2018-ին այդ արհեստածին երկրի ստեղծման հարյուրամյակն է, Բաքուն կարծր կմնա. Դավիթ Բաբայան

Երեկ՝ հունվարի 18-ին, Լեհաստանի Կրակով քաղաքում տեղի է ունեցել ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտինի (Ֆրանսիա) և Էնդրյու Շոֆերի (ԱՄՆ) Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի հանդիպումը: Հանդիպման ընթացքում քննարկվել է նաեւ տարածաշրջանում շատացնել ԵԱՀԿ նախագահի պաշտոնական ներկայացուցիչների թիվը, ովքեր կլինեն սահմանին մոտ եւ կվերահսկեն իրավիճակը: Համանախագահների արած հայտարարության համաձայն՝ Հայաստանի եւ Ադրբեջանի ԱԳ նախարարները համաձայնության են եկել այս հարցում: Թեմայի շուրջ «Հայկական ժամանակ»-ը զրուցել է Արցախի հանրապետության նախագահի մամուլի խոսնակ Դավիթ Բաբայանի հետ:

- Պարոն Բաբայան, ի՞նչ է տալու ԵԱՀԿ նախագահի պաշտոնական ներկայացուցիչների ավելացումը եւ այս հարցն անհանգստացնու՞մ է պաշտոնական Բաքվին:

- Սա խաղաղության եւ կայունության պահպանման, ամրապնդման մեխանիզմներից մեկն է, որը քննարկվել եւ հաստատվել է Վիեննայի եւ Սանկտ Պետերբուրգի հանդիպումների ընթացքում ձեռք բերված համաձայնությունների ժամանակ: Պետք է ընդլայնվի ԵԱՀԿ նախագահի անձնական ներկայացուցչի գրասենյակը: Այս հարցում Ադրբեջանն այլ տեսակետ ունի, մենք՝ այլ: Մենք կարծում ենք, որ պետք է ընդլայնվի այդ աշխատակիցների քանակը, որպեսզի նրանք անմիջապես կարողանան մշտադիտարկել իրավիճակը, որ միանգամից արձագանքեն տարբեր տեսակի խախտումներին: Ադրբեջանը փորձում է սա խոչընդոտել, բայց չի կարողանում բացեիբաց խոչընդոտել, այլ ասում են, որ պետք է միայն գրասենյակներում նրանց քանակն ավելանա: Եթե Բաքվում, Ստեփանակերտում կամ Երեւանում ավելանա նրանց քանակը, սա որեւէ էական փոփոխություն չի տա, քան եթե նրանք անմիջապես լինեն սահմանի մոտ: Հատկապես՝ Ադրբեջանում նրանք պետք է սահմանին մոտ տարածաշրջաններում աշխատեն:

- Իրատեսակա՞ն է, որ ներկայացուցիչների նստավայրերը կլինեն դիրքերին մոտ բնակավայրերում:

- Մենք ուզում ենք, որ լինեն դիրքերին մոտ բնակավայրերում կամ գոնե պարբերաբար այցելեն սահման: Սա միակ ձեւն է, որը պետք է իրականության մեջ ինչ-որ փոփոխություն մտցնի:

- Իսկ նախատեսվա՞ծ է, թե երբ կընդլայնվի ներկայացուցիչների թիվը:

- Հստակ ժամանակ չկա, բայց կարծում եմ, որ դա այդքան էլ մեծ ժամանակահատված չի պահանջելու: Կարելի է շատ օպերատիվ ձեւով մի քանի ամսվա ընթացքում կազմակերպել:

- Ակնկալե՞նք, որ մինչ այդ պաշտոնական Բաքուն կշարունակի նույն քաղաքականությունը վարել՝ շփման գծում:

- Ադրբեջանը կշարունակի նույն կարծր դիրքորոշումը ցուցաբերել առավել եւս 2018 թվականին, որովհետեւ այս տարին շահարկումներով լի տարի է: Ադրբեջանում կան տարեդարձներ՝ արհեստածին երկրի ստեղծման հարյուրամյակն է, արցախյան հիմնախնդրի ծագման հարյուրամյակն է, Ղարաբաղյան շարժման 30-ամյակն է, Ալիեւի 95-ամյակն է, Ադրբեջանում ընտրություններ պետք է լինեն, Աղդամի, Ֆիզուլիի եւ այլ տարածքների կորուստի 25-ամյակն է: Նրանք սա օգտագործելու են քարոզչական ձեւով:

- Համանախագահների տարածած պաշտոնական հաղորդագրությունում նշվում է, որ անդրադարձ է կատարվել նաեւ զգայուն հարցերի: Ի՞նչ զգայուն հարցերի մասին է խոսքը:

- Հիմա Ադրբեջանի համար ամեն ինչ էլ զգայուն է: Նույն այդ գրասենյակի հարցը նույնպես զգայուն է: Այս հակամարտությունն այնպիսին է, որ բոլոր հարցերն էլ զգայուն են: Երեւի քննարկել են տարբեր հարցեր եւ այդ հարցերը զգայուն են:

Տպել
2596 դիտում

Հիացած եմ Հայաստանի գեղատեսիլ վայրերով և հայերի հյուրասիրությամբ. Ուկրաինայի ԱԳ պետքարտուղար

Արարատ Միրզոյանը ՌԴ դեսպանի հետ քննարկել է ՀՀ–ում ներքաղաքական զարգացումները

Թրանսփարենսի Ինթերնեշնլ-ը դիմել է ԵԽԽՎ՝ Հայաստանի՝ փողերի լվացման սխեմաներում ընդգրկված լինելու քննության համար

ՀՀԿ-ի՝ Բրյուսովի համալսարանի չհրկիզվող պահարանից գտնված 56 անդամատոմսերից 5-ը կապ չունեն բուհի հետ

Հայտնի են Արմավիրի, Արագածոտնի, Սյունիքի նոր մարզպետների անունները

Նիկոլ Փաշինյանը լուսանկար է հրապարակել Յուրի Բաշմետի հետ

Հունան Պողոսյանը նշանակվելու է Սյունիքի մարզպետ

ՀՀ ֆուտբոլի հավաքականի անդամները հանդիպել են երկրպագուների հետ

Կոտայքում բախվել են Ոստիկանության և ՊՆ ծառայողների մեքենաները. 4 ամսական երեխան հիվանդանոցում է

Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

ՀԱՊԿ ԽՎ նիստը Երեւանի փոխարեն կկայանա Մոսկվայում

Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

Թունջբոյաջյանն այցելել է «Հայաստան» համահայկական հիմնադրամ, պատրաստ է դառնալ սփյուռքի դեսպանը

Չեչնիայի նախագահ Կադիրովը Փաշինյանի ու Մակրոնի պարից հետո պարի մարաթոն սկսելու կոչ է արել քաղաքական գործիչներին

Քրեական հեղինակություն Նորատուսցի Արան կրակոցների պահին ալկոհոլի ազդեցության տա՞կ է եղել. նա օգտվում է լռելու իրավունքից

Վարչապետ Նիկոլ Փաշինյանը և տիկին Աննա Հակոբյանը ներկա են գտնվել Յուրի Բաշմետի համերգին (լուսանկարներ)

Թեկնածուներից մեկը դիմել է ստոր մեթոդների. ահազանգում է Էջմիածնի քաղաքապետի պաշտոնակատարը (լուսանկար)

Թուրքիայում Իրանի դեսպանատունը ուժեղացված հսկողության տակ է

20 տարվա փչացրածը, 20 օրում չի ուղղվի. Վանեցյանը հանդիպեց հավաքականի ֆուտբոլիստների հետ

Սիսիանում տներից մեկի պատշգամբի փլուզման հետեւանքով 75-ամյա քաղաքացին մահացել է