Սոցալական բունտի նախապայման չկա, գնաճը բնականոն երեւույթ է. վարչապետի նախկին խորհրդական

«Ես կողմնակից եմ, որ գնաճը բնականոն երեւույթ է եւ կա վիճակագրություն, որ նախորդ տարիների գնաճն ավելի է եղել, քան արձանագրված է այս տարվա ընթացքում: Պետք է տարանջատել գնաճի օբյեկտիվ եւ սուբյեկտիվ երեւույթները, ուսումնասիրել ամբողջ դաշտը եւ լուծումներ գտնել: Կարծում եմ, որ պետք է ավելի շատ զսպման մեխանիզմներ մշակել: Զարգացող երկիր ենք, գնաճը դինամիկ պրոցես է, որը երբեմն անխուսափելի են դարձնում այդ երեւույթները»,- «Հայկական ժամանակ»-ի հարցին, թե ինչպե՞ս պետք է պայքարել տարեսկզբից սկսված գնաճի դեմ, ասաց ՀՀԿ խմբակցության պատգամավոր, վարչապետի նախկին խորհրդական Շուշան Սարդարյանը:

«ՀԺ»-ի դիտարկմանը, թե կան տնտեսագիտական կարծիքներ, որ Հայաստանում առկա են սոցիալական բունտի բոլոր նախապայմանները՝ գնաճ, եկամտահարկի բարձրացում, աշխատավարձի նվազեցում եւ այլն, Սարդարյանը նշեց.

«Սոցիալական բունտի համար որեւէ նախապայման չկա: Հակառակը, մենք ունենք բավականին փոփոխություններ տնտեսական առումով՝ դեպի դրական, դրանք են՝ հարկահավաքման ցուցանիշ, արտահանման աճը: Ցուցանիշներ ունենք, որոնք համեմատելով կարող ենք ասել, որ դրական ազդակներ ենք հաղորդում տնտեսական վիճակին: Բնական է, որ հանրությունը միանգամից չի զգում այդ ազդակները, որովհետեւ հանրությունն իր պարունակությունը կարող է զգալ իր սառնարանի պարունակությամբ, ապա գրպանի պարունակությամբ, բայց կան լավ նախադրյալներ, որ կունենանք դրական փոփոխություններ»,- նշում է Սարդարյանը:

2018 թվականի բյուջեի քննարկումների ժամանակ, երբ խորհրդարանի ընդդիմադիր թեւն ասում էր, որ 2018-ին ավելի վատ ենք ապրելու, ֆինանսների նախարարը հակառակն էր պնդում, բայց փաստորեն նախորդ տարվանից գնաճը կանգ չի առնում: Սարդարյանից հետաքրքրվեցինք, թե այդ լավ ապրելն ինչպե՞ս է դրսեւորվում եւ ո՞ւմ վրա է ազդում:

«Վառելիքի գնաճն ինքնին գնագոյացման հիմք է տալիս, բայց կրկնում եմ, որ իշխանությունները մտահոգ են այս խնդրով եւ որոշակի լուծումներ են առաջարկում: Նախագահի մոտ խորհրդակցություն հրավիրվեց, իսկ առաջիկայում էլ լսումներ տեղի կունենան: Համոզված եմ, որ լուծումներ կգտնվեն»,- ասաց Շուշան Սարդարյանը:

Հարցին, թե՝ նախորդ տարվա այս ժամանակահատվածում էր Սարդարյանը լավ ապրո՞ւմ, թե՞ այս տարվա նույն ժամանակահատվածում, պատգամավորն ասաց.

«Ես բոլոր քաղաքացիների նման ունեմ իմ խնդիրները, հոգսերը: Եթե ասեմ, որ շատ էական տարբերություն կար, շատ էական տարբերություն չկար: Կա որոշ ապրանքների մասով գնաճ եւ որոշակի ապրանքների մասով գնի նվազեցում: Այսինքն՝ այս համադրության մեջ պետք է տեսնել ամեն ինչ եւ առաջին անհրաժեշտության ապրանքների մասով ունենք գների նվազեցում»,- եզրափակեց Շուշան Սարդարյանը:

Տպել
1262 դիտում

Կարկտահարություն եւ հոսանքազրկում Գյումրիում

Արսեն Թորոսյանը Քաղաքացիական պայմանագիր կուսակցության անդամ է դարձել

ՎՏԲ-Հայաստան Բանկը ներկայացնում է նորացված Մոբայլ և Ինտերնետ բանկ ծառայությունները

Որոշումը վերջնական է. Գյումրիում վաղը հանրահավաք չի լինի

Ներդրեք ՀՀ դրամով ավանդներ ՎՏԲ-Հայաստան Բանկում 10% տոկոսադրույքով

Ucom-ի աջակցությամբ Արցախում կայացավ Դիջիքեմփ 2018-ը

Նախապես ծրագրված սպանդ. Մարտի 1-ի տասը զոհերի մահվան հանգամանքները

Օգոստոսի 17-ին ակտիվորեն մասնակցեք վարչապետ Փաշինյանի հանրահավաքին. Ազատամարտիկների դաշինք

Կարկուտն Ազատանում 8000 տոննայից ավելի կարտոֆիլ է ոչնչացրել

Քայլերթ, հեծանվաերթ, գույներ. YIC-ն Գյումրիում տոնել է Երիտասարդների միջազգային օրը

Կոչ օգոստոսի 17-ի հանրահավաքի կապակցությամբ

ՎՏԲ -Հայաստան Բանկը սահմանել է անվանական կրթաթոշակ լավագույն ուսանողի համար  

Ոստիկաններն առևանգել են Ռ. Քոչարյանին Հաագայի դատարանին հանձնելու ստորագրահավաքի բլանկները

ՇՊՀ նախկին պրոռեկտոր Անահիտ Ֆարմանյանին կալանավորելու որոշում է կայացվել,նա հետախուզվում է

Լեւոն Բարսեղյանն ընտրվել է ՇՊՀ հոգաբարձուների խորհրդի նախագահ

Տեսանյութ. Սուրեն Փ.-ն միացավ մեր բարեգործական ծրագրին

Ողբերգական ավտովթար Լոռիում. ՊՆ զինծառայող է մահացել (լուսանկարներ)

Մարտի 1-ի գործով կատարված խուզարկությունից հետո ձերբակալվել է Հովիկ Աբրահամյանի եղբայրը

Ոստիկանական բարձր մակարդակի ստեր. Մարտի 1

Բացառիկ ընտրություններ ենք ունենալու. ՀՀ ոստիկանապետ