Հետիս անձն ա վարկաբեկված՝ Ճըվճվ Արոյի որդու ընկերը նրա մասին. Սերժը դատարան չբերվեց

Քրեական հեղինակություն համարվող Ճըվճվ Արո մականունով հայտնի Արա Վարդանյանի կրտսեր որդին՝ Սերժ Վարդանյանը (մականունը՝ Սերժուլիկ) այսօր Կենտրոն եւ Նորք-Մարաշ վարչական շրջանների ընդհանուր իրավասության դատարան չբերվեց:

Այս դատարանում դատավոր Գագիկ Պողոսյանի նախագահությամբ պետք է շարունակվեր Սերժ Վարդանյանի եւ նրա ընկերոջ գործով դատական նիստը: Ըստ մեղադրանքի՝ Սերժ Վարդանյանը Ռոբերտ Հայրապետյանի հետ «Լադա Պրիորա» մակնիշի ավտոմեքենայով Երեւան քաղաքի Սարյան փողոցով երթեւեկելու ընթացքում դիտավորությամբ կոպիտ կերպով խախտել է հասարակական կարգը` որն արտահայտվել է հասարակության նկատմամբ բացահայտ անհարգալից վերաբերմունքով, այդ թվում՝ Շանթ Մարգարյանի նկատմամբ բռնություն գործադրելով:

Նիստը սկսվեց առանց Սերժ Վարդանյանի. դատարան էր ներկայացել միայն ամբաստանյալներից Ռոբերտ Հայրապետյանը: Սերժ Վարդանյանի հարազատներից եւ ոչ ոք դատարան չէր եկել, իսկ նրա պաշտպանն էլ տեսնելով լրագրողներին զարմացավ:

Նիստը սկսվելուն պես նիստերի քարտուղարը տեղեկացրեց, որ ամբաստանյալ Սերժ Վարդանյանին բերման ենթարկելու որոշում է կայացվել, որը չի կատարվել: Դատավոր Գագիկ Պողոսյանը դիմելով Սերժ Վարդանյանի պաշտպանին ասաց, որ լրատվամիջոցներից տեղեկացել է, որ Սերժ Վարդանյանն այլ գործի շրջանակներում կալանավորվել է. «Մտավախություն կա, որ նա կալանքի տակ է»,- ասաց դատավորը՝ պաշտպանից հետաքրքրվելով, թե ի՞նչ գործի շրջանակներում է նա կալանավորվել: Պաշտպանը հայտարարեց, որ տեղյակ չէ, միայն գիտի, որ ներկայումս իր պաշտպանյալը գտնվում է «Նուբարաշեն» ՔԿՀ-ում:

Մեղադրող դատախազ Տիգրան Ենոքյանն էլ առաջարկեց դիմել ՀՀ քննչական կոմիտեին՝ Վարդանյանի վերաբերյալ քննվող քրեական գործի մասին տեղեկանալու համար:

Նիստից հետո գործով դատախազ Տիգրան Ենոքյանից հետաքրքրվեցինք, թե ինչո՞ւ է գործը երեք տարի քննվում, դատախազը, սակայն հարցին չպատասխանեց՝ խորհուրդ տալով դիմել լրատվական բաժին:

Սույն գործով ամբաստանյալ Ռոբերտ Հայրապետյանը նիստից հետո մի քանի լրագրողների հետ զրույցում ասաց, որ չի ընդունում իրեն առաջադրված մեղադրանքը. «Ես նույնիսկ մեքենայից դուրս չեմ եկել, ուր մնաց ծեծի ենթարկեմ, զապիսները հանեք, նայեք»,- ասաց նա: Գործով ամբաստանյալն ասաց, որ ինքը Սերժ Վարդանյանի ընկերը չէ, պարզապես նույն դպրոցում են սովորել: Հարցին, թե ինչո՞ւ է գործը երեք տարի քննվում, ո՞րն է ձգձգելու պատճառը, Հայրապետյանը պատասխանեց. «Խնդիրն այն է ուղղակի, որ հետիս մարդն ա վարկաբեկված, եթե իր անունը չլիներ, կարող ա գործ անգամ չհարուցվեր»: Հայրապետյանն  ասաց, որ գործով տուժող Շանթ Մարգարյանը Հայաստանում չի բնակվում: Ըստ նրա՝ տուժողը առաջին նիստին եկել եւ հայտարարել է, որ բողոք չունի. «Եթե իր ցուցմունքներն էլ տեսնեք, կհասկանաք»,- ասաց նա: Հավելելով, որ արդեն երեք տարի է չի կարողանում երկրից բացակայել, քանի որ իր նկատմամբ որպես խափանման միջոց  է ընտրվել չհեռանալու մասին ստորագրությունը:

Սերժ Վարդանյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով: Թեեւ սույն գործի շրջանակներում նրա նկատմամբ որպես խափանման միջոց է ընտրվել չհեռանալու մասին ստորագրությունը, սակայն Սերժ Վարդանյանը մեկ այլ դրվագով՝ խուլիգանության եւ կողոպուտի գործով այժմ գտնվում է կալանքի տակ: Նա կալանավորվեց այն օրը, երբ նրա ավագ եղբայրը դարձավ երկու ՃՈ տեսուչի կյանք խլած ավտովթարի մասնակից: Այս ողբերգական վթարից հետո էլ Սերժ Վարդանյանի խուլիգանության գործը երեք տարի անց հայտնվեց ուշադրության կենտրոնում:

Սույն  խուլիգանության գործը ողջամիտ ժամկետներում չի քննվում. այն դատարանում է շուրջ երեք տարի: Քանի որ դատավոր Գագիկ Պողոսյանը մամուլից տեղեկացել էր, որ Սերժ Վարդանյանը կալանավորված է, ապա կարող էր սեփական նախաձեռնությամբ գրություն ուղարկել ՔԿՀ՝ նրա ներկայությունը դատական նիստին ապահովելու համար:

Հաշվի առնելով դատարանի ծանրաբեռնվածությունը, դատավորը սույն գործով նիստը նշանակեց գրեթե մեկ ամիս հետո՝ փետրվարի 26-ին՝ ժամը 16:00-ին:

Տպել
5085 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին