Ներքաղաքական առաջիկա զարգացումների եւ 2018-ից հետո ՀՅԴ-ի ակնկալիքների թեմայի շուրջ «Հայկական ժամանակ»-ը զրուցել է ՀՅԴ Գերագույն մարմնի անդամ, բնապահպանության նախարար Արծվիկ Մինասյանի հետ:

- Պարոն Մինասյան, 2018 թվականի նախագահի թեկնածուի հետ կապված Սերժ Սարգսյանն արդեն թվարկել է մի քանի չափանիշներ, որոնց պետք է համապատասխանի թեկնածուն: Ո՞ւմ եք տեսնում այդ պաշտոնում:

Խնդրում եմ դիմեք մեր քաղաքական ուժի գրասենյակին, եթե հարցնում եք, որպես դաշնակցական ներկայացուցչի, որպես անձ, բնականաբար չափանիշների համապատասխան թեկնածու տեսնում եմ, բայց չեմ բարձրաձայնի:

- Նախարարի պաշտոնը քաղաքական է, եւ հետո Դուք ՀՅԴ ԳՄ անդամ եք:

- Դրա համար կա ՀՅԴ գրասենյակ, բացի այդ, հիշեցնեմ Ձեզ կոալիցիոն հուշագիրը, որ այդ հարցը ենթակա է քննարկման՝ կոալիցիոն ձեւաչափով:

- ԱԺ ՀՅԴ խմբակցության ղեկավար Արմեն Ռուստամյանն ասել է նաեւ, որ քննարկվում է Սփյուռքից համապատասխան թեկնածու ընտրելու տարբերակը:

- Քննարկել չի նշանակում որոշել: Բոլոր հնարավոր տարբերակները, որոնք տեղավորվում են այն ձեւաչափի մեջ, այո քննարկման ենթակա են:

- Պարոն Մինասյան, Ծառուկյան դաշինքը, կարծես թե, իշխանամետ քայլեր է անում: Նախ, չսատարեց ԵԼՔ-ի նախագահի թեկնածուին, ապա ընդդեմ գնաճի դուրս չի գալիս երթի նույն դաշինքի հետ եւ ավելին՝ կողմ է իշխանական թեւի հետ, որ գնաճի հետ կապված խորհրդարանական լսումներ անցկացվեն: Ի՞նչ եք կարծում, Ծառուկյան խմբակցության հետ 2018-ին կոալիցիա կկազմվի՞:

Դուք հիմա ինձ առաջարկում եք, որ ես կանխատեսմամբ զբաղվեմ: Ես առաջարկում եմ, որ այդ հարցերով դիմեք այն քաղաքական ուժին, որին վերաբերում են դրանք: Ցանկացած նախաձեռնություն, որ ստանում է աջակցություն, չի նշանակում բացարձակապես աջակցություն իշխանությանն՝ ամբողջ ծավալով: Ես ժամանակին ինքս էլ եմ եղել ընդդիմություն եւ աջակցել եմ իշխանության նախաձեռնություններին, որոնք իմ եւ մեր ծրագրածի, մոտեցումների կարծիքով պետք է նպաստեն երկրում տիրող իրավիճակի բարելավմանը: Դա չի նշանակում, որ անպայման դարձան իշխանություն: Այս մոտեցումը՝ սեւ ու սպիտակի բաժանումը, լավ տեղ չի տանում: Եվ, փոխարենը, փորձել գտնել հակասություններ աջակցության շրջանակներում, ես կարծում եմ, որ պետք է շեշտադրել, թե այդ աջակցության արդյունքը ո՞րն է, եթե աջակցեցինք որեւէ օրենսդրական նախաձեռնության, ապա հետո ինչպե՞ս պետք է աջակցությունը չափելի դարձնենք: Տվե՞ց արդյունք՝ սոցիալական, հասարակական, տնտեսական առումներով, թե՞ ոչ, վերցնել ու ասել, որ այստեղ աջակցեց, իսկ այնտեղ՝ ոչ, հետեւաբար՝ սա...ես կարծում եմ, որ դա հեռանկարային քաղաքական վարքագիծ չէ:

- Ի՞նչ եք կարծում, կոալիցիոն գործընկերների շարքն այլ գործընկերներով համալրելու կարիք կա՞, թե՞ ոչ:  

