Կարագի գնի նվազումն առաջիկա ամիսներին ավելի զգալի կլինի. քննարկում ՀԽ-ում

19/01/2018 schedule13:43

Վերջին շրջանում որոշ ապրանքատեսակների գների բարձրացման հարցը ս.թ. հունվարի 18-ին քննարկվել է Հանրային խորհրդի նիստում, որին մասնակցել են նաեւ ՀՀ պետական եկամուտների կոմիտեի նախագահի տեղակալ Վախթանգ Միրումյանը, ՀՀ կենտրոնական բանկի խորհրդի անդամ Արթուր Ստեփանյանը, Տնտեսական մրցակցության պաշտպանության պետական հանձնաժողովի մեթոդաբանության եւ ծրագրերի մշակման վարչություն պետ Արման Մանասերյանը, ՏՄՊՊՀ վերլուծության վարչության գլխավոր մասնագետ Դավիթ Փինաչյանը:

Ինչպես հայտնում են Հանրային խորհրդի մամուլի ծառայությունից, ՀԽ նախագահ Վազգեն Մանուկյանը բարձրացրել է այն հիմնական հարցերը, որոնք հետաքրքրում են հանրությանը՝ ո՞ր ապրանքատեսակներն են թանկացել եւ որքան, որո՞նք են գների բարձրացման օբյեկտիվ եւ սուբյեկտիվ պատճառները (հարկային բեռի ավելացում Հարկային նոր օրենսգրքի ընդունման, ԵՏՄ նոր մաքսատուրերքի, համաշխարհային գների տատանումների, տնտեսվարողների կողմից չարաշահումների հետեւանքով, ստվերից դուրս գալու պայքարի արդյունքում գների հնարավոր փոփոխությունները այլն), ինչպե՞ս են այդ փոփոխություններն ազդում բիզնեսի, գյուղատնտեսության եւ այլ ոլորտների զարգացման վրա, կա՞ն արդյոք  հնարավորություններ այդ պատճառների վրա ազդելու եւ դրանց հետեւանքները մեղմելու համար, ստեղծված պայմաններում տեղական արտադրությունը զարգացնելու ի՞նչ ճանապարհներ կան, կարճաժամկետ հատվածում ի՞նչ ծրագրեր կարելի է իրականացնել, որոնք կմեղմեն հատկապես խոցելի խմբերի սոցիալական բեռը:

ՏՄՊՊՀ ներկայացուցիչը հայտնել է, որ հունվար ամսին հիմնական թանկացումները վերաբերել են բենզինի, դիզվառելիքի եւ սեղմված գազի շուկաներին: Հանձնաժողովն ուսումնասիրություններ է կատարել այդ շուկաներում պարզելու տնտեսվարողների կողմից գների վրա արհեստականորեն ազդելու հնարավորությունները, նախնական արդյունքների ամփոփումը ցույց է տվել, որ շուկայում չարաշահումներ չկան: ՀԽ անդամներից մեկը նկատել է, որ բենզինի գնի բարձրացումը ինչ որ տեղ ձեռնտու չէ նաեւ բենզին ներմուծողներին, քանի որ դա հանգեցնում է բենզինի սպառման  ծավալների նվազման եւ անցման դեպի սեղմված գազի սպառում:

Խոսելով միջազգային շուկայում ապրանքների գների տատանումների մասին՝ Արման Մանասերյանը նշել է, որ, օրինակ, կարագի գինը միջազգային շուկայում նվազել է, ինչը կամաց-կամաց նկատելի է նաեւ Հայաստանում, իսկ առաջիկա երկու ամիսներին նվազումն առավել զգալի կլինի: Հանրային խորհրդի անդամներն էլ նկատել են, որ սովորաբար միջազգային շուկաներում գների բարձրացումն անմիջականորեն եւ ավելի սուր ձեւով ազդում է հայաստանյան գների վրա, մինչդեռ միջազգային գների նվազումը համաչափ դրական փոփոխություններ չի առաջացնում մեր շուկայում:

Անդրադառնալով ԵՏՄ մաքսատուրքերի փոփոխության հետեւանքով մի շարք ապրանքների գների բարձրացմանը՝ Արման Մանասերյանը նշել է, որ դա առավելագույնը կարող է 4 տոկոսով ազդել ներկրվող ապրանքի գնի վրա, ինչը, սակայն, էական ազդեցություն չի ունենում վերջնական գնի ձեւավորման վրա: Նա հավելել է, որ ԵՏՄ մաքսատուրքերի ավելացում նկատվում է այնպիսի ապրանքատեսակների վրա, որոնց արտադրությունը Հայաստանում լավ վիճակում է, կախում չկա դրսի շուկաներից. օրինակ՝ կաթնամթերքը:

ՊԵԿ նախագահի տեղակալը, պարզաբանելով Հարկային նոր օրենսգրքից բխող փոփոխությունները, նշել է, որ օրենսգրքի ընդունումը եկամուտները նվազեցնելու նպատակ չի հետապնդում, եւ դրա ընդունման հիմքում դրված է մի քանի կարեւոր սկզբունք, որոնցից են, օրինակ, տնտեսական աճի խթանումը եւ պետության ֆինանսական համակարգերի կոնսոլիդացիայի ամրությունը: Նրա խոսքով՝ Հարկային նոր օրենսգրքով նախատեսվում են նաեւ բազմաթիվ միջոցառումներ, որոնց արդյունքում պետության հարկային եկամուտները նվազում են:

ՊԵԿ ներկայացուցիչը հավելել է, որ Հարկային նոր օրենսգիրքը մի շարք ոլորտների վրա (որտեղ օգտագործվում է դիզելային վառելիք) թողնելու է եթե ոչ դրական, ապա գոնե ոչ բացասական ազդեցություն: Օրինակ՝ բեռնափոխադրումների, հանքարդյունաբերության, շինարարության ոլորտները: Գյուղատնտեսության առումով, սակայն, խնդիր կա, եւ Հանրային խորհրդի անդամները կարեւորել են ոլորտի վրա հնարավոր հետեւանքները չեզոքացնող կամ գոնե մեղմող միջոցառումների իրականացումը:

Ամփոփելով գնաճի պատճառներն ու հետեւանքները՝ Հանրային խորհուրդը կարծիք է հայտնել, որ ստեղծված իրավիճակը նաեւ հետեւանք է երկարաժամկետ հատվածում որոշակի սխալների եւ բացթողումների եւ նշել, որ պետությունն իր վրա պետք է վերցնի կարգավորիչ դեր, մշակի մեխանիզմներ ազդելու տնտեսության վրա, սակայն այդ մեխանիզմները պետք է համահունչ լինեն նաեւ շուկայական ազատ մրցակցության սկզբունքին եւ միջազգային պարտավորություններին: Հանրային խորհրդի անդամները եւս մեկ անգամ շեշտել են փոքր եւ միջին բիզնեսի համար նպաստավոր պայմաններ ստեղծելու, տեղական արտադրությունը զարգացնելու անհրաժեշտությունը:

Որոշվել է կազմակերպել նեղ մասնագիտական քննարկում՝ հրավիրելով տնտեսագետների, ոլորտի մասնագետների եւ համատեղ մշակել իրավիճակի գնահատման, կարճաժամկետ ու երկարաժամկետ առումով լուծումներ նախատեսող կոնկրետ առաջարկների փաթեթ եւ ներկայացնել ՀՀ կառավարություն:

Տպել
279 դիտում

Գյումրու ԲԿ-ի սկանդալից հետո աշխատանքից ազատվողներ կլինեն. ԲԿ-ն հայտարարություն է տարածել

ԱԱԾ-ն ու ոստիկանությունը Երեւանում շարունակում են ահաբեկիչների փնտրտուքը

2017-ի լավագույն ցուցանիշներ արձանագրած ՔԿ ստորաբաժանումն ու քննիչը. 2-ն էլ Երեւանում

Թուրքիայի զինուժը թնդանոթներով կրակ է բացել Աֆրին հասած սիրիական ուժերի ու լրագրողների վրա

Տնտեսության անկում, արտագաղթ ու սոցիալական ծանր վիճակ. ավելի քան 800 գործազուրկ Լոռիում

Գոնե մի քիչ մեր ժողովուրդը զգար, որ ինքը այն մեկն էր, ոչ թե ներկա 10 հազարանոցը․ Մանուկյան

Վոլգոգրադից Երեւան եւ հակառակ ուղղությամբ ուղիղ չվերթներ կլինեն

Նշանակումներ ու ազատումներ՝ ՀՀ քննչական կոմիտեում. ազատվել են գնդապետ ու փոխգնդապետ

Լվացքի մեքենաներ կան. Արծրուն Հովհաննիսյանը՝ Քեմբրիջի համալսարանի ուսանողի գրառման մասին

Թուրքիայի 17 պետական ծառայող քաղաքական ապաստան է խնդրում Հունաստանի իշխանություններից

Կապի օպերատորները կբացահայտեն, թե 911 եւ 102 համարներին որտեղից է զանգ կատարում քաղաքացին

Հայաստանն ու Ռաս Ալ Խայմա էմիրությունը կհամագործակցեն Շեյխի ու ՓՄՁ ԶԱԿ-ի տնօրենի հուշագրով

Բերման է ենթարկվել 70-ամյա տղամարդ ՝ արգելված մացառախոզ որսալու կասկածանքով

Պատկերացնում էի, թե ինչպես եմ ատրճանակը հանում եւ պահում Սերժ Սարգսյանի ճերմակած քունքին

Հայտնաբերել են ժամկետանց «թարմ հավ ու կարագ», ձուկ, քաղցրաբլիթ ու սալ (լուսանկարներ)

Վանաձորը վերջապես կազատվի քաղաքի մուտքերի «ժանգոտած» ու ջնջված ցուցանակներից

Վանաձոր-Ալավերդի նորոգվող ճանապարհին միանգամից 3 ընկերություն է աշխատում (լուսանկարներ)

«Հետախուզվում են» Նորատուսցի Ալիկի եւ մյուսների գործով ապացույցներ դանակը, պարկուճները

Կտրել քրդերի օգնությունը դրսից. Էրդողանը հայտնել է Աֆրինի շրջափակման մտադրության մասին

Պաշտոնական այցով Հայաստան կժամանի Լիբանանի Հանրապետության նախագահ Միշել Աունը