Հաշմանդամ, 88-ամյա թոշակառուն երկու ամիս է՝ թոշակ չի ստացել «Յուքոմ»-ի հետ խնդրի պատճառով

Ութսունութամյա Սուրեն Եղիազարյանը, որը երկրորդ կարգի հաշմանդամ է, արդեն երկու ամիս է՝ թոշակ չի ստացել. նոյեմբեր ամսի 49 հազար դրամն ամբողջությամբ է պահվել, իսկ դեկտեմբերին 22 հազար են տվել: 88-ամյա քաղաքացին դեռեւս Ամանորից առաջ  էր «Հայկական ժամանակի» խմբագրություն ահազանգել, տեղեկացնելով իր անելանելի վիճակի մասին, ասել, որ ապրելու բավարար միջոցներ չունի, քանի որ թոշակի վրա կալանք է դրված:

Կենսաթոշակից պահումներ կարող են կատարվել օրինական ուժի մեջ մտած դատավճիռների, վճիռների հիման վրա, սակայն նշանակված կենսաթոշակի 30 տոկոսից ոչ ավելի

Այնինչ, մի դեպքում քաղաքացու թոշակից հարյուր տոկոս է պահվել, մեկ այլ դեպքում՝ հիսունից ավելի:

Քաղաքացին Յուքոմ ընկերության հետ մի քանի տարի առաջ 2 տարով ինտերնետ կապի պայմանագիր է կնքել, բայց մեկ տարի անց հայտնել է, որ ի վիճակի չէ վճարել: Սուրեն Եղիազարյանը մեկ տարվա ընթացքում ամսավճարները վճարած է եղել, եւ պարտք ու պահանջ չի ունեցել, բայց պայմանագիրը ժամանակից շուտ խզելու համար գոյացել է 72 հազար դրամ տուգանք, որը նա չի կարողացել վճարել:

Արդյունքում Յուքոմի միջնորդությամբ ԴԱՀԿ-ի կողմից նրա թոշակի վրա կալանք է դրվել: Հարեւանի միջոցով է իմացել, որ իր թոշակը չեն տալիս, նախնական 39 հազար պարտքն ավելանալով՝ դարձել է 67 հազար, ապա 5 հազար էլ ԴԱՀԿ-ի կողմից է տուգանվել եւ ընդհանուր պարտքի գումարը դարձել 72 հազար դրամ: Սուրեն Եղիազարյանը դիմել է աշխատանքի եւ սոցիալական հարցերի նախարարություն, սակայն պատասխան չի ստացել:

«Հայկական ժամանակը» 88-ամյա քաղաքացու հարցով դիմեց Սոցիալական ապահովության պետական ծառայություն: Ծառայությունից մեզ հայտնեցին, որ ԴԱՀԿ-ն է կալանք դրել քաղաքացու հաշվեհամարին, իսկ ԴԱՀԿ-ն հաշվի չի առել, թե տվյալ անձը հաշմանդամություն ունի՞, թե՞ ոչ կամ սոցիալապես ապահո՞վ է, թե՞ անապահով:

Սուրեն Եղիազարյանը վստահեցնում է, որ իրեն չեն զանգել եւ ոչ մի ձեւով չեն տեղեկացրել կալանքի մասին. «Ծեր, հիվանդ մարդ եմ, գոնե կիմանայի՝ ինչ քայլեր ձեռնարկեմ, ում դիմեմ»,- ասում է նա:

Վարչական մարմինը կարող է քաղաքացուն ծանուցումը չուղարկել, կարող է չսպասել այդ ծանուցման տեղ հասնելուն, եթե քաղաքացին երկրում չէ: Իսկ ահա դատարանը պարտավոր է որեւէ կերպ քաղաքացուն ծանուցել եւ սպասել, որ ծանուցումը տեղ հասնի: Դա քաղաքացուն տալիս է իր կողմից կատարված խախտման մասին տեղեկանալու կրկնակի հնարավորություն՝ առաջինը վարչական մարմնից, երկրորդը` դատարանից:

Խնդրի վերաբերյալ ԴԱՀԿ ուղարկած մեր հարցմանը պատասխանեցին, որ հարկադիր կատարողի համապատասխան որոշումը փոստային եղանակով առաքվել է պարտապանին 2017 թվականի նոյեմբերի 20-ին: Հարուցված կատարողական վարույթի շրջանակներում քաղաքացի Սուրեն Եղիազարյանը չի ներկայացրել որեւէ փաստաթուղթ, որ տվյալ հաշվեհամարով ստանում է կենսաթոշակ, որի վրա հարկադիր կատարողը կարող էր արգելանք կիրառած լինել:

Միաժամանակ հայտնում են, որ Ծառայությունը բանկերին ուղարկվող էլեկտրոնային հաղորդագրությամբ նշում է նաեւ գործատուների այն հաշվեհամարները, որոնցից փոխանցված դրամական միջոցները ենթակա չեն բռնագանձման: Սակայն, այս դեպքում, երբ դրամական միջոցները փոխանցվում են անհատական եւ փոփոխվող հաշվեհամարներից, հարկադիր կատարողը չի կարող տեղեկություն ունենալ դրանց մասին:

Տվյալ դեպքում արգելանք է կիրառվել քաղաքացու հաշվեհամարի վրա, քանի որ հարկադիր կատարողին Սուրեն Եղիազարյանը որեւէ փաստաթուղթ չի ներկայացրել տվյալ հաշվեհամարին կենսաթոշակ լինելու վերաբերյալ:

Աղունիկ Հովհաննիսյան

Տպել
4353 դիտում

Ընտրակաշառք, կեղծ քվեաթերթիկ, քվեարկել են 1 անգամից ավել կամ ուրիշի փոխարեն. 16 դեպքով նախապատրաստվում են նյութեր

Արմավիրի քաղաքապետ է ընտրվել «Քաղաքացիական պայմանագիր»-ը ներկայացնող Դավիթ Խուդաթյանը

Կապանում ՔՊ-ի թեկնածուն պարտություն է կրել, հաղթել է անկուսակցական Գևորգ Փարսյանը

Հրազդանի քաղաքապետ է ընտրվել Սևակ Միքայելյանը՝ Սասուն Միքայելյանի որդին

Առաջին կին քաղաքապետը. Էջմիածնում քաղաքապետ է ընտրվել ՔՊ-ն ներկայացնող Դիանա Գասպարյանը

Գյումրիում ոստիկանները ծեծել են Առաքելյան եղբայրներին, տղաները կլանավորված են (տեսանյութ)

Հայաստանի մեծ մասում սկսվող շաբաթը անձրեւոտ կլինի. եղանակը՝ առաջիկա օրերին

«Սիրահարդ եմ, Երևան» խորագրով հեծանվավազքը՝ քաղաքապետ Հայկ Մարությանի մասնակցությամբ (լուսանկարներ)

Ազատամարտիկ Արթուր Կարապետյանի անվան պուրակում բացվեց Երևանի 2800-ամյակի հուշարձանը.ներկա էր քաղաքապետը

Ժամը 17-ի դրությամբ ՏԻՄ ընտրություններին մասնակցել է ընտրելու իրավունք ունեցողների 35.23%-ը

Սասուն Միքայելյանը չունի որևէ լծակ, պահանջում ենք մերկապարանոց հայտարարություններ չանել. Սևակ Միքայելյանի շտաբ

Երեւանի բնակարաններից մեկում հայտնաբերվել է 55-ամյա տղամարդու դի՝ վնասվածքների հետքերով

Երևանի քաղաքապետը և Մարսելի փոխքաղաքապետն անդրադարձել են Երևան-Մարսել համագործակցության համաձայնագրի ծրագրերին

Երևանի գլխավոր ճարտարապետ է նշանակվել Արթուր Մեսչյանը. Tert.am

Ծնունդդ շնորհավոր, Երևան, իմ սեր. ՀՀ նախագահի շնորհավորական ուղերձը

Բակո Սահակյանը ներկա է գտնվել Մարտունու նռան փառատոնին

Էջմիածնում բերման ենթարկվածներ չկան. ոստիկանությունը պարզաբանում է Դ. Գասպարյանի հայտարարությունը

«Երևան 2800». հոբելյանական օրը մանուկները նշել են Մանկական զբոսայգում

Ն. Փաշինյանը մասնակցել է Արամ Ա Մեծի Տանն Կիլիկիո Կաթողիկոսի ձեռնադրման 50-ամյակի Սուրբ Պատարագին

Ժամը 11-ին ՏԻՄ ընտրություններին մասնակցել է ընտրողների 9.33%-ը. ամենաակտիվը Կապանն է, ամենապասիվը՝ Արմավիրը