Ես դժվարանում եմ ասել, որովհետեւ բոլոր նման դասավորումները կամ վերանայումները քաղաքական համաձայնության շրջանակներում պետք է լինեն: Այս պահին չեմ տեսնում որեւէ հիմք կոալիցիոն համաձայնագիրը վերանայելու: Եթե քաղաքական ուժերը կգտնեն նպատակահարմար, որ անհրաժեշտ է այլ ձեւաչափերով գնալ, դա բնականաբար քաղաքական ուժերի քննարկումների իրավասության ներքո է: Ուզում եմ հիշեցնել Ձեզ նաեւ սահմանադրական նորմը, որ խորհրդարանում միշտ պետք է 1/3-ը լինի ընդդիմություն:

- Դաշնակցությունը սրտնեղու՞մ է այն խոսակցություններից, շրջանառվող տեղեկություններից, որ հնարավոր է Ծառուկյան դաշինքը կոալիցիա մտնի:

Ես սրտնեղում եմ, որ այդ հարցը տալիս եք, պատասխանում եմ, բայց էլի շարունակում եք նույն պնդումը կատարել: Չկա այդպիսի բան: Իշխանությունը ոչ մեկի մենաշնորհը չէ, ոչ էլ քաղաքական վերադասավորումները՝ որոշակի անձանց, խմբերի, քաղաքական ուժերի սրտնեղության պատճառ: Առհասարակ սրտնեղությունը քաղաքական կատեգորիայում չպետք է լինի:

- Պարոն Մինասյան, Դաշնակցությունը իր բյուրոյի տնտեսական հետազոտությունների կենտրոնին խնդրել էր ուսումնասիրել վառելանյութի շուկայում առաջացած գնաճը: Ըստ կենտրոնի ուսումնասիրությունների հայտարարության՝ բենզինի շուկայում հակամրցակցային, մոնոպոլիական մոտեցումներ կան, ինչն էլ հանգեցրել է գնաճի: Սակայն ՏՄՊՊՀ-ն դրանից հետո իր հաղորդագրությունը տարածեց՝ հիմնավորելով, որ գնաճն «արդար» է, որովհետեւ կապված է հունվարի 1-ից ուժի մեջ մտած Հարկային օրենսգրքի նոր դրույթներով: Չեք կարծու՞մ, որ ՏՄՊՊՀ-ի հայտարարությունը պատասխան էր հենց ՀՀԿ-ի կողմից ՀՅԴ-ին, որ քայլերի մի դիմեք՝ նոր պորտֆելների ակնկալիքով:

Ձեզ թվում է, թե Դաշնակցությունը գիշեր-ցերեկ նստած մտածում է, թե քանի պորտֆել պետք է պոկի՞: Այսքան ժամանակ երբեւէ լսե՞լ եք, որ այս կոալիցիայի շրջանակներում մենք ասենք՝ քանի որ մեզ քիչ ոլորտներ են վերապահվել, մենք ընդհանուրի համար պատասխանատվություն չենք կրում: Քաղաքական հուշագրերում գրված է, որ կողմերը կրում են ամբողջական պատասխանատվություն, հետեւաբար այս վերլուծությունը քաղաքականությունից դուրս է: Կարագի գնի բարձրացումը բերում, կապում եք պորտֆելների հետ:

- Պարոն Մինասյան, դուք խուսափում եք պորտֆելների քանակից խոսել, բայց Արմեն Ռուստամյանը մեր զրույցում չբացառեց վերադասավորումը: Դուք ի՞նչ եք կարծում՝ կավելանա նախարարական եւ մարզպետների պորտֆելների թիվը:

- Ես չգիտեմ, այս պահին չկա այդ քննարկումը: Դուք չարաչար սխալվում եք, ես ոչ միայն չեմ խուսափում, այլեւ ուղիղ եմ պատասխանում: Նախարարական պորտֆելների քանակը չի եղել որեւէ անգամ բանակցությունների քննարկման առարկա: Երկու կողմից էլ ստանձնել ենք ամբողջական պատասխանատվություն: Այդ պատասխանատվությունը պետք է իրացնեն այն անձինք, ովքեր համապատասխանում են այդ ոլորտներում: Եթե կլինի շատ լավ իրականացնող, ապա այդ ոլորտը կիրականացնի այդ մարդը:

- Իսկ ինչո՞ւ վերջին շրջանում Կարեն Կարապետյանի անձի եւ աշխատանքի նկատմամբ ՀՅԴ-ի կարծիքը միանգամից դարձավ դրական: ՀՅԴ խմբակցության ղեկավար Արմեն Ռուստամյանը պատճառ չի տեսնում, որ Կարեն Կարապետյանը չկարողանա միջազգային ասպարեզներում Արցախի հարցն առաջ տանել ինչպես որ անհրաժեշտ է: Դուք էլ եք նույն կարծիքի՞ն:

