Կարմիր խաչի ներկայացուցիչները հանդիպել են Ադրբեջանում պահվող հայ գերիների հետ

09/01/2018 schedule12:59

Կարմիր խաչի միջազգային կոմիտեի (ԿԽՄԿ) ներկայացուցիչները հանդիպել են անձանց հետ, որոնք ղարաբաղյան հակամարտության հետեւանքով պահվում են հակամարտության կողմերի մոտ: Այս մասին հաղորդում է ԱՊԱ-ն:

Մասնավորապես, ԿԽՄԿ ադրբեջանական ներկայացուցչության լրատվության պատասխանատուն հայտնել է, որ անցած ամիս իրենք այցելել են ադրբեջանական կողմում պահվող անձանց: Նրանք մոնիթորինգի են ենթարկել պայմանները, որոնցում պահվում են այդ անձինք, ինչպես նաեւ ապահովում են նրանց կապը հարազատների հետ:

Համաձայն աղբյուրի, ներկայումս Ադրբեջանում պահվում է երկու գերի՝ Արսեն Բաղդասարյանն ու Զավեն Կարապետյանը, որոնց Բաքուն դիվերսանտ է որակել:

Մինչդեռ Զավեն Կարապետյանը, ըստ հայկական կողմի տվյալների, քաղաքացիական անձ է եւ զինված ուժերի հետ կապ չունի։ Իսկ Արսեն Բաղդասարյանն արդեն իսկ Ադրբեջանում դատարանի կողմից դատապարտվել է 15 տարվա ազատազրկման: 

Զավեն Կարապետյանն ադրբեջանական կողմում հայտնվել է 2017 թ-ի հունիսին: ՀՀ ՊՆ-ն այդ ժամանակ հայտարարեց, որ այդպիսի զինծառայող չկա, դիվերսիոն հարձակման մասին լուրն ապատեղեկատվություն է:

Ավելի ուշ ոստիկանությունը պարզեց, որ Զավեն Կարապետյանը ծնվել է Նոր Խարբերդ ավանում, եղել է մանկատան սան: 1994 թ տեղափոխվել է Վանաձոր և մոտ 4 տարի բնակվել Շառլ Ազնավուրի հիմնադրամի տրամադրած տնակում, հետո վաճառել այն ու դարձել թափառաշրջիկ: Վերջին տարիներին Հայաստանի տարբեր վայրերում վարձատրության դիմաց զբաղվել է անասնապահությամբ: Խուսափել է շփումներից, եղել է ինքնամփոփ, ակնհայտ են եղել մտավոր թերություններ։

Զինծառայող Արսեն Բաղդասարյանը 2014 թ-ի դեկտեմբերի 26-ին է հայտնվել ադրբեջանական կողմում: Ընդ որում, Արսեն Բաղդասարյանի դեպքի վերաբերյալ Ադրբեջանի պաշտպանության նախարարությունն ի սկզբանե տվել է հակասական տեղեկատվություն:

Նախ և առաջ հայտարարվել է, որ նա դիվերսանտ է, ապա՝ Արսենն ինքնակամ է հատել սահմանը՝ չդիմանելով հայկական բանակում տիրող բարքերին: Անգամ նշվում էր, որ ԿԽՄԿ ներկայացուցիչների հետ հանդիպման ժամանակ զինծառայողը ցանկություն է հայտնել տեղափոխվել երրորդ երկիր:

Ավելի ուշ, Ադրբեջանի ՊՆ-ն, այնուամենայնիվ, նախընտրել է Արսենին ներկայացնել որպես «դիվերսանտ»: Արսեն Բաղդասարյանի սահմանահատումը որակվել է որպես հետախուզա-դիվերսիոն ներթափանցման փորձ ու նրա նկատմամբ հարուցվել է քրգործ:

Ինչ վերաբերում է հայկական կողմին, ՊԲ-ն սահմանահատման դեպքի օրը հայտարարել է, որ Արսեն Բաղդասրայանը, հանդիսանալով Պաշտպանության բանակի պայմանագրային զինծառայող, պարբերաբար ինքնակամ լքել է իր մշտական տեղակայման վայրը, որի համար հրամանատարության որոշմամբ, կարգապահական խախտումներ կատարելու հիմնավորումով, ժամանակավորապես հեռացված է եղել ծառայությունից:

Տպել
2081 դիտում

Քրգործ՝ նախկին ոստիկանապետ Վլադիմիր Գասպարյանի կողմից առերեւույթ պաշտոնեական լիազորությունները չարաշահելու դեպքով

«Արցախը» բանակցում է ներդրողների հետ, իսկ Երեւանի «Լոկոմոտիվը» ոչ ոք չի գնել

Արգելեք Թուրքիայից ներկրվող լոլիկը. ֆերմերները դժգոհ են գյուղնախարարի պաշտոնակատարից

Ե՞րբ կշնորհավորի պաշտոնական Մոսկվան Նիկոլ Փաշինյանին. դեսպանը պարզաբանում է

Պետությանը պատճառած ավելի քան 425 մլն դրամի վնասից բյուջե է վերականգնվել 335 մլն.-ը. ՊԵԿ

Մահացել է ՀԽՍՀ մշակույթի վերջին նախարար Յուրի Մելիք-Օհանջանյանը

Աջափնյակ վարչական շրջանում կիրականացվի լայնամասշտաբ շաբաթօրյակ

1 միլիոն դոլար ներդրմամբ «Մաթեւոսյան կենտրոն»-ի շինարարությունն անժամկետ դադարեցված է

«Ոսկե ծիրան» կինոփառատոնի ողջ ղեկավար կազմը փոխվեց. կինոյի մասին օրենքը մնում է օդից կախված

Վանաձորը տոնական տեսքի բերելու համար բյուջեից հատկացվել է 4.5 մլն դրամ

Մոուրինյոն հեռացվեց «Մանչեստեր Յունայթեդից»

ՌԴ-ն աշխատում է Երեւանի ու Բաքվի միջեւ ուղիղ երկխոսության հնարավորությունների ստեղծման ուղղությամբ. դեսպան

Համատեղ պայքարել ժամանակակից մարտահրավերների դեմ. Օսիպյանն այցելել է Վրաստան (տեսանյութ, լուսանկարներ)

Արմեն Սարգսյանը շնորհավորական ուղերձ է հղել Քաթարի Հայր Էմիր Շեյխ Համադ Բին Խալիֆա Ալ Թանիին

Ի՞նչն է խանգարում հայ-ադրբեջանական երկխոսությանը

Տարեվերջին գնաճի ավելի ցածր ցուցանիշ կգրանցվի, քան կանխատեսվում էր. ԿԲ խորհրդի անդամ

Պատգամավորները մանդատները կստանան դեկտեմբերին, իսկ ԱԺ առաջին նիստը կկայանա հունվարին

Վերացվել է ուռճացումն ու նկարչությունը. «Իմ քայլը» պատասխանում է «Լույս» դաշինքի բարձրացրած հարցերին

Կրակոց՝ ինքնաձիգից. ավագ լեյտենանտն անզգուշությամբ վնասվածք է հասցրել ծառայակցին

Մանվել Գրիգորյանը հրաժարվում է ՄԻԵԴ դիմել, այլ կերպ է նայում իրավիճակին. պաշտպան