Ջրաշենի բժշկիչ համարվող Սուրբ Կարմիր Ավետարան մատուռ-եկեղեցին օծվել ու նորից գործում է

Ջրաշենը Գուգարաց թեմի  այն համայնքներից է, որտեղ 1988թ. երկրաշարժի հետեւանքով ամբողջությամբ խոնարհվել էր գյուղի եկեղեցին եւ դադարել էր գործել: Հուրախություն Ջրաշեն համայնքի բնակիչների, հունվարի 13-ին, Գուգարաց թեմի առաջնորդ Տեր Սեպուհ արքեպիսկոպոս Չուլջյանի ձեռամբ, օծվեց համայնքի նորակառույց Սուրբ Կարմիր Ավետարան մատուռ-եկեղեցին:

Մատուռ-եկեղեցու կառուցման եւ կահավորման բարերարությունը ստանձնել էր թիֆլիսաբնակ հայ գործարար, նախկին ջրաշենցի Մյասնիկ Գալստյանը: Այս մասին տեղեկացնում է Լոռու մարզպետարանի տեղեկատվության եւ հասարակայնության հետ կապերի բաժինը:

Նորակառույց մատուռ-եկեղեցում պատարագիչն էր Սպիտակի եւ տարածաշրջանի հոգեւոր հովիվ Տեր Օվսե քահանա Հովհաննիսյանը: Օծման արարողությանը ներկա էին տարածաշրջանի քահանա հայրերը՝ Տեր Ատոմ քահանա Ասատրյանը, տեր Վահան քահանա Ազարյանը եւ Տեր Օհան ավագ քահանա Լուսարարյանը, բարերարի ընտանիքը, Լոռու փոխմարզպետներ Հովհաննես Թադեւոսյանը եւ Տիգրան Բադոյանը, համայնքապետեր եւ ուխտավորներ: 
Օծման ավարտին՝  մատուռ-եկեղեցում առաջին անգամ մատուցվեց Սուրբ պատարագ, որի ավարտին Սրբազան Հայրն օրհնեց բարերարին եւ խրատեց ու հորդորեց ներկաներին, որ ազգային-եկեղեցական տոներին ու քրիստոնեական բարոյական արժեքներին հավատարիմ մնան, քանի որ դրանք մեր ինքնության հիմնարար սյուներն են: Շնորհակալության եւ գնահատանքի խոսք ասաց եւ հին եւ նոր կտակարանների արեւելահայերեն թարգմանությամբ Աստվածաշունչ մատյան նվիրեց մատուռ-եկեղեցուն: 

Բարերարն իր ընտանիքի կողմից մատուռ-եկեղեցուն նվիրաբերեց նաեւ «Վերջին ընթրիքը», «Մկրտություն», «Համբարձում», «Աստվածածինը՝ մանուկ Հիսուսը գրկում» եւ «Խաչելություն» սրբապատկերները: 
Արարողությունների ավարտին՝ նորաօծ մատուռ-եկեղեցում Սրբազան հոր նախագահությամբ կատարվեցին նաեւ Մկրտության արարողություններ: Արարողության ավարտին բարերար Մյասնիկ Գալստյանի կողմից ներկաներին բաժանվեց ուխտի մատաղ:

Հ. Գ. Գյուղի մատուռը Կարմիր Ավետարան է կոչվել այնտեղ պահվող Կարմիր կազմով բուժող-բժշկող համարվող ավետարանի պատվին: Տարբեր ժամանակներում գյուղ այցելելով պարտադիր եկեղեցում մոմ են վառել հիվանդություն, անպտղություն, տարատեսակ խնդիրներ ունեցող մարդիկ: Ասում են՝ Կարմիր Ավետարանը հզոր գերբնական ուժ ունի, եւ մատուռից դուրս գալուց հետո բժշկվում են բոլոր խնդրողները, այդ մասին վկայող բազմաթիվ օրինակներ կան:

Տպել
1545 դիտում

Երևանում և 6 մարզում այսօր էլեկտրաէներգիայի մինչեւ 6 ժամյա պլանային անջատումներ կլինեն

ՀՀ Արտակարգ իրավիճակների նախարարն աշխատանքային այցով ՌԴ-ում է

Մանդելայի իդեալների ճշմարիտ ոգով մեր շարժումն աշխարհին հայտնի դարձավ. վարչապետը՝ Նյու-Յորքում

Ուրախ եմ տեսնել Ձեզ, վարչապե՛տ Փաշինյան. Կանադայի վարչապետի գրառումը թվիթերում

Կստորագրվի համագործակցության նոր ծրագիր՝ ՀՀ-ի և Բուլղարիայի կառավարությունների միջև

Լավագույնս դրսևորվեց ժողովրդի բարձր քաղաքացիական գիտակցությունը. Հայ Ազգային Կոնգրեսը շնորհավորել է «Իմ քայլ»-ին

Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում (տեսանյութ)

Երեւանի ավագանու արտահերթ ընտրություններում գրանցված խախտումների ամփոփագիր

ՎՏԲ Հայաստան Բանկը գործարկել է ինտերնետ էկվայրինգ ծառայություն

Քվեաթերթիկները լրացրել են քվեախցերից դուրս, խցում մի քանի անձ է եղել. «Անկախ դիտորդ»-ի եզրակացությունները

Ռոբերտ Քոչարյանը դատի է տվել Նիկոլ Փաշինյանին

ՄԱԿ-ի կենտրոնակայանում Նիկոլ Փաշինյանը հանդիպել է Ռուանդայի նախագահի հետ

Քաղաքական գործիչների տիկնայք չպետք է խորհուրդներ տան ամուսիններին. Աննա Հակոբյան

Այս անգամ չկային ՀՀԿ-ականների տասովշիկների բրիգադները, քրեական խավը ներգրավված չէր ընտրությունների մեջ. դիտորդներ

Վանաձորի ՀՀԿ-ական քաղաքապետն ու ավագանին շնորհավորել են Հայկ Մարությանին

Հայաստանի վարչապետն ու Կիպրոսի նախագահը Նյու Յորքում հանդիպել են. վարչապետը հրավիրվել է Կիպրոս

Ն. Փաշինյանը ՄԱԿ-ի գլխավոր քարտուղարի հետ խոսել է ՀՀ-ում արտահերթ խորհրդարանական ընտրությունների անցկացման մասին

Հայտնում ենք մեր պատրաստակամությունը՝ օգնել նոր քաղաքային իշխանություններին. Արարատ Զուրաբյան

ՖԻՖԱ-ն ու ՈՒԵՖԱ-ն իրենց աջակցությունը հայտնեցին ՀՖՖ նոր ղեկավարությանը

Թուրքիայի խորհրդարանի նախագահը Բաքվում անդրադարձել է Ղարաբաղի հարցին