Իլհամ Ալիեւը «զենքը ձեռքին» խոսում է ԼՂ հիմնախնդրի խաղաղ կարգավորման մասին

Ադրբեջանի ղեկավար Իլհամ Ալիեւ կրկին պնդում է, որ «Ղարաբաղյան հակամարտությունը պետք է խաղաղ ճանապարհով կարգավորվի», սակայն «Ադրբեջանի տարածքային ամբողջականության սկզբունքի շրջանակներում»։ Մյուս կողմից, նա ճոճում է սուրը եւ խոսում ադրբեջանական բանակի հնարավորությունների մասին:

Նախագահ Իլհամ Ալիեւը կառավարության նիստի ժամանակ խոսել է ԼՂ հակամարտության կարգավորման եւ իր երկրի բանակի հնարավորությունների մասին: «Ադրբեջանի արդարացի դիրքորոշումն այդ հակամարտության կարգավորման հարցով հիմնված է միջազգային իրավունքի վրա։ Միջազգային հանրությունը Լեռնային Ղարաբաղը ճանաչում է որպես Ադրբեջանի անքակտելի մաս»,- համոզմունք է հայտնել Իլհամ Ալիեւը՝ ելույթ ունենալով նախարարների կաբինետի՝ 2017 թվականի երկրի տնտեսական զարգացմանը նվիրված նիստին։

2017 թ.-ի վերջին Հայաստանի նախագահ Սերժ Սարգսյանը հայտարարել էր՝ «Ղարաբաղյան հարցում միջազգային հանրությունն ու Հայաստանը խոսում են գրեթե նույն լեզվով»: Նման հայտարարություններով բազմիցս է հանդես եկել նաեւ ՀՀ ԱԳ նախարար Էդվարդ նալբանդյանը, որ Հայաստանի ու Մինսկի խմբի եռանախագահների մոտեցումները ԼՂ հակամարտության կարգավորման հարցում համահունչ են:

Հատկանշական է, որ թե՛ Հայաստանի, թե՛ Ադրբեջանի նախագահը, որպես ասվածի ապացույց, մատնանշում են միջազգային փաստաթղթերը, որոնք, ի դեպ, հիմնականում խնդրի կարգավորման երեք սկզբունքներ են առաջ քաշում՝ ժողովուրդների ինքնորոշում, տարածքային ամբողջականություն եւ ուժի չկիրառում։

Հայկական կողմը շեշտը դնում է հիմնականում ազգերի ինքնորոշման, իսկ Բաքուն՝ տարածքային ամբողջականության սկզբունքի վրա։ Մյուս կողմից, նրանք տարբեր կերպ են մեկնաբանում նաեւ հայտնի մադիրդյան սկզբունքները: Օրինակ, Բաքվի համար ԼՂ կարգավիճակի որոշման հանրաքվեի մեխանիզմի գործադրումն ընկալվում է, որ Ղարաբաղը կհայտնվի Ադրբեջանի կազմում, իսկ Հայաստանն հանրաքվեի միջոցով ձգտում է դե-յուրե ամրագրել Արցախի անկախությունը:

Պատահական չէ, որ երկու կողմերն էլ չեն խուսափում խոսել հակամարտության ռազմական լուծման, ռազմական սցենարի մասին: Ադրբեջանի կառավարությունում իր ծավալուն ելույթի ընթացքում Իլհամ Ալիեւը մի կողմից ընդգծել է ղարաբաղյան հակամարտության կարգավորման անհրաժեշտությունը, մյուս կողմից հայտարարել՝ Ադրբեջանը պատրաստվում է ժամանակից ռազմական տեխնիկա ձեռք բերել։ 

«Համաշխարհային վարկանիշի համաձայն, ադրբեջանական բանակը հանդիսանում է աշխարհի ամենաուժեղ բանակներից մեկը։ Ադրբեջանի ռազմական ներուժը մեծացրել է»,- հայտարարել է Ադրբեջանի ղեկավարը՝ նշելով, որ ընթացիկ տարում էլ այդ ուղղությամբ քայլեր կձեռնարկվեն եւ կգնվեն նոր տեսակի զենքեր։

Ստոկհոլմում գործող Խաղաղության խնդիրների ուսումնասիրության ինստիտուտի համաձայն՝ 2011-2016թթ․ Ադրբեջանը 20 անգամ ավելի շատ զենք է ներկրել, քան՝ Հայաստանը: Այդ զենքի մեծ մասը Բաքուն ձեռք է բերել Ռուսաստանից ու Իսրայելից:

Տպել
1554 դիտում

Անսովոր է հավաքականում լինել մարզչի կարգավիճակով. Ռոման Բերեզովսկի

ՀՀ ֆուտբոլի հավաքականի նորեկ Էդգար Բաբայանը տպավորված է թիմով

Ապացուցել ենք, որ բոլոր թիմերի դեմ էլ կարող ենք պայքարել. Տիգրան Բարսեղյան

Մանկապարտեզների տնօրեն, թաղապետի տեղակալ, վարորդ. ովքեր էին պաշտպանում Տարոն Մարգարյանին

Բարձր տրամադրությամբ ենք պատրաստվում խաղերին. Գեւորգ Ղազարյան

Անգամ կադրում չկամ. ընդդիմադիր Արմեն Աշոտյանը դժգոհ է Հ1-ի լրատվական թողարկումից

Ծառայողական քննություն՝ կարմիրբերետավորների կողմից ցուցարարների մեքենան վնասելու դեպքով

Տնտեսագիտականի ռեկտորն այլեւս չի ուզում աշխատել Տարոն Մարգարյանին պաշտպանած երիտասարդի հետ

Բարի գալուստ մաղթենք Էմերիին. Մխիթարյան

Քաղաքացին փորձում է ինքնասպան լինել. ԱԻՆ-ը ահազանգ է ստացել

Արայիկ Հարությունյան. ՀՀ Կրթության եւ գիտության նախարարի կենսագրությունը

Քննչական կոմիտեն խնդրում է ներկայանալ ենթադրյալ հանցագործությունից տուժած վարորդին

Նախկին նախարարի եւ Կարեն Նահապետյանի միջև դատավարության վեճն ավարտվեց հաշտությամբ

ՀՀ ֆուտբոլի հավաքականը սկսել է հավաքը ընկերական խաղերից առաջ

Հիմնական թեման մնաց ստվերում. խմբագրական

178 մլնի չափով հարկային պարտավորությունից առերևույթ խուսափելու դեպքով գործ է հարուցվել

Քաղաքացին դիմել է առողջապահության նախարարին՝ առաջարկելով վարչապետի հազը բուժելու դեղամիջոց

Գազի Հովոյի որդու կողմից լրագրողի աշխատանքը խոչընդոտելու դեպքով նախաքննությունն ավարտվել է

Պարզվել է լրագրողի գործունեությանը խոչընդոտած անձանց ինքնությունը

Իրաքում թուրք կանայք են մահապատժի դատապարտվել՝ ամուսինների՝ ԻՊ-ի անդամակցության պատճառով