Կարտոֆիլի գները թռել են, աղքատները հիմա ինչ ուտեն՝ սո՞խ, կանաչի՞. Փաշինյան (տեսանյութ)

Այսօր ԱԺ-ում կառավարության անդամների հետ հարց ու պատասխանի ժամանակ ԵԼՔ խմբակցության ղեկավար Նիկոլ Փաշինյանը դիմելով կառավարությանն, ասաց.

«Անցյալ տարեվերջին այստեղ բյուջեի քննարկման կոնտեքստում խոսում էինք թանկացումների մասին, ձեր խորհրդարանական հենարանը հանդիսացող մեծամասնության ներկայացուցիչները ինովացիոն լուծում առաջարկեցին։ Նրանք արձանագրեցին, որ աղքատները հիմնականում կարտոֆիլ են ուտում, եւ գնաճը նրանց բարեկեցության մակարդակի վրա չի ազդի։ Հիմա Ազգային վիճակագրական ծառայությունը հրապարակել է գնաճի տվյալները եւ պարզվել է, որ  խորհրդարանական մեծամասնության ներկայացուցիչների այդ հայտնի հայտարարությունից հետո շուկայում կարտոֆիլի գները թռել են, եւ հարցը հետեւյալն է՝ ի՞նչ ուտեն այս պարագայում աղքատները։ Այս դեպքում հայտնի խաղի կանոններով ուզում եմ ձեզ ճիշտ պատասխանի 4 տարբերակ առաջարկել՝

ա) խառը կանաչի, որը Ազգային վիճակագրական ծառայության տվյալների համաձայն էժանացել է 48 տոկոսով։

բ) սխտոր, որ Ազգային վիճակագրական ծառայության տվյալների համաձայն էժանացել է 22․2 տոկոսով։

գ) կանաչ սոխ, որ նույն տվյալներով էժանացել է 18․2 տոկոսով։

դ) տաքդեղ, որը էժանացել է 12․1 տոկոսով»։

Հարցին պատասխանեց փոխվարչապետ Վաչե Գաբրիելյանը, ասելով, որ ուզում է շնորհակալություն հայտնել Ազգային վիճակագրական ծառայության տվյալները հրապարակելու եւ ժողովրդականացնելու համար, եւ կարծում է, որ ազգաբնակչությունը կընտրի այդ տեսականուց ավելի մեծ կալորիականություն ապահովող այն ապրանքների ցանկը, որոնք կհամապատասխանի իր բյուջեին։ Նաեւ ավելացրեց, որ կարծում է, որ եթե նրանք չկարողանան դա անել, ապա Փաշինյանի կողմից տրված հաշվարկները հիմք կհանդիսանա նրանց համար խնդիրը վերջացնելու։ Նա համարեց հարցը հռետորական եւ նույն տրամաբանությամբ էլ պատասխանեց։

Նիկոլ Փաշինյանը հակադարձեց, ասելով.«Հարցը ամենեւին էլ հռետորական չէր, եւ ուզում է ցույց տալ, երբ կառավարությունն անընդհատ ասում է գնաճը 2․6 տոկոս է, այդ 2․6 տոկոսը ինչպե՞ս է ստացել Ազգային վիճակագրական ծառայությունը։ Նա տալիս է, որ կարագը թանկացել է 41 տոկոսով, խոզի միսը 38 տոկոսով, կարտոֆիլը 28 տոկոսով, այսինքն՝ սրանք գնաճի ցուցանիշներն են, եւ հիմա ո՞նց են ստացել 2․6 տոկոս։ Որովհետեւ դրան հակադրել են խառը կանաչու գնանկումը 48․5 տոկոսով, սխտորի գնանկումը 22․2 տոկոսով, կանաչ սոխի գնանկումը 18․2 տոկոսով, կանաչ եւ կարմիր տագդեղի գնանկումը 12․1 տոկոսով։ Այսինքն, որ այդքան ասում եք 2․6 տոկոս, ես ձեր օգնությամբ պատկերավոր ցույց տվեցի թե կառավարությունը, վիճակագրությունը, ինչպես է 48 տոկոսը մանիպուլյցաիաներով դարձրել 2․6 տոկոս»։

Վաչե Գաբրիելյանը պատասխանեց, ասելով. «Հույս ունեմ, որ շուտով լսումների ժամանակ հնարավորություն կունենաք այդ հարցն ավելի խորը քննարկելու, շատ ավելի մեծ մանրամասնությամբ։ Եվ ես հուսով եմ, որ կներկայացվի շատ ավելի դետալացված այն մեթոդոլոգիան, որը Ազգային վիճակագրական ծառայությունը ներկայացնում է»։

Տպել
2166 դիտում

Հրդեհ է բռնկվել Աբովյան փողոցի բնակարաններից մեկում. 2 տուժածներից մեկին հոսպիտալացրել են

Ավետիսյանի որդուն պատկանող «Գոլդեն Փելես»-ը գրանցված է օֆշորային ընկերության վրա. Վանեցյանը չբացառեց, որ գործը կկարճվի

Առաքել Մովսիսյանի վերաբերյալ գործն ԱԱԾ-ն կարճել է. Արթուր Վանեցյան

«Կոնգրես» հյուրանոցի գործով Սեդրակ Քոչարյանը հարցաքննվել է. ԱԱԾ տնօրեն

Նարեկ Սարգսյանի բնակարանից հայտնաբերված նկարները պատկանում են Սարյանի վրձնին. ԱԱԾ տնօրենը հաստատեց

Ես հույս ունեմ, որ դեռեւս երկար տարիներ կպաշտոնավարեմ. Արթուր Վանեցյան

Գործադուլ եւ դասադուլ ՇՊՀ ավագ դպրոցում

Ընթացիկ եվ ոչ միայն. 2006թ. մտնում ենք առանց իմունիտետի

Պատասխան. այդ տիկին Քոչարյանը ես եմ

Չի տեսնում. ԼՂ հարցի կարգավորումը հեռու է

Կոմիտասի պողոտայի երթեւեկելի մասի վրա լուսացույցներ կդրվեն. ոստիկանություն

Գյումրու քաղաքապետարանի բնակկոմունալ բաժնին կախարդական փայտիկ է պետք

Միհրան Հարությունյանը ժամանակից շուտ հաղթանակ տարավ MMA-ում իր 2-րդ մենամարտում

Ոստիկանության 5 ծառայողի շնորհվել է ոստիկանության լեյտենանտի կոչում (տեսանյութ)

Լարսի ճանապարհը բաց է. ձյուն, բուք, մերկասառույց, մառախուղ, դժվարանցանելի ճանապարհներ՝ ՀՀ-ում

Հայկ Դեմոյանը նշանակվել է «Ավրորա» նախաձեռնության գործառնությունների գծով տնօրեն

Արցախի նախագահն ընդունել է ՀՅԴ Բյուրոյի ներկայացուցիչ Հրանտ Մարգարյանին. ինչ են քննարկել

Վերաքննիչը գտել է, որ Ռոբերտ Քոչարյանն անձեռնմխելի չէ

Քաղաքավարությունը շփոթում են թուլության հետ. Փաշինյանը՝ Գարեգին Բ-ին

Մենք արդեն դադարեցրել ենք կենդանիների սպանդի ամոթալի պրակտիկան. Հայկ Մարության