Մոտիկ խոսքեր հեռավորին (Վանո Սիրադեղյանին). Մերուժանի նոր բանաստեղծությունը

Եռաբլուրում
Անդրանիկ Օզանյանի շիրիմի մոտ
Եվ ազգս ուներ որդի կոչեցյալ
Անդրանիկ՝ անուն քաջ եւ քաջածին,
Որ զորավոր էր քան Կեսարացին,
Եվ զորավար էր անվեհեր հեծյալ:

Նա պատմության մեջ դարձավ առասպել՝
Առասպելական հերոսի վարքով,
Պսակվեց անհաղթ զինվորի փառքով,
Եվ փառաբանվեց որպես վառ ասպետ:

Սակայն, ներհակ իր գործերին արի,
Նա դավաճանվեց ներքին թուրքերից,
Որոնք դիմեցին իրենց կուռքերին՝
Հայցելով պատժել մեր զորավարին:

Եվ Անդրանիկը իր հայրենիքից
Հեռացավ,-ապրեց օտար աշխարհում,
Երկիրը թողեց հոգով վաշխառու
Եվ մատնիչներին իր հայրենակից:

Այսօր նա կրկին ունի համարում
Իր հնամենի հայոց հարկի տակ,
Իսկ հետնորդները նրանց հացկատակ՝
Իշխանությունից պատառ են մուրում:

 * * *

Բնություն երգել չեմ ուզում, զի քեզ
Մեծարելն անչափ թանկ է ինձ համար,
Հեռու կարոտիս վարդերը զուգել
Ու քեզ նվիրել բաղձում եմ համառ:

Եվ չեմ ափսոսում անցած օրերի
Հեռուների մեջ քո դեմքը շոյել,
Հեռանալ, հեռու ապրել նորերից,
Նորովի քեզ հետ խոսել քնքշորեն:

Եվ փառաբանել գեղեցիկը քո,
Որ կատարյալ եւ օրհնյալ է հավետ,
Կերտել տաճարներ գեղադիր տեսքով,
Եվ քո անունով նրանց անվանել:

Եվ հավատավոր ու հավատարիմ
Ծառայել փառքիդ որպես աննահանջ
Վկայող ու զոհ, որ կյանք է տալիս
Եվ չունի արյանն ի հատույց պահանջ:

 * * *

Արդ եւ  ամենայն ժամ ու ժամանակ,
Աստ եւ ամենայն տեղ եւ ամենուր
Պիտի օրհնեմ քեզ, երբ լինեմ մենակ՝
Անցնող իմ կյանքի բոլոր ժամերում:
Եվ ժամերգության ժամին ղողանջող
Զանգերին պիտի ձայնս առնչեմ,
Եվ աղաղակեմ ըղձալի կանչով՝
Քո վերադարձը կրկին անրջեմ:

Քեզնից աղերսեմ թողություն մեղքիս,
Ու քեզ միանամ կարոտած հոգով,
Եվ հառաչանքս՝ մորմոքը վերքիս
Թողնեմ քո ծնկին վերջին աղոթքով:

Երկիր պագանեմ եւ ասեմ՝ մեղա
Արածիս համար նաեւ չարածիս,
Թող հողաթմբիս հորդ անձրեւ տեղա,
Սրբի հետքերը մեղապարտ անձիս:

 

Մոտիկ խոսքեր հեռավորին
Վանո Սիրադեղյանին

Ա

Դու հեռացել ես ինչպես արեւը,
Որ գիշերում է լեռներից անդին,
Դարձել ես լքված մի վտարանդի,
Ում չեն ցանկանում մարդիկ բարեւել:
Դարձել ես օտար քեզ եւ աշխարհին,
Եվ մոռացվել է քո փառքի մասին,
Մոռացվել է քո հոգու անբասիր
Խոսքը ճոխաբան ու չնաշխարհիկ:

Հետո կամաչեն նրանք ապիկար,
Եվ կափսոսան, որ քեզ չեն հասկացել,
Իրենց կկոչեն երախտամոռ ցեղ՝
Հոգով ընչաքաղց եւ մտոք տկար:

Բ

Լուսինն անցավ սեւ ամպերի գիրկը,
Ամպերը նրան ծածկեցին դաժան,
Գիշերը փոխեց իր տեղն ու դիրքը,
Ապա աշունը եկավ տարաժամ:
Կարոտը տարավ աչքերիդ լույսը,
Սպասումները տանջեցին հոգիդ,
Կյանքդ կարծես այս աշխարհից դուրս է,
Եվ հարազատ է ժամը մորմոքիդ:

Մենացիր քո մեջ որպես մտածող,
Նայիր հայելուն՝ ինքդ քեզ ծանիր,
Ապրիր քո ցավը եւ զղջա լացով,
Որ ծառայել ես քո դավաճանին:

Մերուժան

Տպել
1689 դիտում

Բակո Սահակյանը ներկա է գտնվել Մարտունու նռան փառատոնին

Էջմիածնում բերման ենթարկվածներ չկան. ոստիկանությունը պարզաբանում է Դ. Գրիգորյանի հայտարարությունը

«Երևան 2800». հոբելյանական օրը մանուկները նշել են Մանկական զբոսայգում

Ն. Փաշինյանը մասնակցել է Արամ Ա Մեծի Տանն Կիլիկիո Կաթողիկոսի ձեռնադրման 50-ամյակի Սուրբ Պատարագին

Ժամը 11-ին ՏԻՄ ընտրություններին մասնակցել է ընտրողների 9.33%-ը. ամենաակտիվը Կապանն է, ամենապասիվը՝ Արմավիրը

Ինչպես է Կերչի սարսափելի ողբերգության հեղինակը կրակում, ապա գործի գցում պայթուցիկ սարքը (տեսանյութ)

Երևանի քաղաքապետ Հայկ Մարությանը հանդիպել է Ամմանի կառավարիչ Օմար Էլ Լոուզիի հետ

Պաշտպանի աշխատակազմն իրականացնում է Հայաստանի համայնքներում տեղի ունեցող ընտրությունների անկախ դիտարկում

Երեւանն ապրում է նոր ժամանակների շնչով, միշտ զարմացնում է իր դասական գեղեցկությամբ ու կոլորիտով. Արա Բաբլոյան

Շնորհավոր տոնդ, Երևան, սիրում եմ քեզ. Նիկոլ Փաշինյանի շնորհավորանքը

Շահումյան հրապարակից մեկնարկող հեծանվավազքին ներկա կգտնվի Երևանի քաղաքապետ Հայկ Մարությանը

Պետք է կարողանանք համախմբել մեր համազգային ներուժը համահայկական օրակարգի շուրջ. հանդիպում Լիբանանի հայ համայնքի հետ

Երևան ժամանած պատվիրակություններն այցելել են Ծիծեռնակաբերդի հուշահամալիր

Երեւանն այսօր տոնում է 2800-ամյա հոբելյանը

Հայաստանի 49 համայնքում այսօր ՏԻՄ ընտրություններ են. 4 համայնքում քաղաքապետ կընտրեն

Երեք տարի անց. ռուսները խոստովանում են

Պահը ճակատագրական է, չնայած անունը Սարդարապատ չէ

Ազնիվ է, հոգատար, շնորհալի եւ զարմանալի չէ, որ հայտնվել է կալանքի տակ

Այդ ու՞ր՝ առանց ռեյտինգի. Լիլիթ Ավագյանի հոդվածը

Գյումրիում գտնված նորածինների մայրը հրաժարվել է երեխաներից