Երևան
17 °C
Տպագրվել է «Հայկական Ժամանակ» օրաթերթի՝ 2005 թվականի հունվարի 14-ի համարում
Ադրբեջանի հասարակական քաղաքական շրջանակներում մեծ արձագանք է ստացել «Ղարաբաղի ազատագրման կազմակերպության» մշակած Ղարաբաղի ազատագրման ռազմական գործողությունների պլանը, որն, ինչպես տեղեկացրել էինք, այս կազմակերպությունը հանձնել էր Ադրբեջանի իշխանություններին, ընդդիմությանը եւ հասարակական կազմակերպություններին: «Ազերնյուզ» լրատվական գործակալությունը երեկ մի հրապարակում էր տարածել, որտեղ մեջբերված էին ռազմական գործողությունները վերսկսելու վերաբերյալ ադրբեջանցի քաղաքական գործիչների տեսակետները, նաեւ ՀՀ-ի եւ Ադրբեջանի ռազմական հնարավորությունների համեմատական վերլուծությունը:
Ըստ այդմ, ադրբեջանցի քաղաքական վերլուծաբան Մուբարիզ Ամադօղլուն հավանություն է տվել «ՂԱԿ»-ի պլանին եւ նշել է, որ եթե 2005-ին հակամարտության կարգավորման գործում դիվանագիտական հաջողություն չգրանցվի, ադրբեջանցիները կընտրեն ռազմական լուծման տարբերակը: Հետաքրքիր է, որ այս վերլուծաբանի կարծիքով՝ Հայաստանը, թեեւ 2004 թվականի սկզբին մերժել է խնդրի լուծման «փուլային» տարբերակը, տարվա վերջին արդեն սկսել է հավանություն տալ դրան: Իր այս տեսակետը Ամադօղլուն հիմնավորել է նրանով, որ ՀՀ ԱԳ փոխնախարար է նշանակվել «փուլայինի» մասնագետ Արմեն Բայբուրդյանը, ինչը նշանակում է, որ ՀՀ-ն, միջազգային հանրության եւ Ադրբեջանի ակտիվ դիվանագիտության ճնշումներին տեղի տալով, փոփոխություններ է մտցնում իր դիրքորոշման մեջ:
Վերլուծաբանը նաեւ համոզվածություն է հայտնել, որ Ադրբեջանի նախագահ Իլհամ Ալիեւն իր ուշադրության կենտրոնում է պահում ոչ միայն բանակցությունները, այլեւ հարցի լուծման այլ եղանակներ: Այդ է վկայում այն, որ 2004-ի ընթացքում Ադրբեջանն ամեն ինչ արել է իր բանակն ուժեղացնելու համար, իսկ 2005-ի բյուջեով 250 մլն դոլար տրամադրված է երկրի զինված ուժերին: Այնուամենայնիվ, ոչ բոլոր քաղաքական ուժերն են, որ հավանություն են տվել «ՂԱԿ»-ի մշակած ռազմական գործողությունների պլանին: «Նոր Ադրբեջան» կուսակցության անդամ Այդին Միրզազադան կարծիք է հայտնել, որ եթե Ադրբեջանի իշխանությունները հրաժարվեն խաղաղ բանակցություններից, դա կհանգեցնի միջազգային հանրությունից Ադրբեջանի մեկուսացմանը:
«Աշխարհն այսօր այլ սկզբունքների վրա է հիմնված, եւ ես համոզված եմ, որ Ադրբեջանի կառավարությունն այսօր ճիշտ ուղու վրա է»,-ասել է նա: Ռազմական գործողությունների վերսկսմանը դեմ է արտահայտվել նաեւ ընդդիմադիր «Մուսավաթ» կուսակցության նախկին նախագահը, որը նշել է, որ իրենց կուսակցությունը կարծում է, որ խաղաղ բանակցությունները դեռեւս սպառված չեն, եւ թշնամությունը պետք է վերականգնվի միայն այն ժամանակ, երբ հստակ կլինի, որ հնարավոր չէ հասնել խնդրի խաղաղ կարգավորման: Իսկ ահա իշխանամետ «Անա Վաթան» կուսակցության նախկին նախագահի կարծիքով՝ «ՂԱԿ»-ի մշակած պլանը պետք է հատուկ ուշադրության արժանացնել:
