Տիկնիկային թատրոնում կրճատումներ են, փող չկա, վատ հետեւանքներ կլինեն

Հովհաննես Թումանյանի անվան Տիկնիկային թատրոնում աշխատողների մեծ մասը բավարար աշխատավարձ չստանալու պատճառով տեղափոխվել է կես հաստիքի:  «Հայկական ժամանակի» հետ զրույցում այս մասին տեղեկացրեց թատրոնի տնօրեն, գեղարվեստական ղեկավար Ռուբեն Բաբայանը: Տիկնիկայինում տարեկան ներկայացնում են մոտավորապես 400 բեմադրություն, ամեն տարի ունենում են չորս նոր բեմադրություն:

Պարոն Բաբայան, Տիկնիկային թատրոնի վիճակն այնքան է ծանրացել, որ այլևս աշխատողներ չեք կարողանո՞ւմ պահել:

- Աշխարհի ոչ մի երկրում թատրոնի խնդիրները չեն լուծվում տոմսի հաշվին: Աշխատել եմ ոչ մեկին չհեռացնել, որոշներին կրճատել եմ կես դրույք, սոցիալական անպաշտպանության պարագայում սա էլ է մեծ ձեռքբերում մեզ համար: Առհասարակ թատրոններում բարձր աշխատավարձ չկա, միջինը 100-ից 120 հազար դրամ, որն էլ բավականացնում է միայն առաջին անհրաժեշտության պարագաների, հագուստի և սննդամթերք առնելու համար:

- 2018 թվականին կրճատվելու են մշակույթի ոլորտին տրամադրվող գումարները, սա ի՞նչ վտանգ կարող է ներկայացնել Տիկնիկային թատրոնի համար, եթե արդեն իսկ կան աշխատողների կրճատումներ:

- Եթե չեմ սխալվում, ոչ միայն մշակույթի, այլև առողջապահության ոլորտում են գումարներ կրճատվել: Իսկ սրանք, կարծում եմ, այն հիմնական հիմնաքարերն են պետություն և քաղաքակիրթ հասարակություն կառուցելու ճանապարհին: Չեմ կարծում, որ այս ոլորտների գումարի պակասումն առանց որևէ համապատասխան վատ հետեւանքի կմնա, այս ամենը, ցավոք սրտի, շատ շուտով իր վնասները զգացնել կտա:

- Ի՞նչ եք կարծում, արվեստագետներից բացի, խոցելի խավը ո՞րն է Հայաստանում:

- Սա իսկապես տագնապալի, ահավոր վիճակ է, որի մեջ գտնվում են մեր թոշակառուները: Երկրի քաղաքակրթությունը երևում է նրանով, թե ինչպես է այդ երկիրը վերաբերվում ծերերին, երեխաներին, անօգնական մարդկանց: Եվ այս պարագայում չի  կարելի ամբողջ հույսը դնել այն բարեկամների, հարազատների վրա, որոնք ապրում են արտերկրում և ինչ-որ գումարներով կարողանում են օգնել: Սա առաջին հերթին պետության խնդիրն է:

Ի՞նչ ակնհայտ թանկացումներ եք նկատում դուք, որպես ՀՀ քաղաքացի:

- Հունվարից մենք արդեն ականատես եղանք վառելիքի թանկացման, որին հաջորդում են մի շարք ապրանքատեսակներ, առաջին անհրաժեշտության իրեր, սննդամթերք, որոնք տրանսպորտի միջոցով են տեղափոխվում: Հաճախ, երբ լսում ենք ՀՀ տնտեսագետների տված գնահատականները, հասկանում ենք, որ գտնվում են քաղաքական ազդեցությունների և ճնշման տակ:

Տեղյակ ե՞ք, որ ԵԼՔ խմբակցությունը հունվարի 19-ին ընդդեմ թանկացումների երթ է իրականացնելու: Ինչպե՞ս եք վերաբերվում սրան:

- Տեղյակ եմ, կարծում եմ, տրամաբանված է, քանի որ անկախ նրանից, որ մենք լսում ենք, թե տնտեսությունը սկսել է զարգանալ, երբևիցե չի կարելի քաղաքական պատճառաբանություններով արդարացնել տնտեսության վատ վիճակը: Քաղաքականությունն է տնտեսության շարունակությունը, այլ ոչ թե հակառակը:

Աղունիկ Հովհաննիսյան

Տպել
1013 դիտում

Ծնունդդ շնորհավոր, Երևան, իմ սեր. ՀՀ նախագահի շնորհավորական ուղերձը

Բակո Սահակյանը ներկա է գտնվել Մարտունու նռան փառատոնին

Էջմիածնում բերման ենթարկվածներ չկան. ոստիկանությունը պարզաբանում է Դ. Գրիգորյանի հայտարարությունը

«Երևան 2800». հոբելյանական օրը մանուկները նշել են Մանկական զբոսայգում

Ն. Փաշինյանը մասնակցել է Արամ Ա Մեծի Տանն Կիլիկիո Կաթողիկոսի ձեռնադրման 50-ամյակի Սուրբ Պատարագին

Ժամը 11-ին ՏԻՄ ընտրություններին մասնակցել է ընտրողների 9.33%-ը. ամենաակտիվը Կապանն է, ամենապասիվը՝ Արմավիրը

Ինչպես է Կերչի սարսափելի ողբերգության հեղինակը կրակում, ապա գործի գցում պայթուցիկ սարքը (տեսանյութ)

Երևանի քաղաքապետ Հայկ Մարությանը հանդիպել է Ամմանի կառավարիչ Օմար Էլ Լոուզիի հետ

Պաշտպանի աշխատակազմն իրականացնում է Հայաստանի համայնքներում տեղի ունեցող ընտրությունների անկախ դիտարկում

Երեւանն ապրում է նոր ժամանակների շնչով, միշտ զարմացնում է իր դասական գեղեցկությամբ ու կոլորիտով. Արա Բաբլոյան

Շնորհավոր տոնդ, Երևան, սիրում եմ քեզ. Նիկոլ Փաշինյանի շնորհավորանքը

Շահումյան հրապարակից մեկնարկող հեծանվավազքին ներկա կգտնվի Երևանի քաղաքապետ Հայկ Մարությանը

Պետք է կարողանանք համախմբել մեր համազգային ներուժը համահայկական օրակարգի շուրջ. հանդիպում Լիբանանի հայ համայնքի հետ

Երևան ժամանած պատվիրակություններն այցելել են Ծիծեռնակաբերդի հուշահամալիր

Երեւանն այսօր տոնում է 2800-ամյա հոբելյանը

Հայաստանի 49 համայնքում այսօր ՏԻՄ ընտրություններ են. 4 համայնքում քաղաքապետ կընտրեն

Երեք տարի անց. ռուսները խոստովանում են

Պահը ճակատագրական է, չնայած անունը Սարդարապատ չէ

Ազնիվ է, հոգատար, շնորհալի եւ զարմանալի չէ, որ հայտնվել է կալանքի տակ

Այդ ու՞ր՝ առանց ռեյտինգի. Լիլիթ Ավագյանի հոդվածը