Երբեք իմ ստամոքսը իմ աստվածը չեմ դարձրել. Արմեն Էլբակյան

Գաբրիել Սունդուկյանի անվան ազգային ակադեմիական թատրոնում ընթանում են դրամատուրգ Ժորա Հարությունյանի «Հարսնացուն հյուսիսից» կատակերգության բեմադրման աշխատանքները: Պիեսը նվիրվելու է դրամատուրգի 90-ամյակին, նաեւ՝ Վարդան Աճեմյանի հիշատակին: Օգտագործվելու է Առնո Բաբաջանյանի՝ հատուկ այս գործի համար գրված երաժշտությունը:

Թատրոնի գեղարվեստական ղեկավար Արմեն Էլբակյանը «Հայկական ժամանակ»-ի հետ զրույցում նշեց, որ բեմադրվող պիեսը նպատակ ունի հիշատակելու ոչ միայն մեր մեծերին, այլեւ՝ ստեղծելու կապ իրականության եւ անցյալի միջեւ, այն իրականության, որ ունեցել ենք: «Նպատակ ունենք ապացուցելու, որ ժամանակները կարեւոր չեն, այլ կարեւոր է սերը մարդու, մերձավորի, միմյանց հանդեպ»,- ասում է Արմեն Էլբակյանը:  

Գեղարվեստական ղեկավարի հետ խոսեցինք նաեւ թատրոնի խնդիրների, աշխատանքային դժվարությունների, երկրում տիրող սոցիալական վիճակի մասին.

- Թատրոնը միշտ ունի նույն խնդիրները, միշտ պետք է փորձի կերպարի մեջ մտնել եւ փորձի փոխանցել այն գեղարվեստական խոսքը, որի միջոցով ներկայացվում է 21-րդ դարում անհատին, հասարակությանը անհանգստացնող խնդիրները:

- Պարոն Էլբակյան, ժամանակի հետ փոխվում է դերասանական կազմը, համալրվում նոր մարդկանցով, երիտասարդներով, արդյո՞ք չի դժվարանում ձեր աշխատանքը՝ որպես գեղարվեստական ղեկավար:

- Թատրոնի գեղարվեստական ղեկավարի աշխատանքն ինքնին շատ բարդ, ամենօրյա, երկարատեւ ու տքնաջան աշխատանք  է: Ինչ վերաբերում է երիտասարդությանը, նրանք էլ իրենց հետ բերում են նոր խնդիրները, իրենց ցանկությունները, որովհետեւ մարդ արարածը ցանկություններով է առաջնորդվում: Սակայն ես զգում եմ, որ գնալով նրանք հզորանում են, ավելի համարձակ են դառնում: Համոզված եմ, որ վաղվա օրը նրանցն է:

- Ի՞նչ կարծիք ունեք Հայաստանում տիրող աղքատության, սոցիալական բազում խնդիրների վերաբերյալ, արդյո՞ք երկրի սոցիալական ծանր վիճակն իր հերթին խոչընդոտ չի հանդիսանում մշակույթի զարգացմանը:

- Փոքր տղա էի, երբ քարի վրա կարդացի՝ «100 ձուն արժե 1 լումա, վա՜յ մեզանից հետո եկողներին»: Այս պարագայում, մարդիկ ապրում են ուտելու համար, այլ ոչ թե ուտում ապրելու համար: Այս ամբողջ ուրբանիզացիան եւ այս չհայտարարված պատերազմները տանում են համաշխարհային աղետի: Իմ կարծիքով, երրորդ համաշխարհային պատերազմն արդեն սկսվել է, պարզապես հայտարարված չէ: Պատահական չէ, որ աշխարհի տարբեր ծայրերում բախումներ են, կրակոցներ, ինչը նաեւ նպաստում է սոցիալական վիճակի ծանրացմանը, սակայն դրա արդարացումները ես չեմ ուզում տալ:

Ըստ ձեզ, ՀՀ բարձրաստիճան պաշտոնյաները ո՞ր մեկն են անում այս պարագայում, ուտում են ապրելու համա՞ր, թե՞ ապրում են ուտելու համար:

