Երթուղի սպասարկող 20 ընկերություն հրաժարվել է աշխատել. փոխադրողների միության նախագահ

Վերջին տարիներին Երեւան քաղաքում երթուղի սպասարկող թվով 20 ընկերություն հրաժարվել է գծերից, քանի որ շահութաբեր չի եղել, իսկ նոր թանկացումներն այդ գործընթացը շարունակական են դարձնելու: Նման կարծիք «Հայկական ժամանակ»-ի հետ զրույցում հայտնեց փոխադրողների միության նախագահ Հրանտ Եղիազարյանը՝ խոսելով գազի եւ դիզելային վառելիքի թանկացման հետեւանքների մասին:  

- Պարոն Եղիազարյան, գազի եւ դիզելային վառելիքի թանկացումից հետո Երեւանում ուղեւորափոխադրում իրականացնող ընկերություններն ի՞նչ վիճակում են: Գծատերերն ի՞նչ են ասում:

- Վիճակն օրհասական է, վատ է: Իշխանությունները ոչ մի բան չեն լուծում, գները բարձրացել են, ակցիզային հարկը բարձրացել է, մարդիկ չեն կարողանում աշխատել: Կամաց-կամաց մահանում են, ժողովուրդն էլ ստիպված պետք է սկսի ոտքով քայլել:

- Փոխադրողները ո՞նց են պատկերացնում խնդրի լուծումը: Որոշ վարորդներ երեկ Մալաթիա Սեբաստիա վարչական շրջանում գործադուլ էին հայտարարել:

- Տեղյակ եմ: Ի՞նչ անեն: Երբ որ մարդը ընկնում է խորը փոսի մեջ՝ բղավում է, ուրիշ լուծում չի տեսնում: Այդ մարդիկ էլ են բղավում, ի՞նչ անեն:

- Դուք ո՞նց եք պատկերացնում խնդրի լուծումը:

 -Ես պատկերացնում եմ ոչ թե հարկային բեռի բարձրացում, այլ հարկային բեռի զրոյացում, ես պատկերացնում եմ վառելիքի ինքնարժեքով մատակարարում ուղեւորափոխադրողներին իրենց լիմիտի չափով, ես պատկերացնում եմ պահեստամասերի գների զեղչ, անվադողերի, քսայուղերի գների զեղչ: Ես պատկերացնում եմ, որ իշխանությունները պայմաններ ստեղծեն մարդկանց համար, որ աշխատեն այնքան ժամանակ մինչեւ նոր ստեղծվող ցանցը կյանքի կկոչվի:

- Ստեղծված իրավիճակն ինչի՞ կհանգեցնի:

- Սա բերում է նրան, որ փոխադրող ընկերությունը չի կարողանում լիարժեք կատարել իր ծառայությունները: 10 մեքենա չի կարողանում տա, 9-ն է տալու, հետո դա էլ է պակասեցնում, ստացվում է, որ ժողովուրդը մնում է ոտքով: Երթուղին սպասարկողը նայում է, ասում է՝ որքան կարող եմ վնասս պակասեցնեմ: Խոսքը, ձեր բառով ասած՝ գծատերերի մասին է: Վարորդը մտածում է, թե ինչ անի, որ կարողանա տունը պահի, ժողովուրդն էլ մտածում է, որ դե 100 դրամով քշում են, թող քշեն: Սա կշարունակվի այնքան ժամանակ մինչեւ ձնագնդին սպառվի: Ձնագնդին, երբ որ ձեռից ձեռք է անցնում փոքրանում է:

- Բացառո՞ւմ եք այն սցենարը, որ երթուղիները շահագործողները բողոքի ակցիա կանեն:

- Իրենք բողոքի ակցիա չեն անելու: Մենք բողոքի ակցիաներ շատ ենք արել: 2008 թվականից սկսած բողոքի ակցիաներ շատ ենք արել, գրել ենք բոլոր իշխանավորներին, բոլոր վարչապետներին, քաղաքի եւ հանրապետության առաջին դեմքերին, բայց արդյունք չենք ստացել: Եթե մի բանից արդյունքը չես ստանում, ի՞նչ պետք է անես: Ներդրում ես կատարել, պետք է մտածես այնպես անել, որ վնասդ քիչ լինի: Այդքան բան:

- Վարորդների գործադուլն էլ իրատեսական չեք համարու՞մ:

