«Մանչեստեր Յունայթեդի» գլխավոր մարզիչ Ժոզե Մոուրինյոն հասկացնել է տվել, որ կիսապաշտպան Հենրիխ Մխիթարյանը հեռանում է թիմից: Անգլիայի Պրեմիեր լիգայի 23-րդ տուրի «Ստոք Սիթիի» դեմ խաղից առաջ մարզիչը նշել էր, որ նա խաղալու է, նույնիսկ ակնարկել էր, որ մեկնարկային կազմում է լինելու: Սակայն Մխիթարյանը չկար անգամ այս գիշեր կայացած հանդիպման հայտացուցակում (ՄՅՈՒ-ն հաղթեց 3:0): Մոուրինյոն բացատրել է՝ ինչով է դա պայմանավորված:

«Կստեմ, եթե ասեմ, որ դա միայն տակտիկական որոշում է եղել: Հանդիպման համար ընտրեցինք այն խաղացողներին, որոնք գիտենք, որ 100%-ով կենտրոնացած են «Մանչեստեր Յունայթեդի» վրա: Չեմ կարծում, որ ֆուտբոլիստի համար հեշտ է խաղալ, երբ կասկածներ կան նրա ապագայի վերաբերյալ: Դա լրացուցիչ ճնշում է, ինչն ավելորդ է խաղացողի համար, հետեւաբար կարծում եմ՝ սա ե՛ւ նրա, ե՛ւ մեզ համար լավագույն որոշումն էր. պաշտպանել նրան, քանի դեռ կասկածներ կան»,- մասնագետի խոսքերն է փոխանցում բրիտանական Sky Sports-ը:

Մի քանի շաբաթ է՝ լրատվամիջոցները նշում են, որ «Յունայթեդը» պատրաստվում է Մխիթարյանին ընդգրկել «Արսենալի» հարձակվող Ալեքսիս Սանչեսի տրանսֆերի մեջ: Մոուրինյոն չի բացառում, որ իրավիճակը հենց այդպիսի հանգուցալուծում կարող է ունենալ:

«Մխիթարյանը խաղացող է, որին ես հավանում եմ, բարձր որակներ ունի: Հնարավո՞ր է, որ ընդգրկվի այլ ֆուտբոլիստի տրանսֆերային գործարքի մեջ: Դա հնարավոր է, բայց նաեւ հնարավոր է, որ նա մնա: Ես պարզապես փորձում եմ պաշտպանել նրան ու թիմին, հետեւաբար եկեք սպասենք մինչեւ հստակություն կլինի»,- ասել է նա:

Մարզիչն ամփոփել է Մխիթարյանի՝ ընթացիկ մրցաշրջանի խաղը: Նաեւ հիշեցրել է, որ նախորդ մրցաշրջանում կիսապաշտպանը կարեւոր ներդրում է ունեցել «կարմիր սատանաների» հաջողություններում:

«Նա շատ լավ սկսեց այս մրցաշրջանը, սակայն ընթացքում նրա խաղը մի փոքր խամրեց: Անցած մրցաշրջանում նա հրաշալի բաներ արեց մեզ համար եւ օգնեց հաղթել Եվրոպա լիգայում լինելով թիմի ամենակարեւոր խաղացողներից մեկը: Եկեք տեսնենք՝ ինչ կլինի»,- ասել է նա:

Մխիթարյանի հեռանալու մասին խոսում են այն պահից ի վեր, ինչ 2017-ի նոյեմբերին նա կորցրեց տեղը մեկնարկային կազմում: Ավելի վաղ նրա հնարավոր ապագա թիմերի թվում նշվում էին «Ինտերը», «Յուվենտուսը», «Լիվերպուլը»:

Տպել
3039 դիտում

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան

ՊԵԿ-ն անհիմն, առանց ապացույցի տեղեկատվություն է հրապարակել. «Գազպրոմ Արմենիա»-ն հերքում է

ՀՀԿ համամասնական ցուցակը ամբողջությամբ

Ռոբերտ Քոչարյանը Սիլվա Համբարձումյանից նաեւ 2 միլիոն է պահանջում. դատավորի անունը հայտնի է

Արտահերթ խորհրդարանական ընտրություններին մասնակցելու հայտ է ներկայացրել 11 քաղաքական ուժ

ՀՀ նախագահի հրամանագրով Երեւան քաղաքի առաջին ատյանի դատարանը նոր դատավոր ունի

ԲՀԿ համապետական ցուցակի առաջին տասնյակը. այն գլխավորում է Գագիկ Ծառուկյանը

ՀՅԴ համապետական ցուցակը ամբողջությամբ. այն գլխավորում է Արմեն Ռուստամյանը

6-րդ գումարման ԱԺ-ի հարցուպատասխանը եզրափակվեց փոխադարձ կոմպլիմենտներով. Փաշինյանն ու Բաբլոյանը հին օրերն էին հիշել

Վթարի ենթարկված բալետի 23-ամյա արտիստի մոտ դրական դինամիկա է նկատվում

Որոշում եմ կայացրել չմասնակցել գալիք խորհրդարանական ընտրություններին. Արգամ Աբրահամյան