- Հարց եք տալիս մի բանի մասին, որ բացարձակ կապ չունի այսօրվա իրավիճակի հետ: Ձեր հարցի ենթատեքստը չեք ուզում բարձրաձայնել, բայց տարբեր ուղղություններով այդ հարցը տալիս եք: Վարչապետի պաշտոնի թեկնածուն առաջադրելու է քաղաքական մեծամասնությունը, իսկ այս դեպքում Հանրապետական կուսակցությունը, որն ամրագրված է քաղաքական համաձայնագրում: Սահմանադրորեն հստակեցված է նաեւ նախագահի եւ վարչապետի քվեների շեմը եւ այսքանից հետո քաղաքական տեսակետից ընկալելի չէ նույն թեմայի մասին խոսել:

- Ես ընդամենը հարցնում եմ, թե Կարեն Կարապետյանը կարո՞ղ է Արցախի հարցով զբաղվել, թե՞ ոչ:

Իհարկե, կարող է: Ես հիմա կարող եմ ասել 10 հոգու անուն, ովքեր կրկին կարող են:

- Կոալիցիոն գործընկերության շրջանակներում կատարված աշխատանքների արդյունքները, որոնք ամրագրված են հուշագրում, Ձեզ բավարարու՞մ են:

- Այնքանով, որքանով մենք շարունակում ենք աշխատանքը՝ եւ նոր խնդիրներ ենք ձեւակերպում, եւ նոր մոտեցումներ, մենք գնահատում ենք բավարար: Սա չի նշանակում, որ այն, ինչ անում ենք, պետք է դրանով սահմանափակվենք: Հարկավոր է շատ ավելի խորացնել եւ ընդգրկուն դարձնել աշխատանքները:

Տպել
1749 դիտում

Դպրոցի ավարտական քննություններն այսուհետ կլինեն միասնական եւ դրանք կվերահսկի ԳԹԿ-ն

Թուրքիայում բացվել է պոլսահայ աշխարհահռչակ լուսանկարիչ Արա Գյուլերի թանգարանը (տեսանյութ)

Ոստիկանության պետի հրամանով 8 ծառայողների սպայական կոչումներ են շնորհվել

Դավիթ Բեկի և Հունան Ավետիսյանի փողոցների խաչմերուկի լուսացույցները կտեղափոխվեն ու կփոխվեն

Սուրբ Կարապետ վանքի հարևանությամբ գտնվող ավազահանքում փլուզում է տեղի ունեցել. կա զոհ

Առողջապահության նախարարը կմեկնի Քատարի Պետություն

Ն. Փաշինյանը մի քանի տասնյակ սփյուռքահայերի ՀՀ-ում հատուկ կացության կարգավիճակ է շնորհել

Բելգիայի թագավորական ընտանիքը մասնավոր այցով Հայաստանում է

Ովքեր եւ ինչի համար էին Զովասարում այս գիշեր ցանկացել տուն պայթեցնել. մանրամասներ

100 օրվա ամփոփում. հեղափոխություն առանց ծանր հետեւանքների

Բռնցքամարտիկ Արամ Ավագյանը կքննարկի ՀՀ ընտրանու հետ կրկին մենամարտերի մասնակցելու հարցը

«էլեկտրիկ Երևան»-ի ամենահայտնի ցուցարարն ու լրագրող Զ. Մեջլումյանը՝ Դ. Սանասարյանի թիմում

«Արմնյուզ»-ի վաճառքի մասին տեղեկությունները կեղծ են. Հրաչյա Քեշիշյան

Պաշտպանը «Վարդաշեն» ՔԿՀ-ում հանդիպել է Շանթ Հարությունյանի հետ

«Դիլիջան ազգային պարկ»-ից 9-ը հազար ծառ հատելու համար մեղադրանք է առաջադրվել 15 անձի

Դատախազը «շու՞տ է մոռացել իր հայտարարությունները». Դավթյանը պատասխանում է Շարմազանովին

Ընտրացուցակներ մաքրելուց մինչեւ օրենքով գողեր. Վալերի Օսիպյանի 100 օրը

ԲԴԽ-ն մշակել է արդարադատության արդյունավետության բարելավման հայեցակարգ

Արցախում ծնունդների թիվն ավելացել է, նորածին տղաների թիվը գերակշռում է աղջիկներին

Անդրիաս Ղուկասյանը ԿԸՀ-ի դիմաց պահանջում է Տիգրան Մուկուչյանի հրաժարականը (տեսանյութ)