Սա ոչ թե շարքային գողություն է, այլ փողերի լվացում. հաճախորդ

Հունվարի 1-ին Վանաձորի «Սեֆ» վարկային կազմակերպությունից կատարված գողությունից տուժած հաճախորդները շարունակում են դժգոհել ընկերության առաջարկած փոխհատուցման պայմաններից: Արդեն իսկ հայտնի է, թե որ հաճախորդի ոսկեղենն է գտնվել հայտնաբերված ոսկեղենի մեջ, իսկ այն մարդկանց, ում ոսկիները դեռեւս կորած են համարվում, ընկերությունը երկու տարբերակ է առաջարկում՝ կամ ստորագրել համաձայնագիրն ու որպես փոխհատուցում վերցնել պայմանագրով նշված գումարը, կամ էլ լրացնել բողոք-դիմում, որով չեն համաձայնվում բանկի առաջարկած գնահատմանն ու փոխհատուցմանը:

«Սեֆ Ինթերնեյշնլ» ունիվերսալ վարկային կազմակերպության տնօրենի ժամանակավոր պաշտոնակատար Արսեն Քուչուկյանը «Հայկական ժամանակ»-ի հետ զրույցում նշեց, որ հաճախորդները արդեն իսկ տեղեկացվել են իրենց ոսկեղենի լինել-չլինելու մասին: Անդրադառնալով փոխհատուցման պայմաններին՝ Քուչակյանը նշեց. «Գոյություն ունի ընթացակարգ, որտեղ ամեն ինչ նշված է, գնացեք ծանոթացեք»,- ասաց նա: Ժամանակավոր պաշտոնակատարի խոսքով՝ արդեն իսկ կան մարդիկ, ովքեր ստորագրել են պայմանագիրն ու ստացել փոխհատուցում. «Եթե հետագայում ոսկին գտնվի, մենք պատրաստակամ ենք՝ վերադարձնել այն հաճախորդին»:

Այն հարցին՝ եթե ամեն դեպքում հաճախորդն իր ոսկեղենն է պահանջում, ի՞նչ է արվում այս դեպքում, պատասխանեց. «Դա եւս մեր ընթացակարգով նախատեսված է, եթե համարում եք, որ պետք է սպասեք ու ստանաք ձեր ոսկեղենը, ուրեմն պետք է մոտենալ գրասենյակ, ծանոթանալ տարբերակներին ու բողոք-դիմումը լրացնել»,- նշեց տնօրենը, վստահեցնելով, թե իրենց կողմից արվում է հնարավորը՝ հաճախորդների համար բավարար պայմաններ առաջարկելու համար:

Առաջարկվող բավարար պայմաններից գրեթե բոլոր հաճախորդներն են դժգոհ, նրանցից շատերը կարծում են, որ ընկերությունը այս կերպ «քցել է» իրենց, վճարում են ցածր փոխհատուցում, մինչդեռ ոսկիները հետագայում շատ ավելի թանկ գնով կվաճառեն: Հաճախորդների շրջանում կարծիք է ձեւավորվում նաեւ, որ այս ամենը ոչ թե «շարքային» գողություն է, այլ փողերի լվացում, որի մեջ «վերեւների» մատն էլ է խառը: Իսկ այս գողությունը բեմադրվել է հենց այդ նպատակով, հակառակ դեպքում, այս ամենը նման «էժանագին սցենարով չէր իրականացվի»: Ստեղծված իրավիճակում հաճախորդները շարունակում են պայմանագրով սահմանված կարգով կատարել իրենց ամենամսյա վճարումները, որպեսզի հետագայում չհայտնվեն սեւ ցուցակում, մինչդեռ վճարում են մի բանի համար, որը վաղուց իրենցը չէ:

Հաճախորդներից մեկի եւ ընկերության միջեւ կնքված պայմանագրի 2.2.1 կետն ասում է. «Ապահովված պարտավորություններն ամբողջությամբ կատարելու դեպքում հաճախորդն իրավունք ունի հետ ստանալ գրավադրված գույքը», մինչդեռ այսօր գույքը չկա, իսկ փոխհատուցման այլ տարբերակների մասին պայմանագրում որեւէ կետ նշված չէ: Այս դեպքում, փաստորեն, ընկերությունն ինքն է խախտում պայմանագիրը, որն իր հերթին պատասխանատվություն է ենթադրում:

Մեկ նկատառում եւս. ինչ-որ մարդիկ լուրեր են տարածել, թե ընկերությունը դատական պրոցեսից հետո գուցե սնանկ ճանաչվի, եւ տուժած հաճախորդներին առաջարկվում է՝ «քանի շուտ» է, վերցնել գոնե առաջարկվող փոխհատուցումը, որպեսզի սնանկ ճանաչվելուց հետո դրանից էլ չզրկվեն:

Գուցե այս ամենն իրականում արվում է, որպեսզի հաճախորդներն իսկապես համաձայնվեն առաջարկվող փոխհատուցմանը, վերցնեն գումարն ու գործերը փակվեն: Այս ամենի ֆոնին վարկային կազմակերպության ղեկավարությունը շարունակում է հույսեր կապել իրավապահ համակարգի հետ, վստահ լինելով, թե գողացված ոսկեղենի մյուս մասն էլ է հայտնաբերվելու: Իսկ թե իրականում ինչ ընթացք կստանա այս ամենը ու ով տուժող կամ շահող կդառնա՝ ցույց կտա ժամանակն ու քննությունը, որը դեռեւս տարիներ կտեւի:

Տպել
3317 դիտում

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը

Մշակույթի նախարարությունը Վահագն Մարգարյանի հիշատակին հուշ երեկո է կազմակերպելու

Արտակ Զեյնալյանը խորհրդակցություն է անցկացրել Քրեակատարողական ծառայության ղեկավարների հետ

Թաեքվոնդոյի ֆեդերացիայում հնարավոր իրավախախտումների վերաբերյալ քրգործ է հարուցվել. Խաչիկյան

Հնարավոր է ԳԹԿ-ն շտեմարաններ տպագրի. պահանջարկը մեծ է

Նոյեմբերի 21-ի դրությամբ` համաներմամբ ազատ է արձակվել 509 դատապարտյալ

ԱՊՀ անդամ երկրների ԱԽ քարտուղարների հանդիպմանը Ա. Գրիգորյանն անդրադարձել է ահաբեկչության դեմ պայքարին

Մհեր Մկրտչյանը Ֆրունզիկ Մկրտչյանի մասին ֆիլմ է նկարահանելու. այլեւս չի վախենում տապալումից

Չխառնել աշխատանքն ու քաղաքական գործունեությունը. քաղաքապետը հանդիպել է դպրոցների տնօրենների հետ

Երեխաները Հայաստանի Հանրապետության ամենաարժեքավոր քաղաքացիներն են. Արմեն Սարգսյան

Ոգեւորված եմ խաղաղության հաստատմանն ուղղված Ձեր կոչից. Կարին Մարմսոլերին՝ Աննա Հակոբյանին

Մի քանի հարյուր հազար դոլարի փոխանցում եւ հանձնառություն. «Իմ Քայլը» հիմնադրամի մոսկովյան այցի արդյունքները

Ներքին ճգնաժամ ՀԱՊԿ-ում. Բելառուսի սկանդալային դիվանագիտությունը

ԻՐԻՆԱ. քաղցկեղի դեմ պայքարի պատմություն

«Շերեմետեւո»-ում մահացած հայ տղամարդը փորձել էր մտնել ինքնաթիռի շասսիի մեջ