«Այս պահին Ադրբեջանի կառավարությունը այս բոլոր գործընթացները իր վերահսկողության տակ է պահում: Սակայն ձգձգված հակամարտությունը ստիպում է, որ Ադրբեջանի ժողովուրդը ամեն ինչի պատրաստ լինի: Այդ պատճառով շատերը տարբեր ճանապարհներով զենք են ձեռք բերում եւ ցանկանում են պարտիզանական շարժում սկսել»,-նշել է նա: Ռազմական գործողությունների վերսկսումը հարցի լուծման միակ ճանապարհ են համարել նաեւ Ադրբեջանի նախկին պաշտպանության նախարար, գեներալ Զաուր Ռզաեւը եւ նախկին փոխնախարար, գնդապետ Թելմար Մեհդիեւը: Վերջինիս կարծիքով՝ Ադրբեջանի ժողովուրդը հոգնել է խաղաղ բանակցային գործընթացից եւ պետք է կռվի թշնամու հետ, բացի այդ, ըստ նրա՝ Ադրբեջանի բանակը ի վիճակի է ազատագրել հողերը եւ պարտության մատնել թշնամուն: «Ադրբեջանի բանակը ցույց է տվել իր հզորությունը Հայաստանին՝ 1994 թվականին գրավյալ տարածքների մի մասն ազատելով»,-ասել է նա:
Հրապարակման վերջին հատվածը վերաբերում է հնարավոր պատերազմի հնարավոր ելքերին եւ սկսվում է այսպես. «Ադրբեջանցիներին միշտ ոգեշնչել է հայրենի հողերի համար կռվելու եւ գրավյալ տարածքներն ազատագրելու միտքը: Ադրբեջանի ժողովուրդը հավատում է, որ պատերազմը դեռ ավարտված չէ, եւ որ որոշակի պատճառներով նրանք պարտվել են ճակատամարտում, բայց ոչ՝ պատերազմում, որը մղում էին ոչ թե Հայաստանի, այլ Ռուսաստանի հետ»: Այնուհետեւ նշվում է, որ Հայաստանը առանց Ռուսաստանի ուղղակի աջակցության եւ ներգրավվածության չէր կարող հաղթել այս պատերազմում: Ինչ վերաբերում է նոր պատերազմին, ապա նշվում է, որ Ադրբեջանը բոլոր հիմքերն ունի վստահ լինելու, որ ինքը հաղթելու է:
Այսպես. ըստ Ադրբեջանի ռազմական փորձագետների՝ Հայաստանն ունի 61 հազար զինծառայող, որից 15 հազարը այս պահին գտնվում են գրավյալ տարածքներում: Ադրբեջանն ունի 155 հազար զինծառայող, ինչը 2,5 անգամ ավելի է Հայաստանի բանակից: «Հայաստանի ռազմական հնարավորություններն Ադրբեջանի հնարավորություններից ավելի մեծ էին 7-8 տարի առաջ, երբ Հայաստանին մատակարարվում էր ռուսական զինամթերքի մեծ քանակ: Սակայն Ադրբեջանն այսօր բալանսավորված սպառազինություն է ձեռք բերել, ուժեղ ավիացիայով՝ 100 ռազմական ինքնաթիռ եւ 50 ուղղաթիռ»,-գրված է հրապարակման մեջ:
Աննա Հակոբյան
Զովունիում մեքենաներ են բախվել
Առաջարկվում է շրջիկ առևտուր իրականացնել նաև համայնքներում․ տարածքները կսահմանի ավագանին
Բերման է ենթարկվել Սուրեն Պետրոսյանը
ԱԽ քարտուղարը Ռուսաստանի Դաշնություն չի մեկնի
Եթե իրավիճակը Տավուշում շիկանա, օրենքը թույլ Է տալիս ՀՀ տարածքի որոշակի մասում արտակարգ ռեժիմ հայտարարել. Խալաթյան
Ուկրաինայի պաշտպանության փոխնախարարը պաշտոնանկ է արվել
Սահմանազատման գործընթացի մեկնարկի ամենակարևոր կետը սկզբունքի համաձայնեցումն է, որից Ադրբեջանը խուսափում էր․ Խանդանյան
Բռնցքամարտի ԵԱ․ Անուշ Գրիգորյանը կիսաեզրափակչում է
ԱՄՆ պետդեպարտամենտը զեկույցով արձանագրել է հայերի նկատմամբ Ադրբեջանի կողմից մարդու իրավունքների խախտումների դեպքերը
Հայաստան եկած ռուս խաղաղապահները վերադարձել են Լեռնային Ղարաբաղ․ «Ազատություն» (տեսանյութ)
Կարմրուկի համաճարակային իրավիճակը ուշադրության կենտրոնում է․ Անահիտ Ավանեսյանը խորհրդակցություն է անցկացրել
Պարույր Հովհաննիսյանը Արգենտինայի դեսպանին է ներկայացրել Հայաստանի և Ադրբեջանի միջև ընթացող խաղաղության գործընթացը
Նախագահը Քյուրքչյանին և FASTEX-ի տնօրենին մանրամասներ է հայտնել Հայաստանի և Ադրբեջանի միջև սահմանազատման գործընթացից
Վստահ եմ՝ բարձր կպահեք դատարանի հեղինակությունը․ նախագահի նստավայրում տեղի է ունեցել դատավորների երդման արարողություն
Իջևանի «Մայիսյան կամուրջ» ընկերության հանրային սննդի օբյեկտի գործունեությունն անհապաղ կասեցվել է (լուսանկարներ)
Վարչապետն ու Ժիլբեր-Լյուկ Դըվինազը մտքեր են փոխանակել «Խաղաղության խաչմերուկ»-ի շուրջ, անդրադարձել սահմանազատմանը
ՄԻՊ-ը մշտադիտարկում է Տավուշում հավաքի ժամանակ ավտոմեքենայի բազմության մեջ մխրճվելու և 1 անձի վնասվածք ստանալու լուրերը
ՁՊՎ-ում հայտնաբերվել է օրեր առաջ զոքանչին ծանր մարմնական վնասվածք պատճառելու համար ձերբակալված տղամարդու կախված մարմինը
Բրիտանական ԶԼՄ-ների ներկայացուցիչները Ջերմուկում են, քննարկվել է բնակչության հոգեբանական վիճակը․ Արսենյան (լուսանկարներ)
Վիճաբանության ժամանակ որդին մոր ներկայությամբ դանակով հարվածներ է հասցրել հորը, սպանել․ 38-ամյա տղամարդը կալանավորվել է
Կրթական ոլորտում կան շատ խնդիրներ, որոնք հետևողականորեն պետք է լուծվեն, կողմ եմ Ակադեմիական քաղաքի կառուցմանը. Դումանյան
Սա գրվող պատմություն է մի նոր․ Սիմոնյանի գրառումը Տավուշ-Ղազախ հատվածում տեղադրված առաջին սահմանային սյան վերաբերյալ
Պետք է այս մեծ, բարդ խաղում լուծել, թե ինչպես «2,5 գյուղ սահմանագծի դեմ» բանաձևում ստանանք այն, ինչ մերն է․ Սաֆարյան
Ինչու են ռուս խաղաղապահները ժամկետից շուտ լքում Լեռնային Ղարաբաղը․ Ալիևը մանրամասնել է
Եթե ՀԱԵ-ն ծփում է պետականամետ հոգևորականներով, ինչո՞ւ հազար տարի ղեկավարելով ժողովրդին՝ պետություն չստեղծեցին․ Միսկարյան
Հայաստան-Ադրբեջան շփման գծի մի փոքր կտոր դարձավ բոլորի կողմից ճանաչված սահման․ Իոաննիսյան
Ադրբեջանը չի նախատեսում անդամակցել ԵԱՏՄ-ին, սակայն սերտ գործընկերություն ունի անդամ բոլոր երկրների հետ, բացի ՀՀ-ից․ Ալիև
Հայտնի է՝ երբ տեղի կունենա Պուտինի երդմնակալությունը
Հենրիխ Մխիթարյանը Իտալիայի չեմպիոն դառնալուց հետո գրառում է արել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 23-ին
Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը․ վարչապետ (լուսանկար)
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում տեղադրվել է առաջին սահմանային սյունը
Մենք տուն չենք տալիս թշնամուն, հանձնաժողովը սահման է գծելու․ Վահե Ղալումյան
Ինչ են քննարկել Պուտինն ու Ալիևը Մոսկվայում. մանրամասնել է Հաջիևը
Մենք այժմ ընդհանուր պատկերացում ունենք, թե ինչպիսին պետք է լինի խաղաղության համաձայնագիրը. Ալիև
Նիկոլ Փաշինյանի գլխավորությամբ կառավարությունում տեղի է ունեցել խորհրդակցություն (լուսանկարներ)
Բաքուն համաձայնել է Ադրբեջանի և Հայաստանի արտգործնախարարների հանդիպմանը Ղազախստանում
ՎՏԲ-Հայաստան Բանկը համալրել է ավանդային պրոդուկտները ֆիզիկական անձանց համար
Քննարկվել է EuroPris-ին Հայաստանի անդամակցության հնարավորությունը
ՀՀ ավտոճանապարհներին 1 օրում տեղի ունեցած պատահարների հետևանքով 21 մարդ ստացել է վնասվածքներ
© 2024 Հայկական ժամանակ