Սրտանոթային հիվանդները լավ կանեն պաշտպանվեն սուր շնչառական վարակներից. ՀՀ գլխավոր սրտաբան

Հայաստանի բնակիչները տեսնում են, որ այս ձմռանը դիտվող եղանակային պայմանները գարուն են հիշեցնում, իսկ օդերեւութաբանները դա հաստատում են՝ մասնավորապես նշելով, որ օդի ջերմաստիճանն այս ընթացքում բարձր է եղել կլիմայական միջինից ընդհուպ մինչեւ 10 աստիճանով:

Տարածվող տեղեկությունների համաձայն, առկա ջերմային ֆոնը բացասաբար է անդրադառնում սրտանոթային հիվանդություններ ունեցող մարդկանց առողջության վրա ու նաեւ մեծացել է այդ կապակցությամբ բուժհաստատության դիմողների թիվը: ՀՀ առողջապահության նախարարության գլխավոր սրտաբան Համլետ Հայրապետյանը տագնապ հնչեցնելու անհրաժեշտություն չի տեսնում: Ու թեպետ հիվանդների դիմելիության աճ, ըստ նրա, նկատվում է, բայց դա ավելի շուտ հետտոնական շրջանում դիտվող սովորական երեւույթ է, քան թե եղանակով պայմանավորված:

Մեր հարցին, թե գարնանը համապատասխանող այս եղանակը վտանգ ներկայացնո՞ւմ է սրտանոթային հիվանդների համար, եւ գուցե պետք է դա կանխելու նպատակով ինչ-որ միջոցնե՞ր ձեռնարկել, հանրապետության գլխավոր սրտաբանը պատասխանեց. «Այս պահի դրությամբ գոնե ես վտանգ չեմ տեսնում: Բայց ժամանակը ցույց կտա՝ եղանակի ընթացքն ինչպիսին կլինի ավելի երկար ժամանակահատվածում, ինչից հետո միայն կարելի է եզրակացություններ անել: Իսկ դիմելիության աճը հետտոնական այս շրջանում սովորական երեւույթ է: Նախ՝ բավականին երկար ժամանակ ոչ աշխատանքային օրեր էին, եւ հիվանդների մի մասը չի դիմել բժիշկներին՝ կապված դրա հետ: Երկրորդ պատճառը կապված է տոնական օրերին մեր սովորության համաձայն առատ սնվելու, խմիչքը չարաշահելու հետ»,- ասաց Համլետ Հայրապետյանը:

Օդերեւութաբանները կանխատեսել են, որ հունվարի 19-ից ջերմային ֆոնը համապատասխանելու է մարտին եւ լինելու է փոփոխական եղանակ: Գլխավոր մասնագետը սրտանոթային հիվանդներին առայժմ միայն խորհուրդ է տալիս պաշտպանվել սուր շնչառական վարակներից:

«Որեւէ նախազգուշացման անհրաժեշտություն այս պահին չեմ տեսնում: Այս սեզոնին հիմնական խնդիրը կապված է լինում տարածված սուր շնչառական վարակների հետ, որը բնականաբար շատ ավելի ծանր է անդրադառնում սրտանոթային հիվանդների վրա, նրանց մոտ ավելի հաճախ հանգեցնում է թոքաբորբերի: Երբ մարդու սիրտն առողջ չէ, թոքաբորբերի զարգացման հավանականությունը շատ ավելի բարձր է: Եվ այս ընթացքում, պայմանավորված սրտանոթային խնդիրներին վարակների միանալով, թոքաբորբերի շատ դեպքեր ենք ունենում: Սրտային հիվանդների հիմնական հոսպիտալացումները կապված են թոքային ինֆեկցիաների զարգացման հետ»,- փաստեց գլխավոր սրտաբան Համլետ Հայրապետյանը:

Տպել
3783 դիտում

«Ի դեմս ՍՄԱՐԹ կենտրոնի ունենալու ենք ստեղծարար միջավայրի մի նոր օրինակ». Տիգրան Ավինյան

Բաբլոյանի ուղերձը Հանրապետության տոնի, Մայիսյան հաղթանակների, անկախության հոբելյանի առթիվ

Վարչապետն ու նախագահը տիկնանց հետ միասին ճաշել են Էլթոն Ջոնի հետ. ավարտին՝ լուսանկար

Տեսախցիկով օդապարիկը հեռակառավարվող խաղալիք է, որը կարելի է գնել խանութներում. ԱԱԾ

Էլթոն Ջոնն ու նախագահը մասնակցել են առողջական խնդիրներով երեխաների միջոցառմանը (լուսանկար)

Երեւանում բախվել են միանգամից 5 մեքենաներ, 3 մարդ տեղափոխվել է հիվանդանոց

ՀՀԿ-ի էլիտան այս տարի անտեսել է Սոգյութլուի հերոսամարտի 100-ամյա տարեդարձը

Վերեւի հարկից ջրալցվել է Երևանի Քաջազնունու փողոցի անձնագրային բաժանմունքը

Թուրքիան էլեկտրամագնիսական հրանոթներ արտադրող սակավաթիվ երկրներից է

Հայոց եկեղեցին եւ հոգեւորականը պետք է լինի հայրենյաց պաշտպանների կողքին. Գարեգին Բ

Մշակույթի նախարար Լիլիթ Մակունցը նոր ֆլեշմոբի շրջանակներում օնլայն հեքիաթ է կարդում

Թուրքիայից Հայաստան է անցել տեսախցիկներով սարքավորված օդապարիկ, ընկել Նոր Ամասիա գյուղում

Էլթոն Ջոնը այսօր Երեւանում մասնակցելու է Starkey ընկերության բարեգործական միջոցառմանը

Հույս ունեմ կարմիր լույսի տակ չկանգնող պաշտոնյաների մոտ ընդամենը թյուրըմբռնում է. վարչապետ

Ունեցանք հեղափոխություն՝ հայկական ձեւով. Ա. Սարգսյանը հանդիպել է վիրահայոց համայնքի հետ

Փակ է Գյումրի-Երեւան ճանապարհը. պահանջը՝ վերադարձնել «Շիրակ» ֆուտբոլային թիմի 12 միավորը

Երեւանում կրակոցներ են հնչել, այնուհետ դանակահարված 3 երիտասարդ հայտնվել է հիվանդանոցում

«UWC Դիլիջան» միջազգային դպրոցը կարող է լինել ոգեշնչանքի, լավատեսության կենտրոն. Փաշինյան

Ամենայն Հայոց Կաթողիկոսն ընդունեց Արգենտինայից ժամանած ուխտավորների

Լոռու մարզի դատախազները բացատրական աշխատանք են տանում դպրոցներում, անչափահասների շրջանում