Մինչեւ 1 մլն դրամ տուգանքի ռիսկ հարկայինից. տնտեսվարողները խուճապի մեջ են

11/01/2018 schedule20:08

2018 թվականի հունվարի 1-ից ուժի մեջ մտած Հարկային օրենսգիրքը գործածության փուլում խնդիրներ է առաջացնում տնտեսվարողների համար: Օրենսգրքի 390-րդ հոդվածը սահմանում է դրոշմապիտակներով դրոշմավորվող ապրանքների ցանկը. այն ապրանքների, որոնց վրա փոքրիկ ակցիզներ են փակցվում «ներմուծված» կամ «տեղական» տարբերակներով: Նախորդ տարի, օրինակ, այդպիսի դրոշմապիտակներ հայտնվեցին շշալցված ջրերի, զովացուցիչ ըմպելիքների եւ այլ ապրանքների վրա:

Նոր ցանում կան այնպիսի ապրանքներ, ինչպիսիք են՝ ընտանի թռչունների միսը, պանիրը, թեյը, ձեթը, մարգարինը, երշիկները, ձկնամթերքը, շոկոլադը եւ կակաո պարունակող սննդամթերքը (կոնֆետ եւ այլն), խտացրած կաթը, մակարոնը եւ այլն: 390-րդ հոդվածի 2-րդ մասով սահմանված է, որ Հայաստանում արտադրված կամ Հայաստան ներկրված եւ վերը նշված ցանկում առկա ապրանքների վրա վաճառքի ցանկացած փուլում դրոշմապիտակի առկայությունը պարտադիր է, եթե այդ ապրանքները վաճառվում են նույն փաթեթավորմամբ առանց քաշը փոխելու: Եթե պարզեցնենք այս կետը, ապա սա նշանակում է, որ ապրանքը, որի վրա փակցված է դրոշմապիտակը, դրա ծավալը չի կարելի փոփոխել եւ վաճառել: Օրինակ, եթե մի տուփ կոնֆետի վրա դրոշմապիտակ կա, ապա այն չի արելի վաճառել հատիկով՝ առանց դրոշմապիտակի:

Հարկային օրենսգրքի 424-րդ հոդվածն էլ սահմանում է դրոշմապիտակի կանոնները խախտելու դեպքում պատասխանատվության ձեւն ու չափը: Սահմանված է, որ եթե վաճառակետում այդ ապրանքների ընդհանուր արժեքը վաճառողի մոտ նշված գներով չի գերազանցում 50 հազար դրամը, ապա դրոշմավորման պարտականություն կրող անձը վճարում է տուգանք 500 հազար դրամի չափով: Եթե վաճառվող ապրանքը գերազանցում է 50 հազար դրամը եւ չունի դրոշմապիտակ, ապա դրոշմապիտակ փակցնելու պարտականություն ունեցողը տուգանվում է ողջ ապրանքի չափով, բայց ոչ պակաս, քան 1 միլիոն դրամը:

«Հայկական ժամանակ»-ին դիմած տնտեսվարողները, որոնք ե՛ւ ապրանք արտադրող են, ե՛ւ ներմուծող, անհանգստացած հայտնեցին, որ անհասկանալի է, թե ինչպես պետք է դրոշմապիտակ փակցնեն ամեն մի կոնֆետի վրա, քանի որ քաղցրավենիքի այդ տեսակը նույնպես ներառվել է դրոշմապիտակով դրոշմվելու ենթակա ապրանքների ցանկում:

Մենք որպես տնտեսվարող զանգահարեցինք ՊԵԿ թեժ գիծ եւ խնդրեցինք պարզաբանել, թե ինչպես է հնարավոր յուրաքանչյուր կոնֆետի վրա դրոշմապիտակ փակցնել: ՊԵԿ-ից վստահեցրին, որ միչեւ 2018 թվականի հունվարի 1-ը ներկրված եւ առաքված ապրանքների մասով ժամկետ է տրվել, որ այն առանց դրոշմապիտակի հնարավոր է վաճառել մինչեւ այս տարվա մարտի 30-ը: Հունվարի 1-ից ներկրված ապրանքների մասով, տնտեսվարողները պետք է դիմեն ՊԵԿ, որպեսզի ստանան դրոշմապիտակները, որն էլ պետք  է փակցնեն ապրանքների վրա: ՊԵԿ-ի թեժ գծից վստահեցրին, որ տնտեսվարողները կարող են, օրինակ, 5 կիլոգրամանոց արկղի վրա դրոշմապիտակ փակցնել եւ վերջ: Այս ամենն իհարկե առանց որեւէ իրավական հիմնավորման: Մեզ հայտնի էլեկտրոնային տարբերակով հարկային հաշվետվություն ներկայացնելու հարթակում տեղադրվել է, բայց ներբեռնել չի լինում դրոշմապիտակի համար ՊԵԿ-ին դիմելու համար նախատեսված հայտի ձեւը, որը լրացուցիչ խնդիր է առաջացնում:

ՊԵԿ նախագահ Վարդան Հարությունյանին խնդրի վերաբերյալ գրավոր հարցում ենք ուղարկել, սակայն մինչեւ այս պահը Պետեկամուտների կոմիտեցից մեր հարցմանը չեն պատասխանել:

Տպել
4652 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին