Խոզանոց են այդ հացադուլի սենյակները. «Սասնա ծռերը» բոյկոտեցին նիստը եւ լքեցին դահլիճը

Շենգավիթ վարչական շրջանի ընդհանուր իրավասության դատարանում դատավոր Արթուր Օհանյանի նախագահությամբ այսօր շարունակեց «Սասնա ծռեր» խմբի 11 անդամի գործով դատական նիստը:

Նշենք, որ այս մասով անցնում է 11 մեղադրյալ, մասնավորապես՝ քննվում են Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Արայիկ Հակոբյանի, Վարդան Գերավետյանի, Մարտիրոս Հակոբյանի, Սերգեյ Կյուրեղյանի, Գեւորգ Իրիցյանի եւ Թորոս Թորոսյանի մասով գործերը:

Նիստը մի քանի անգամ հետաձգվեց, պատճառներից մեկն էլ Դեդ մականունով հայտնի Մարտիրոս Հակոբյանի դատական նիստերի դահլիճ չներկայացվելն էր: Դատավոր Օհանյանը պաշտպան Մուշեղ Շուշանյանին թույլատրեց տեսակցել իր պաշտպանյալին եւ հասկանալ, թե ի՞նչ պատճառաբանությամբ Դեդը չի ցանկանում մասնակցել նիստին: Ընդմիջումից հետո Դեդին տեսակցած Մուշեղ Շուշանյանը դատարանին հայտնեց, որ Մարտիրոս Հակոբյանն ասում է, որ ինքը ապստամբել է հանցագործների դեմ, հիմա այս դատական նիստերի ընթացքում, մեղադրողների կողմից փորձ է արվում իրեն ներկայացնել հանցագործի կերպարով: Բացի այդ, նա դժգոհություններ ունի, որ «Սասնա ծռեր» խմբի անդամներին բժշկական օգնություն չեն ցուցաբերում: Ինչպես նաեւ Դեդը հայտարարել էր, որ մի քանի անգամ դատարանին տեղեկացրել է, որ իրեն դատարան են տեղափոխում անմարդկային պայմաններ ունեցող խցում՝ ձեռնաշղթաներով, ինչի կարիքը չկա, որովհետեւ նրանց շատ ոստիկաններ են ուղեկցում, այդ թվում՝ ինքնաձիգերով զինված ոստիկաններ: Առանց Դեդի նիստը շարունակելու դեմ առարկեցին մեղադրող դատախազները՝ Արթուր Չախոյանն ու Հակոբ Ենոքյանը, նշելով, որ ամբաստանյալի ներկայությունը պարտադիր է: Դատավոր Արթուր Օհանյանն էլ ասաց, թե իր համար Մարտիրոս Հակոբյանի պատճառաբանությունները պարզ չեն, ուստի նրա նկատմամբ սանկցիա կիրառեց՝ 4 ժամով դատական նիստերի դահլիճից հեռացում:

Այնուհետեւ նիստի ընթացքում հայտարարությամբ հանդես եկավ «Սասնա ծռեր» խմբի անդամ Վարդան Գերավետյանը: «Մենք չենք հանդուրժելու, որ մեր ընկերներն այդ պայմաններում են: Պահման պահմանները բարելավելը բարդ խնդիր չի, առավել եւս, որ մի քանիսի խնդրանքը բավարարվել է, եւ նրանց տեղափոխվել են «Արմավիր» ՔԿՀ: Ես՝ ինքս, տեսել եմ, խոզանոց են այդ հացադուլի սենյակները՝ փնթի, բորբոսնած սենյակներ են»,- հայտարարեց Վարդան Գերավետյանը: Նա նշեց, որ իրենք հրաժարվում են իրենց փաստաբաններից եւ դուրս գալիս նիստերի դահլիճից: Դատավոր Արթուր Օհանյանն ասաց, որ նման բան չի թույլատրել, եւ իրենց պատճառաբանությունները հիմնավոր չեն: Վարդան Գերավետյանը նույնպես դժգոհեց նաեւ այն փաստից, որ իրենց ՔԿՀ-ից դատարան են տեղափոխում անմարդկային պայմաններում. «Տորք-անգեղին են տանո՞ւմ, վախենում են, որ մեքենան շուռ կգա՞: Տեսե՞լ եք այդ փոքր խցերը, որոնցում ուսերս անգամ չեն տեղավորվում: Ի՞նչ իմաստ ունի ձեռնաշղթան, նվաստացնելո՞ւ»: Ապա Գերավետյանը կրկին հայտարարեց, որ լքում են նիստերի դահլիճը, ինչը, սակայն դատավորը չթույլատրեց, նրանց փորձեցինք կանգնեցնել ուղեկցող ոստիկանները, լարված իրավիճակ ստեղծվեց:

Տեսնելով, որ այնուամենայնիվ, «Սասնա ծռերը» վճռական են տրամադրված, դատավորը նրանց բոլորի նկատմամբ սանկցիա կիրառեց՝ 5 ժամով հեռացնելով նիստերի դահլիճից: Ամբաստանյալներից հետո դահլիճը լքեցին նաեւ փաստաբանները՝ Հայարփի Սարգսյանը, Մուշեղ Շուշանյանը, Լիպարիտ Սիմոնյանը, Դավիթ Գյուրջյանը եւ Հարություն Բաղդասարյանը, քանի որ ըստ նրանց, իրենց պաշտպանյալները հրաժարվել են իրենց ծառայություններից: Նրանց նկատմամբ դատարանը նույնպես սանկցիա կիրառեց:

Տպել
1782 դիտում

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը