14:45- ԱԺ խորհրդի անդամները նախագահականից դուրս գալով՝ արագ հեռացան:

14:20- Քիչ առաջ ՀՀԿ փոխնախագահ Արմեն Աշոտյանը ֆեյսբուքի իր էջում լուսանկարներ է հրապարակել Սերժ Սարգսյանի հետ հանդիպումից:

13:25- Քիչ առաջ ավարտվեց Սերժ Սարգսյանի եւ Ազգային ժողովի խորհրդի անդամների հանդիպումը: Նախագահական նստավայրից դուրս եկան ԱԺ փոխնախագահներ Արփինե Հովհաննիսյանը, Միքայել Մելքումյանը, պատգամավորներ Արմեն Ռուստամյանը, Խոսրով Հարությունյանը, Նաիրա Զոհրաբյանը, Հակոբ Հակոբյանը: «Հայկական Ժամանակ»-ի թղթակիցը ՀՅԴ խմբակցության ղեկավար Արմեն Ռուստամյանից  հետաքրքրվեց, թե ինչ հարցեր են քննարկել Սերժ Սարգսյանի հետ: Արմեն Ռուստամյանը նշեց, որ խորհրդարանական կառավարման համակարգի անցման հետ կապված հարցեր եւ հրաժարվեց այլ մանրամասներ հաղորդել. «Նոր անցումային շրջանն էինք քննարկում՝ դեպի խորհրդարանական համակարգ։ Գնահատականներ, անելիքներ եւ տեսակետների փոխանակում կատարվեց»:

Նույն պատասխանը տվեց նաեւ Միքայել Մելքումյանը նշելով, որ այս պահին շտապում է այլ հանդիպման: «ՀԺ»-ի թղթակիցը Արմեն Ռուստամյանից նաեւ հետաքրքրվեց, թե նախագահականում ինչպես որակվեց ԵԼՔ-ի բացակությունը եւ ինչ կարծիք ունի այն մասին, որ ԵԼՔ-ը առաջարկում էր այս հանդիպմանը չգալ: Հարցը ՀՅԴ խմբակցության ղեկավարի կողմից անպատասխան մնաց: Ավելի ուշ նախագահական նստավայրը լքեցին ՀՀԿ փոխնախագահ Արմեն Աշոտյանը եւ պատգամավոր Հրայր Թովմասյանը: Աշոտյանը «ՀԺ»-ի հարցին, թե ինչ է քննարկվել, նշեց, որ նախագահի մամուլի ծառայությունը համապատասխան մամուլի հաղորդագրություն կթողարկի: Հրայր Թովմասյանն ասաց, որ «շատ հետաքրքիր բաներ են քննարկվել», բայց հրաժարվեց մանրամասներ ներկայացնել:

12:19- Այսօր՝ հունվարի 12-ին, ՀՀ Ազգային ժողովի խորհուրդը հրավիրված է ՀՀ նախագահի նստավայր՝ Սերժ Սարգսյանի մոտ խորհրդակցության։ Հանդիպման նպատակը պաշտոնապես հայտնի չէ, բայց հավանական է, որ Սերժ Սարգսյանն ԱԺ խորհրդի անդամներին իր մոտ է կանչում, որպեսզի քննարկեն կառավարման խորհրդարանական համակարգի անցումը: Փետրվարից Հայաստանն անցում է կատարում խորհրդարանական կառավարման:

«Հայկական ժամանակ»-ի թղթակիցը նախագահական նստավայրից փոխանցում է, որ այս պահին արդեն նախագահական նստավայր են ժամանել հանդիպման մասնակիցների մեծ մասը:

Լուսանկարում՝ ԱԺ փոխնախագահ Էդուարդ Շարմազանովի ծառայողական մեքենան

ՀՀ ԱԺ ԵԼՔ խմբակցության ղեկավար Նիկոլ Փաշինյանը գրավոր հունվարի 9-ին դիմել է ԱԺ նախագահ Արա Բաբլոյանին եւ ԱԺ խորհրդի մյուս անդամներին՝ կոչ անելով չմասնակցել Սերժ Սարգսյանի մոտ խորհրդակցությանը: Փաշինյանի գրության մեջ ասված էր.

«ՀՀ Ազգային ժողովի նախագահ Արա Բաբլոյանին,

ՀՀ Ազգային ժողովի խորհրդի անդամներին.

Հարգելի պարոն Բաբլոյան.

Ազգային ժողովի խորհրդի հարգելի անդամներ.

ԱԺ աշխատակազմից տեղեկացա, որ ս/թ հունվարի 12-ին ՀՀ Ազգային ժողովի խորհուրդը հրավիրված է ՀՀ նախագահի նստավայր՝ Սերժ Սարգսյանի մոտ խորհրդակցության։

Ազգային ժողովի խորհուրդը մի մարմին է, որին անդամակցում են Ազգային ժողովի նախագահն ու փոխնախագահները, երեք խմբակցությունների ղեկավարները, մեկ խմբակցության քարտուղար, ԱԺ մշտական հանձնաժողովների նախագահները՝ փաստացի Ազգային ժողովի ղեկավար կազմը։

Կարծում եմ՝ կառավարման խորհրդարանական համակարգի անցման տարի հայտարարված 2018 թվականը այդ հայտարարության ոգուն եւ տրամաբանությանը հակասող հավաքով սկսելը կասկածի տակ է դնում կառավարման խորհրդարանական համակարգի անցնելու առանց այն էլ կասկածելի գործընթացը։ Որեւէ մեկը իրավունք չունի եւ չպետք է հնարավորություն ունենա Ազգային ժողովի խորհրդին «իր մոտ կանչել» եւ նման գործելակերպը վիրավորական եմ համարում երկրի բարձրագույն օրենսդիր մարմնի համար։

Ելնելով վերը նշվածից՝ բոլորիդ կոչ եմ անում չմասնակցել վերը նշված խորհրդակցությանը։ Եթե կա ԱԺ խորհրդի հետ որեւէ հարց քննարկելու անհրաժեշտություն, Սերժ Սարգսյանը ի՛նքը պետք է ԱԺ խորհրդին հարմար ժամանակ ներկայանա Ազգային ժողով։

Կանխավ շնորհակալություն։

ՆԻԿՈԼ ՓԱՇԻՆՅԱՆ

ՀՀ ԱԺ ԵԼՔ խմբակցության ղեկավար»:

Տպել
3593 դիտում

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն