաղյանը:

13:15- ԱՊՊԱ գործակալները մեզ հայտնեցին, որ որպես բողոքի նշան փակել են մաքսատուն տանող ճանապարհը: Նշենք, որ այդ Բագրատաշենի հատվածը Հայաստանը-Վրաստանին կապող ամենամեծ ուղեւորահոսք ունեցող ճանապարհն է:

13:02- ԱՊՊԱ պայմանագիր կնքող մի խումբ գործակալներ այսօր վերսկսել են իրենց բողոքի ակցիան հայ-վրացական սահմանի՝ Բագրատաշենի մաքսակետի տարածքում: «Հայկական ժամանակ»-ը հունվարի 5-ին գրել էր, որ մաքսատան տարածքում «Թոփ-Սփին» ՍՊԸ-ն տարածք է վարձակալել եւ կնքում է ԱՊՊԱ պայմանագրեր, սակայն նույն վայրում տարածք վարձակալելու հնարավորություն չունեն բազմաթիվ այլ գործակալներ, որոնք մաքսատնից որոշակի հեռավորության վրա են տեղակայել իրենց գրասենյակները: Ստեղծված իրավիճակից դժգոհ գործակալներն այսօր, ինչպես հունվարի առաջին օրերին, կրկին հավաքվել են մաքսատան տարածքում:

Մեզ հայտնի դարձավ, որ մինչ մաքսատան տարածք հասնելը նրանք փորձել են «Azdarar.am» պաշտոնական հրապարակումների կայքում գտնել Մաքսատան տարածքում գրասենյակ վարձակալելու մասին աճուրդային հայտարարությանը, սակայն չեն գտել: Զանգահարել են պետական գույքի կառավարման վարչություն, տարածքը վարձակալելու պայմանագիրը վավերացրած նոտարին, ինչպես նաեւ վարչապետ Կարեն Կարապետյանի օգնական Հայկ Զոհրաբյանին: Վերջինիս փոխանցել են «Թոփ-Սփին» ՍՊԸ-ի եւ պետական գույքի կառավարման վարչության միջեւ կնքված պայմանագրի պատճենը: Գործակալները դժգոհ են, որ իրենք չենք կարողացել «Թոփ-Սփին» ՍՊԸ-ի նման մաքսատան տարածքում գրասենյակ վարձակալել, որի հետեւանքով անհավասար խաղի կանոնների են սահմանվել:

Մաքսատան վարչական տարածքում գրասենյակ վարձակալած «Թոփ-Սփին» ընկերությունը հիմնադրվել է 2013 թվականին: Միակ հիմնադրի ու տնօրենի անունը Լուսինե Արսենյան է, որը ոչնչով հայտնի չէ ԱՊՊԱ գործակալներին: «Նաիրի Ինշուրանս» ապահովագրական գործակալության պաշտոնական կայքում՝ գործակալների ցանկում նշում կա, որ «Թոփ-Սփին»-ը հանդիսանում է իրենց գործակալը:

«Թոփ-Սփին» ՍՊԸ-ի հիմնադիր Լուսինե Արսենյանը հաշվառված է Լոռու մարզկենտրոն Վանաձոր քաղաքում: Նույն հասցեում է հաշվառված վերջինիս ամուսինը՝ Հրանտ Խալաթյանը: Խալաթյանի ֆեյսբուքյան էջում առկա տեղեկության համաձայն, նա հանդիսանում է «Նաիրի ինշուրանս» ապահովագրական ՍՊԸ-ի մասնաճյուղի տնօրենը: «Նաիրի Ինշուրանս» ապահովագրական ընկերության հիմնադիրներից է հանդիսանում Ռոբերտ Քոչարյանի որդին՝ Լեւոն Քոչարյանը: Վերջինս այսօր էլ ընկերության խորհրդի անդամ է:

Տպել
3036 դիտում

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով

Լուսինեի ներշնչանքի աղբյուր է դառնում ցանկացած իր. նկարչուհին իր բրենդն է ստեղծել