- Ես, ճիշտն ասած, դրանից շատ եմ վախենում, կոլապս կլինի, քաղաքը կմնա առանց տրանսպորտի: Այդ վարակը շատ արագ կտարածվի: Մարդ չի կարողանա աշխատանքի գնալ, հիվանդանոց, մանկապարտեզ գնալ եւ այլն: Այսինքն՝  քաղաքը կպարալիզվի: Այդ ժամանակ շատ պայծառ գլուխներ կթրջեն ու կասեն՝ ո՞նց եղավ, սենց եղավ:

- Այդ դեպքում փոփոխություն չի՞ լինի:

- Երբ որ 100 դրամ սակագինը դարձավ 150 դրամ: Լրագրողները դարձել էին փոխադրողների թշնամին, գծատերերի թշնամին: Նկարում էին, հարցազրույցներ էին վերցնում, թե էս ի՞նչ եք անում, ժողովրդի «հերն անիծում եք»: Արվեստի մի քանի աշխատողներ իրենց ջիպերով եկան եւ սկսեցին մարդկանց փոխադրել: Այդ ճիճուներն ահավոր վնաս տվեցին, իրենք մնացին իրենց ջիպերի մեջ, իսկ այսօր գործող 20 երթուղի արդեն չի աշխատում եւ դրանցից օգտվողներն այսօր վճարում են 200 դրամ:

- Այսինքն՝ 2 տրանսպորտից են օգտվո՞ւմ:

- Այո: Դրանց թիվը 30-ից 40 հազար մարդ է: Իսկ իրենք մեր քաղաքացիները չե՞ն: Այդ արվեստի աշխատողներն ինչի՞ եկան եւ այդ մարդկանց փոխադրեցին:

- Ձեր պատկերացմամբ այս թանկացումները բերելու են նրան, որ ուղեւորափոխադրողները գծերից կհրաժարվե՞ն:

- Բայց ինչի՞ սպասարկեմ, ինձ բացատրեք՝ ինչի՞ սպասարկեմ, երբ վնասն ավելի շատ է քան օգուտը: Մեկ դրամ ունեմ կարող է այդ մի դրամի խաթր ինչ-որ բան անեմ, դա էլ զրոյացավ՝ էլ չեմ անելու: Նորմալ մտածելակերպ է, եթե դրա անունը բիզնես են դրել: Գծատերերից 20 երթուղի կամավոր փակել են: Կարո՞ղ եք ցույց տալ մի մեծ խանութ, որի տերն ասի՝ ես վաղվանից չեմ աշխատում: Ամենափոքրը հաշվենք՝ 10-ը մեքենայով գիծը փակվել է, 200 աշխատատեղ կամավոր պակասեցրել են եւ սա շարունակական է: Եթե 4 տարի է ոչ մի հատ նոր շարժակազմ ձեռք չենք բերել արդեն ահազանգ է:

Տպել
1851 դիտում

Երկու տղամարդ գնում են ԶԱԳՍ ու ասում են՝ ուզում ենք ամուսնանալ, կա՞ օրենք, որ նրանց ամուսնությունը կգրանցվի. վարչապետ

ՀՀ-ում լայն կիրառում է ունեցել «հեռախոսային արդարադատությունը». Զեյնալյանը՝ ՄԱԿ-ի հատուկ զեկուցողին

Քրեակատարողական հիմնարկները կվերանորոգվեն. կառավարությունը 270 մլն հատկացրեց

Մայրապետյանին թույլ կտան տեսակցել ընտանիքի անդամներին եւ ֆինանսավորել «Հ2»-ը. դատախազության պարզաբանումը

Կառավարության նիստերն այսուհետ դռնբաց կլինեն՝ անկախ վարչապետի ցանկությունից

Նոյեմբերի 21-ին կհրավիրվի Ազգային ժողովի արտահերթ նիստ

Ընտանեկան բռնություն. ինչո՞ւ կնոջը ծեծելու համար կասկածվող ամուսինը չի ձերբակալվել դեպքի օրը. պարզաբանում

Պատրաստ ենք հաջորդ հաջողությունները կրկնապատկել. Ամերիկայի հայկական համագումարն ամփոփեց տարին

Ընտրություններին «ասողների» ինստիտուտը չի լինելու. Նիկոլ Փաշինյան

Դիլիջանի ոլորանները դժվարանցանելի են, մի շարք ճանապարհներին ձյուն է տեղում, Գորիսում, Սիսիանում եւ Բերդում մառախուղ է

Ցուցակում ընդգրկվածների հետ հարցազրույց ենք անցկացրել. Ալեն Սիմոնյան

Երթեւեկության կազմակերպման փոփոխություն Երեւանի Սասունցի Դավիթի եւ Բելինսկու փողոցների խաչմերուկում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում