Աննախադեպ աճում են. եւս մեկ կապույտ ծրար վերեւներին

11/01/2018 schedule16:00

Տպագրվել է «Հայկական Ժամանակ» օրաթերթի՝ 2005 թվականի հունվարի 12-ի համարում

Անցած գրեթե ողջ տարվա ընթացքում Հայ արիական միաբանության նախագահ Արմեն Ավետիսյանը մամուլին պարբերաբար տեղեկացնում էր, թե ինչ ընթացքում է հայ արվամոլ պաշտոնյաների ոչ ավանդական սեռական կողմնորոշումն ապացուցող փաստերի հավաքագրումը: Իսկ ամենակարեւորը՝ Ավետիսյանը վստահեցնում էր, որ այդ պաշտոնյաների անունների հրապարակմանը կարող է խանգարել մինիմում ատոմային պատերազմը: Հայաստանում ատոմային պատերազմ կարծես թե չեղավ, սակայն արիների առաջնորդը նախընտրեց այդ անունները ոչ թե հրապարակել, այլ փակ ծրարներով ուղարկել երեք հասցեով՝ Ռ. Քոչարյանին, վարչապետին եւ Անվտանգության խորհրդի քարտուղար Սերժ Սարգսյանին: Փակ ծրարի մեջ նշվել է մեկ նախարարի, մեկ պատգամավորի, ֆինանսական գերատեսչության մեկ ղեկավարի եւ նախագահի աշխատակազմի չորս աշխատակցի անուն:

Ի դեպ, նշյալ յոթ պաշտոնյաներից, ըստ Ավետիսյանի, միայն ԱԺ արվամոլ պատգամավորն է, որ ամուսնացած չէ. մնացած վեցն ունեն ընտանիք, կին,  երեխաներ: Եւ ահա այդ երեխաներն էլ հենց պատճառ են դարձել, որ Ավետիսյանը, իհարկե՝ նախագահի աշխատակազմի եւ կառավարության որոշ բարձրաստիճան պաշտոնյաների տված որոշակի խոստումներից հետո, որոշի այդ անունները ոչ թե հրապարակել մամուլում, այլ ուղարկել վերին ատյաններ. «Երբ ես արդեն որոշել էի, որ դեկտեմբերի 23-ին ասուլիս պետք է հրավիրեմ ու հրապարակեմ այդ անունները, ինձ անմիջապես հանդիպեցին նախագահի եւ կառավարության որոշ ներկայացուցիչներ եւ հորդորեցին չվտանգել երկրի հեղինակությունն ու այդ պաշտոնյաների երեխաների ապագան եւ այդ անունները հանձնել նախագահին ու վարչապետին: Ինձ հստակ երաշխիք են տվել, որ շատ կարճ ժամանակում այդ պաշտոնյաները պաշտոնանկ կարվեն:

Այլապես, համաձայն մեր պայմանավորվածության, փակ ծրարը կդառնա հանրության սեփականությունը: Եւ քանի որ հարցը բավականին նուրբ է, ու եթե առաջիկայում բոլորովին այլ պատճառով պաշտոնանկ արվի ոչ արմավոլ պաշտոնյա, մենք էլ մեր կողմից երաշխավորել ենք, որ մեր կուսակցությունը հանդես կգա համապատասխան պարզաբանումով: Ի դեպ, հունվարի 10-ին ես կրկին զրույց եմ ունեցել նախագահի աշխատակազմի համապատասխան ներկայացուցչի հետ, եւ ինձ կրկին վստահեցրել են, որ նախագահն այդ ծրարով անպայման զբաղվելու է»: Ինչ վերաբերում է իր հասցեին հնչող մեղադրանքներին, թե ինքը վախեցավ, «դուխ» չունեցավ այդ անունները հրապարակելու համար, եւ ողջ այս պատմությունն ընդամենն էժանագին շոու էր, Ավետիսյանը պատասխանում է.

«Շոուների համար երկրի նախագահին նման ծրար չեն ուղարկում: Ես պարզապես խղճացել եմ այդ գալուբոյների երեխաներին, քանզի ինձ վստահեցրել են, որ այդ մարդիկ պաշտոնանկ կարվեն: Իսկ եթե ոմանք վստահ են, որ ինձանից ավելի դուխով են, ես պատրաստ եմ նրանց տրամադրել ցուցակը, ու թող իրենք հրապարակեն: Չեն հրապարակի, որովհետեւ ամեն օր այդ գալուբոյների հետ նստում, հաց են կիսում»: Եւ քանի որ ստացվեց, որ  Ավետիսյանն իր ցուցակը հրապարակող «դուխով» է փնտրում, մենք պատրաստակամություն հայտնեցինք մեր թերթում հրապարակել իր ներկայացրած գալուբոյների յոթնյակին: Բայց պարզվեց՝ նա չի ցանկանում մեզ վտանգել: Ի դեպ, պարզվեց նաեւ, որ նրա մոտ օրերս եկել է արվամոլ նախարարի  տեղակալներից մեկն ու բողոքել, որ իր վերադասն իրեն անպարկեշտ  առաջարկներ է անում:

«Եւ դա միակ դեպքը չէր. ինձ արդեն դիմել են գալուբոյ վերադասներ ունեցող տարբեր պաշտոնյաներ եւ ասել, որ իրենց շեֆերն իրենց կեղտոտ սեռական առաջարկներ են անում, այլապես՝ սպառնում են գործից հանել»,- ասում է մեր զրուցակիցը: Այդ մասին եւս նա տեղյակ է պահել երկրի ղեկավարներին հղած փակ ծրարում: Սակայն, սա եւս ամբողջը չէ. փակ ծրարի յոթ պաշտոնյաները, ըստ Ավետիսյանի, միայն կեղտոտ կծիկի առաջին ծիծեռնակներն են. «Մենք արդեն նախապատրաստել ենք հստակ նյութեր եւս երկու արվամոլ նախարարի ու եւս մեկ պատգամավորի վերաբերյալ, որոնց անունները նույնպես կուղարկվեն երկրի իշխանություններին»: Այդ եւս երկու նախարարի անունն ինքը հայտնել է վարչապետին, ու վերջինս էլ հատկապես ծանր է տարել  նախարարներից հատկապես մեկի մասին բացահայտումը:

Ինչեւէ, փաստն այն է, որ ՀԱՄ ղեկավարը չկարողացավ մինչեւ վերջ տանել հայ քաղաքական էլիտայի գեյերին բացահայտելու իր սկսած գործն ու գալուբոյների անունները հրապարակելու պատասխանատվությունն իր վրայից գցեց: Բայց, քանի որ այդ փակ ծրարի պարունակությանն արդեն ծանոթ են նախագահի, վարչապետի եւ Պնախարարի աշխատակազմի տասնյակ աշխատակիցներ, նաեւ մի քանի լրագրող, ուստի այդ անուններն առաջիկայում ինչ-որ կերպ անպայման կհայտնվեն մամուլում: Այլ հարց է, թե այդ անունների հրապարակումն ինչ կարող է փոխել: Հատկապես, որ մեր քաղաքական իշխանության միակ այիբը գալուբոյները չեն: Եւ ո՞վ կարող է ասել, թե ով է պետության համար առավել վտանգավոր՝ պետության գրպանն ամեն օր ինտենսիվ թալանող կիսագրագետ ժուլիկ նախարա՞րը, թե՞ գալուբոյ նախարարը:   

Նաիրա Զոհրաբյան

Տպել
1186 դիտում

Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

ՀԱՊԿ ԽՎ նիստը Երեւանի փոխարեն կկայանա Մոսկվայում

Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

Թունջբոյաջյանն այցելել է «Հայաստան» համահայկական հիմնադրամ, պատրաստ է դառնալ սփյուռքի դեսպանը

Չեչնիայի նախագահ Կադիրովը Փաշինյանի ու Մակրոնի պարից հետո պարի մարաթոն սկսելու կոչ է արել քաղաքական գործիչներին

Քրեական հեղինակություն Նորատուսցի Արան կրակոցների պահին ալկոհոլի ազդեցության տա՞կ է եղել. նա օգտվում է լռելու իրավունքից

Վարչապետ Նիկոլ Փաշինյանը և տիկին Աննա Հակոբյանը ներկա են գտնվել Յուրի Բաշմետի համերգին (լուսանկարներ)

Թեկնածուներից մեկը դիմել է ստոր մեթոդների. ահազանգում է Էջմիածնի քաղաքապետի պաշտոնակատարը (լուսանկար)

Թուրքիայում Իրանի դեսպանատունը ուժեղացված հսկողության տակ է

20 տարվա փչացրածը, 20 օրում չի ուղղվի. Վանեցյանը հանդիպեց հավաքականի ֆուտբոլիստների հետ

Սիսիանում տներից մեկի պատշգամբի փլուզման հետեւանքով 75-ամյա քաղաքացին մահացել է

Ակումբի տեսախցիկներով ֆիքսվել են Քրեական հեղինակություն Նորատուսցի Արայի կրակոցները (տեսանյութ)

Նիկոլ Փաշինյանի հրաժարականից հետո վարչապետ ընտրելու համար ԱԺ հատուկ նիստեր չեն գումարվի

Շատ արդյունավետ հանդիպումներ էին. Ջասթին Թրյուդո

Հանդիպում ոչ պետական բուհերի ռեկտորների հետ

Մանվել Գրիգորյանի կալանքի ժամկետը եւս երկու ամսով երկարաձգվեց

ԲԴԽ-ն ընդունել է Նիդերլանդների Թագավորության Դատական խորհրդի պատվիրակությանը

Արագածոտնի ավազահանքում փլուզման տակ 25-ամյա երիտասարդ է մնացել ու մահացել

Վիճաբանությանը միջամտած երիտասարդը մեխով հարվածներ է ստացել կրծքավանդակին. քննություն է տարվում

Հայաստանի եւ Արցախի նախագահները տիկնանց հետ զբոսնել են Ստեփանակերտում և Շուշիում (լուսանկարներ)