- Ես այդ տեսակ գնահատական չեմ կարող տալ, որովհետեւ իմ ուղեղը դրանով չի զբաղված, եթե լինի էլ, դա համատարած չի կարող լինել: Երբեք իմ ստամոքսն իմ աստվածը չեմ դարձրել, դրա համար գնահատականներ չունեմ տալու: Այս կամ այն մարդու դատածով երբեք չի կարելի ընդհանուր դատողություն անել, նրանք, ովքեր այդպես են ապրում, միեւնույն է, պատժվելու են թե՛ այս, թե՛ այն աշխարհում: Մեզանում ինչքան պրիմիտիվ, անգրագետ, կամ կիսագրագետ մարդ կա, գալիս են գնահատականներ տալու, դեռ ոչինչ չստեղծած, ոչինչ չարարած ինչ-որ բանի գնահատականներ են տալիս:

Քաղաքականությամբ հետաքրքրվու՞մ եք, հետեւո՞ւմ եք երկրում տիրող իրադարձություններին:

- Քաղաքականությունն ի՞նչ է, որ չհետաքրքրվեմ, սա մի ընթացք է, ինչպես կյանքն է ընթանում իր հունով, այնպես էլ քաղաքականությունը, քաղաքականության մեջ ամեն մեկն իր անձնական ստամոքսի հաշիվն ունի, ամեն մեկն իր անձնական հաշիվն ունի, իր աթոռի կռիվը: Միշտ էլ այդպես է եղել՝ Սոկրատեսից մինչեւ մեր օրերը: Թատրոնն այս աշխարհի փոքր մոդելն է եւ դրա համար շատ ծիծաղելի է, որ արվեստագետները քաղաքականությամբ են զբաղվում: Այս պահին իմ կոլեգաներից շատերը բարձրանում են ամբիոններ, հնչեցնում քաղաքական հարցեր, սակայն ես աշխատում եմ հեռու մնալ:

Աղունիկ Հովհաննիսյան 

Տպել
1509 դիտում

Արմեն Սարգսյանն առանձնազրույց է ունեցել Վրաստանի վարչապետ Գեորգի Կվիրիկաշվիլիի հետ

Սա նոր Հայաստանն է, որը ես շատ սիրում եմ. զվարթ շրջանավարտները՝ կառավարական ամառանոցում

Սահմանամերձ համայնքների շրջանավարտների տոնը կառավարական առանձնատանը՝ լուսանկարներով

Նախագահ Արմեն Սարգսյանը տիկնոջ հետ ժամանել է Թբիլիսի

ՊԵԿ նախագահի 2 տեղակալներին հարցաքննել են, ձերբակալվեց 4 հոգի. ԱԱԾ-ի աղմկոտ բացահայտումը

Էրեբունու բանդայի անդամները թաղապետարանի աշխատակիցներ են (լուսանկարներ, տեսանյութ)

Վարչապետը միացավ շրջանավարտների տոնախմբությանը (տեսանյութ, լուսանկար)

Էրեբունիում զանգվածային անկարգությունների գործով կասկածվողը Արտաշես Չիչոյանի հայրն է

ԵԽԽՎ համազեկուցողները բարձր են գնահատել հավաքների ժամանակ Պաշտպանի աշխատանքը

Ֆրանսիայում ՀՀ դեսպանի հանդիպումը ԱԺ Ֆրանսիա-Հայաստան բարեկամության խմբի հետ

Իրանի Իսլամական հանրապետության քաղաքացու դի է հայտնաբերվել

Վարչապետն ընդունել է Ֆրանկոֆոնիայի ՄԿ քարտուղարության պատվիրակությունը

Կիսադատարկ նիստեր. նախանձելի աշխատավարձ ստացող պատգամավորներն աշխատանքի չեն գալիս

Նիկոլ Փաշինյանին շնորհավորական ուղերձ է հղել Միացյալ Թագավորության վարչապետ Թերեզա Մեյը

Վերջին անգամ «Ռեալը» հենց «Լիվերպուլին» է պարտվել Չեմպիոնների լիգայի եզրափակչում

Հստակեցվում է Էրեբունիում անկարգությունների մասնակցած անձանց շրջանակը (տեսանյութ)

Սահմանամերձ դպրոցների բազմաթիվ շրջանավարտներ այսօր հյուրընկալվել են վարչապետի առանձնատանը

ԴԱՀԿ-ի պատասխանը «Հայկական Ժամանակ» օրաթերթի հրապարակմանը

Սպիտակի համայնքապետարանի ուշագրավ գնումները եւ ֆինանսական բաժնի պետի բացատրությունը

Արագաչափերը չեն բարձրացրել անվտանգության մակարդակը եւ դրանց նպատակը եղել է փող գռփելը