Այսօր հայտնի բեմադրիչ, ռեժիսոր Նիկոլայ Ծատուրյանը դարձավ 73 տարեկան

08/01/2018 schedule20:09

Այսօր հայտնի բեմադրիչ, ռեժիսոր, Երևանի թատրոնի և կինոյի պետական ինստիտուտի պրոֆեսոր Նիկոլայ Ծատուրյանը դարձավ 73 տարեկան: «Հայկական ժամանակ»-ը  զրուցեց նրա հետ, իմանալու վերջինիս ստեղծագործական աշխատանքի և հետագա ծրագրերի մասին:

Ծատուրյանը հրավիրվել է գլխավորելու Գյումրիի Վարդան Աճեմյանի անվան պետական թատրոնը, որտեղ էլ նա աշխատում է որպես թատրոնի գեղարվեստական ղեկավար։ Այսօր էլ գտնվում էր Գյումրիում:

«Շատ ուրախ եմ, որ այստեղ եմ, իմ հարազատ Գյումրիում,  որ կարողանում եմ այստեղ էլ օգտակար լինել, վերջերս այստեղ մի քանի բեմադրություններ արեցի»,- ասաց Նիկոլայ Ծատուրյանը: Նշեց, որ շարունակում է զբաղվել թատրոնով, կան նոր ծրագրեր և նոր նպատակներ: Իսկ մոտ ապագայում, եթե ստացվի, կբեմադրի Շանթի «Կայսրը» դրաման: Մեր հարցին, թե ինչ է այսօր պակասում հայ թատրոնին, Ծատուրյանը ասաց. «Շնորհքը, խելքը, մեսիջը հանդիսատեսին հասցնելու ճիշտ ճանապարհը:

«Առանձին մարդիկ են այստեղ հաջողությունների հասնում, ինչպես Փարաջանովն էր և էլի մի քանի հոգի, որոնք առկայծեցին ու գնացին»,- ասում է Նիկոլայ  Ծատուրյանը: Նրա խոսքով՝ այսօր էլ կան առանձին, հատուկենտ դերասաններ, որոնք իրենց գործի վարպետն են, սակայն նույն մակարդակն է, աճ չկա:

Նիկոլայ Ծատուրյանը 20 տարի աշխատել է Երևանի Գաբրիել Սունդուկյանի անվան ակադեմիական թատրոնում, որպես ռեժիսոր, շուրջ 25 բեմադրությունների հեղինակ է:

Դասավանդել է նաև Գաբրիել Սունդուկյանի անվ. թատրոնին կից դերասանական ստուդիայում։ 1992 թ. Սունդուկյան թատրոնից հետո Ծատուրյանը 12 տարի ղեկավարել է Երևանի «Մետրո» թատրոնը, բեմադրել է բազում ներկայացումներ:

 Ծատուրյանը հանդիսանում է Երևանի թատրոնի և կինոյի պետական ինստիտուտի պրոֆեսոր,  որտեղ աշխատել է 1973 թ-ից։ Նրա արվեստանոցը ավարտել են շուրջ 200 ուսանողներ։

Նա նկարահանվել է «Հայֆիլմ» կինոստուդիայի «Պատահար» կարճամետրաժ կինոֆիլմում և Երվանդ Օտյանի «Ընկեր Փանջունի» (ռեժիսոր՝ Արման Մանարյան) ֆիլմում՝ մարմնավորելով Փանջունու կերպարը: Ծատուրյանը ներկայացումներ է բեմադրել Մոսկվայում, Կիևում, Վրաստանում, Արցախում, Բեյրությում, ՅՈւՆԵՍԿՕ-ի պատվերով Նյու Յորքում։ Նա 20 տարի աշխատել է Հալեպում Ադամյան թատերախմբի հետ, որտեղ բեմադրել է շուրջ 22 ներկայացումներ։

Աղունիկ Հովհաննիսյան

 

Տպել
1184 դիտում

ՀՀ ՊՆ պատվիրակությունը մասնակցել է Ռազմական սպորտի միջազգային խորհրդի եվրոպական համաժողովին

ՀՀ վարչապետ Նիկոլ Փաշինյանը մասնակցել է Դոնալդ Թրամփի կողմից տրված ընդունելությանը

Բողոք չունենք. Մխիթարյանի մայրը՝ տղայից դիվանագիտական անձնագիրը վերցնելու մասին

Ինչպե՞ս են լուծվելու մայրաքաղաքի տրանսպորտային խնդիրները. մանրամասնում է Սրբուհի Ղազարյանը

Վարչապետ Նիկոլ Փաշինյանն աշխատանքային այցով կմեկնի Տաջիկստան

Զորակցեք ու աջակցեք ՀՀ նոր եւ ժողովրդական կառավարությանը. կոչ Եվրամիության կառույցներին եւ միջազգային հանրությանը

Ավտովթար Լոռիում. հիվանդանոց տեղափոխված վիրավորները բրիտանացիներ են

Պուտինը դժվար թե մինչեւ տարեվերջ ժամանի Հայաստան. ՌԴ-ից արձագանքել են ՀՀ ԱԳՆ-ի հայտարարությանը

Երեւանում քննարկվել են երեխաների հանդեպ բռնությանը վերջ դնելու ճանապարհային քարտեզը

Սարգսյանը ֆրանսիական Dassault ընկերության հետ համատեղ գործակցության կոնկրետ ծրագրի մասին է պայմանավորվել

Զինծառայողի նկատմամբ բռնություն է գործադրվել. նրա մահվան դեպքով մեղադրանք է առաջադրվել համածառայակցին

Հայաստանում կհիմնվի ADS ընկերության ֆինանսական ծառայությունների տարածաշրջանային կենտրոն. հանդիպում Փարիզում

Գյումրիում քննությունների չեկած ուսանողները դիպլոմ են ստացել, կրթաթոշակները յուրացվել են. դատախազություն

Ինչո՞ւ է Մխիթարյանից վերցվել դիվանագիտական անձնագիրը

Նուրբ եւ սկզբունքային հարց. ի՞նչ է լինելու հուլիսի 5-ի հետ

Ի՞նչ է տեղի ունեցել. կարեւորը՝ անփորձանք տուն գամ

Ինչո՞ւ չմեկնեց. արա, մենք զանգի ենք սպասում

Փաստարկները օդից բերված չէին, պետք է փորձենք տարբերակներ գտնել. գյուղնախարար

Պաշտոնի չարաշահո՞ւմ է եղել Ավանի մշակույթի տանը. ում քույրն է 2008-ից «ընտրված» տնօրենը

«Սպիտակ»-ը արցունքների մասին չէ. տեղի ունեցավ երկրաշարժի 30-րդ տարելիցին նվիրված ֆիլմի պրեմիերան