Վերեւից ասել են՝ ներս չթողնեք. Ազգային ժողովում լրագրողների աշխատանքը կաթվածահար է եղել

Լրագրողների մուտքը Հայաստանի Ազգային ժողով խստ սահմանափակվել է: Քիչ առաջ «Հայկական ժամանակ»-ի ԱԺ-ում հավատարմագրված թղթակիցը փորձել է մտնել կառույց, սակայն անցակետում թույլ չեն տվել առաջ գնալ, քանի որ վերեւից հրահանգված է լրագրողներին ներս չթողնել՝ «նիստ չկա» պատճառաբանությամբ:

Այսինքն՝ ԱԺ-ի վերեւներում որոշել են, որ եթե 6-րդ գումարման ԱԺ-ի 3-րդ նստաշրջանը դեռ չի մեկնարկել, ուրեմն լրագրողներն անելիք չունեն ԱԺ շենքում: «Հայկական ժամանակ»-ը ստեղծված իրավիճակի շուրջ պարզաբանումներ է խնդրել ԱԺ հանրային կապերի վարչության պետ Արսեն Բաբայանից: Վերջինս մեր լրագրողի հարցին, թե ինչու իրեն չեն թողնում շենք մտնել, պատասխանել է.

«Ներս ինչու՞ պետք է թողնեն, պատգամավորներից ստացի անցագիր՝ մտի, հիմա նստաշրջան չկա, հավատարմագրված լրագրող եւս (ԱԺ 6-րդ գումարման 3-րդ նստաշրջանի գործունեությունը լուսաբանելու համար լրագրողների հավատարմագրման գործընթացը դեռ չի ավարտվել-խմբ.): Հանձնաժողովի նիստերի օրերին նախկին անցագրով կարող ես մտնել»,- ասաց Բաբայանը:

Այսօր ԱԺ-ում առողջապահության մշտական հանձնաժողովի նիստ կա: Պարզվում է սույն նիստը լուսաբանելու համար լրագրողների մուտքը թույլատրելի է միայն նիստից մեկ ժամ առաջ:

Տպավորություն է ստեղծվում, որ ԱԺ խորհրդի վերջին նիստում բարձրաձայնված այն տեսակետը, թե պետք է լրագրողների իրավունքները սահմանափակել խորհրդարանում, կամաց-կամաց իրականություն է դառնում: Հիշեցնենք, այս մտքի հեղինակը Ծառուկյան խմբակցության պատգամավոր Վարդան Բոստանջյանն էր: Հարկ է նաեւ նշել, որ նախկինում նման փայլուն մտահղացում չի եղել, եւ հավատարմագրված լրագրողները կարողացել են նախկին նստաշրջանի անցագրով մտնել խորհրդարան:

Եւ ընդհանրապես, ԱԺ-ն իրավունք չունի որոշել, թե լրատվամիջոցը, ե՞րբ եւ ի՞նչ պետք է լուսաբանի խորհրդարանում, ուստի նախկին անցագրերը պետք է վավերական լինեն մինչեւ նորերի տրամադրելը կամ պետք է արագացվի նորերի տրման գործընթացը:

Տպել
3000 դիտում

ՎՏԲ-Հայաստան Բանկը ներկայացնում է նորացված Մոբայլ և Ինտերնետ բանկ ծառայությունները

Որոշումը վերջնական է. Գյումրիում վաղը հանրահավաք չի լինի

Ներդրեք ՀՀ դրամով ավանդներ ՎՏԲ-Հայաստան Բանկում 10% տոկոսադրույքով

Ucom-ի աջակցությամբ Արցախում կայացավ Դիջիքեմփ 2018-ը

Նախապես ծրագրված սպանդ. Մարտի 1-ի տասը զոհերի մահվան հանգամանքները

Օգոստոսի 17-ին ակտիվորեն մասնակցեք վարչապետ Փաշինյանի հանրահավաքին. Ազատամարտիկների դաշինք

Կարկուտն Ազատանում 8000 տոննայից ավելի կարտոֆիլ է ոչնչացրել

Քայլերթ, հեծանվաերթ, գույներ. YIC-ն Գյումրիում տոնել է Երիտասարդների միջազգային օրը

Կոչ օգոստոսի 17-ի հանրահավաքի կապակցությամբ

ՎՏԲ -Հայաստան Բանկը սահմանել է անվանական կրթաթոշակ լավագույն ուսանողի համար  

Ոստիկաններն առևանգել են Ռ. Քոչարյանին Հաագայի դատարանին հանձնելու ստորագրահավաքի բլանկները

ՇՊՀ նախկին պրոռեկտոր Անահիտ Ֆարմանյանին կալանավորելու որոշում է կայացվել,նա հետախուզվում է

Լեւոն Բարսեղյանն ընտրվել է ՇՊՀ հոգաբարձուների խորհրդի նախագահ

Տեսանյութ. Սուրեն Փ.-ն միացավ մեր բարեգործական ծրագրին

Ողբերգական ավտովթար Լոռիում. ՊՆ զինծառայող է մահացել (լուսանկարներ)

Մարտի 1-ի գործով կատարված խուզարկությունից հետո ձերբակալվել է Հովիկ Աբրահամյանի եղբայրը

Ոստիկանական բարձր մակարդակի ստեր. Մարտի 1

Բացառիկ ընտրություններ ենք ունենալու. ՀՀ ոստիկանապետ

ՎՏԲ-Հայաստան բանկը մեկնարկում է ավտովարկերի գնման գործընթաց

Հայտնի են այն ոստիկանների անունները, ում արձակած գնդակներից մարտի 1-ին զոհվել է 4 քաղաքացի