Գազալցակայանները խիստ տուգանքի կենթարկվեն, եթե չգրանցված գազաբալոն լիցքավորեն. նոր նախագիծ

ՀՀ արտակարգ իրավիճակների նախարարությունը օրենսդրական փաթեթ է մշակել եւ ներկայացրել կառավարություն: Առաջարկվում է ավտոմեքենաների վրա տեղադրված գազաբալոնների անվտանգություն մակարդակը խստացնել, սահմանել նոր տուգանքներ կանոնները չպահպանած անձանց նկատմամբ:

Նախ նշենք, որ ծանուցման ենթակա գործունեության տեսակների մեջ կավելացվի սեղմված բնական գազով աշխատելու համար ավտոտրանսպորտային միջոցների վրա գազաբալոնային սարքավորումների տեղադրման եւ գազաբալոնների պարբերական վկայագրման գործունեության իրականացումը:

Առաջին փոփոխությունը կատարվելու է «Ավտոմոբիլային տրանսպորտի մասին» օրենքում: Նախ ամրագրվում է «գազաբալոնային սարքավորումներ» եւ «գազաբալոնների պարբերական վկայագրում» հասկացությունները: Առաջինը մեքենայի գազի բալոնն է իր հարակից դետալներով, իսկ երկրորդը՝ փաստաթուղթ է գազի բալոնի շահագործման ժամկետի մասին: Գազի բալոնի տեղադրման եւ դրա վրա ժամկետի մասին նշում կատարելու իրավունք տրվում է այն կազմակերպություններին եւ ԱՁ-ներին, որոնք կառավարության սահմանած կարգով կարող են նման ծառայություն մատուցել: Գազաբալոն տեղադրողը վկայագրում նշում է, թե մինչեւ երբ կարող է շահագործվել բալոնը: Այդ տեղեկությունը մուտքագրվում է կառավարության ստեղծած շտեմարան: Շահագործման մեջ գնվող գազաբալոնները պարտադիր ենթակա են վկայագրման:

Գազաբալոնների լիցքավորումը առանց գազաբալոնների պարբերական վկայագրման հաջորդ ժամկետի նշման կամ առանց գազաբալոնների պարբերական վկայագրման արգելվում է, բացառությամբ այլ պետություններում գրանցված ավտոտրանսպորտային միջոցների:

Գազաբալոնների վկայագրման կտրոնի համար բալոնը տեղադրողն ու վկայագիր կազմողը վճարում է պետական տուրք: Արգելվում է անընթեռնելի արտադրման տարեթվով և շահագործման ավարտված ժամկետով գազաբալոնների տեղադրումը և վկայագրումը: Գազի բալոնը տեղադրելու վկայագիր տրամադրելու կարգը սահմանելու է կառավարությունը:

Մինչեւ նշված օրենքն ուժի մեջ մտնելը ավտոմեքենաների վրա տեղադրված գազի բալոնները շահագործվելու են դրանց արտադրման տարեթիվը հավաստող փաստաթղթերի հիման վրա:

Երկրորդ փոփոխությունը կատրվելու է «Վարչական իրավախախտումների մասին» ՀՀ օրենսգրքում, որտեղ նոր հոդված է ավելացվելու:  Եթե խախտվել է գազի բալոն տեղադրելու եւ վկայագիր տրամադրելու կարգը, ապա այն տեղադրած ընկերության ղեկավարը կտուգանվի 100 հազարից մինչեւ 200 դրամի չափով:

Գազաբալոնների վկայագրերում բալոնի շահագործման ժամկետը նշելու վերաբերյալ սահմանված կարգը խախտելը եւ խախտմամբ էլեկտրոնային շտեմարանում տեղեկություններ մուտքագրելը առաջացնում է տուգանք՝ 500 հազար դրամի չափով: Մեկ տարվա ընթացքում երկրորդ անգամ նույն խախտման համար անձը կտուգանվի 1 միլիոն դրամով:

Գազի լիցքավորման կայաններում, եթե լիցքավորել են մեքենա, որը չի ունեցել գազի բալոնի վկայագիր կամ բալոնի շահագործման ժամկետի վերաբերյալ վկայագրում նշում, ապա գազալցակայանի պաշտոնատար անձը կտուգանվի 1 միլիոն դրամով: Այն գազալցայանում, որտեղ մեկ տարվա ընթացքում երկրորդ նման խախտումը կարձանագրվի, ապա լցակայանի պաշտոնատար անձը կտուգանվի 3 միլիոն դրամով:

Տուգանք է սահմանվել նաեւ գազալցակայաններում չափից ավելի ճնշումով գազ լիցքավորելու դեպքերի համար: Եթե գազալցակայանում բացակայի ճնշման արժեքի գերազանցումը կանխող սարքավորումը կամ այդ սարքի անսարք լինելով լիցքավորում իրականացվի, ապա գազալցակայանի պաշտոնատար անձը կտուգանվի 1 միլիոն դրամով: Մեկ տարվա ընթացքում երկրորդ նմանատիպ խախտման համար սահմանվել է 3 միլիոն դրամ տուգանք:

Օրենսդրական փաթեթով վերջին փոփոխությունը կկատարվի «Պետական տուրքի մասին» ՀՀ օրենքում: Գազի բալոնի հերթական վկայագրման ժամկետը նշելու համար նախատեսված կտրոնի արժեքը բազային տուրքի 50 տոկոսի չափով է սահմանվել: Նույնքան տուրք է սահմանվել նաեւ ավտոմեքենաների վրա 1 տարվա համար գազի բալոն տեղադրելու գործունեություն իրականացնելու համար: Օրենքով բազային տուրքի դրույքաչափը սահմանված է 1000 դրամ: Վեր նշված դեպքերի համար նախատեսվում է 500 դրամ:

Կառավարության հավանությանն արժանանալուց եւ ԱԺ-ում ընունվելուց 6 ամիս անց այս օրենսդրական փաթեթը կմտնի ուժի մեջ:

Տպել
12970 դիտում

Առաջիկա ընտրություններն ու քաղաքական իրավիճակի քննարկումը՝ ՀՀԿ ԳՄ նիստին. նիստը վարել է Ս. Սարգսյանը

Էրդողանը խորը քուն է մտել Մոլդովայի նախագահի հետ հանդիպման ժամանակ (տեսանյութ)

ԱԳ նախարարն ընդունել է ԵՄ Եվրոպայի և Կենտրոնական Ասիայի հարցերով գործադիր տնօրենին

Տաջիկստանի պատվիրակությունն այցելել է Քրեակատարողական ծառայություն, հաջորդ այցը՝ «Արմավիր» ՔԿՀ

«7-ի» գործով դատապարտված Մասիս Այվազյանը որպես տուժող հարցաքննվել է Մարտի 1-ի գործով

Կրասնոդարում կործանվել է Լ-39 ուսումնական ինքնաթիռը. օդաչուներին գտնել դեռ չի հաջողվել

Մասիսում ապօրինի թմրաշրջանառության դեպք է բացահայտվել. կա կալանավորված (տեսանյութ)

Խորապես սգում եմ այդ մեծ մարդու կորուստը. նախագահը ցավակցել է Արա Գյուլերի մահվան կապակցությամբ

Մկրտիչ Արզումանյանի բոլորովին նոր կերպարը, վնասվածքը ու քաղաքական հումոր. պրեմիերա

Վարչապետը վաղը կմեկնի Սյունիք, երեկոյան մասնակցելու է Կապանի քաղաքապետի թեկնածուի նախընտրական հավաքին

Դեսպան Միլսը վերջին անգամ խառնվեց ՀՀ ներքին գործերին

Պաշտպանը ԿԽՄԿ հայաստանյան պատվիրակության ղեկավարին է ներկայացրել Տավուշի մարզի փաստահավաք աշխատանքների արդյունքները

Հունան Պողոսյանի հրաժարականը պահանջողներն ու ճանապարհը կրկին փակողները ՔՊ 5 անդամներն են. Գորիսի համայնքապետի տեղակալ

Ֆիլմը մեկ օր է, ափոփված է Երեւանի ողջ պատմությունը. պրեմիերա՝ նվիրված մայրաքաղաքի 2800-ամյակին

Եկել է ժամանակը, որ հայ ժողովուրդը ծնի իր նոբելյան մրցանակակիրներին. Արմեն Սարգսյան

Սյունեցիները կրկին փակել են միջպետական ճանապարհը. պահանջում են մարզպետի հրաժարականը (տեսանյութ)

ՊՆ-ում քննարկվել են անվտանգության և պաշտպանության բնագավառում ՀՀ-ԵՄ համագործակցության հեռանկարները

Լավ առիթ է, որ նոր քննություն տեղի ունենա. Փաշինյանը՝ Հունան Պողոսյանի կողմից Շանթ Հարությունյանին ծեծելու գործի մասին

ՀՀ-ում օլիգարխ չկա. Նիկոլ Փաշինյանը լեգիտիմացրե՞ց Գագիկ Ծառուկյանի հետագա քաղաքական գործունեությունը

Մենք ուզում ենք Հայաստանը դարձնել առաջատար տեխնոլոգիական երկիր և դրա համար կա ամենակարևորը՝ մարդկային ներուժը. վարչապետ