Ոստիկանների անձնական բջջային հեռախոսների եւ մեքենաների ծախսը կփոխհատուցվի

Կառավարությունը երեկ փոփոխություններ կատարեց նախկին որոշումներից մեկի մեջ, որը վերաբերվում էր կոռուպցիայի դեմ պայքարի ռազմավարությանը: Որոշման նախագիծը գործադրի հավանությանը ներկայացրեց կառավարության աշխատակազմի ղեկավար Վահե Ստեփանյանը: Մասնավորապես, սահմանվել է 2018 թվականի ընթացքում կոռուպցիայի դեմ պայքարի ռազմավարության թիրախային ուղղությունների մասով կատարվելիք աշխատանքների ժամանակացույցը: Հստակեցվել են կոնկրետ անելիքները, որտեղ նշված է նաեւ անհրաժեշտ նյութատեխնիկական բազան:

2018 թվականին կոռուպցիայի դեմ պայքարի 4 գերակա ճյուղերն են՝ ոստիկանության, պետական եկամուտների կոմիտեի, առողջապահության եւ կրթության ոլորտներում առկա կոռուպցիոն ռիսկերի նվազեցումն ու վերացումը: Բազմապիսի ծրագրերից զատ ոլորտ առ ոլորտ նշվել է, թե ինչեր պետք է ձեռքբերվեն այդ ոլորտներում կոռուպցիան նվազեցնելու համար: Ստորեւ կներկայացնենք ոստիկանության համար ձեռք բերվելիք նյութատեխնիկական միջոցների քանակն ու արժեքները:

2018 թվականին ոստիկանության 480 ծառայողի հետ դասընթացների կանցկացվեն: Դասընթացների ընդհանուր արժեքը կազմում է 6 միլիոն 240 հազար դրամ:

Կներդրվի օպերլիազորների, հետաքննիչների, համայնքային եւ անչափահասների գործերով տեսուչների ծառայությանն առնչվող ծախսերի՝ անձնական օգտագործման ավտոտրանսպորտային միջոցների, բջջային հեռախոսակապի ծախսերի մասնակի փոխհատուցման համակարգ:

Ոստիկանության նշված ծառայողների թվաքանակը գաղտնի է պահվում, սակայն ամեն մեկի մասով նախատեսվել է որոշակի գումար: Օպերլիազորների տրանսպորտային ծախսի փոխհատուցման չափը կազմում է մեկ տարվա համար 372 հազար 600 դրամ, մյուսներինը՝ 248 հազար 400 դրամ: Օպերլիազորների բջջային հեռախոսի վճարից կփոխհատուցվի տարեկան 42 հազար դրամի չափով, մյուսներինը՝ 30 հազար դրամ: Փոխհատուցման ընդհանուր գումարը կազմում է 684 միլիոն 943 հազար դրամ:

Վարորդական իրավունքի գործնական քննության ողջ ընթացը տեսանկարահանելու եւ հեռարձակելու համար նախատեսվում է քննության համար նախատեսված մեքենաներ գնել, որոնք ապահովված կլինեն տեսախցիկներով: Ոստիկանության համար ձեռք կբերվի 2.5 միլիոն դրամ արժեքով 1 մոպեդ, 8 միլիոն դրամ արժողությամբ 1 տրիցիկլ, 5 միլիոն դրամ արժեքով 1 թեթեւ երկանիվ մոտոցիկլ, 6.5 միլիոն դրամ արժեքով՝ երկանիվ մոտոցիկլ, 7.5 միլիոն դրամով ավտոմատ փոխանցման տուփով թեթեւ մարդատար ավտոմեքենա, 6 միլիոն դրամով՝ տեխնիկական փոխանցման տուփ ունեցող թեթեւ մարդատար ավտոմեքենա: Ձեռք կբերվի նաեւ 40 միլիոն ընդհանուր արժեք ունեցող երկու բեռնատար ավտոմեքենա, նույն գնով՝ երկու ավտոբուս: Բոլոր մեքենաների մեջ տեսախցիկներ կտեղադրվեն, յուրաքանչյուր տեսախցիկի համար նախատեսված է 500 հազար դրամ: Նշված գնումներն ու որոշակի ծառայություններ ձեռք բերելու ընդհանուր արժեքը կազմել է 256 միլիոն դրամ:

Ոստիկանության անձնագրային եւ վիզաների վարչության սպասարկման կենտրոններում քաղաքացիների հերթը կազմակերպելու համար սարքավորումներ ձեռք կբերվեն: Հերթի կանոնակարգման տերմինալների քանակը 35 է: Տերմինալների մեկ հատի միջին շուկայական արժեքը կազմում է 450 հազար դրամ, իսկ բոլորի համար ծրագրային ապահովումը 250 հազար դրամ արժի: Այս ծրագիրն իրականացնելու համար նախատեսվել է 16 միլիոն դրամ: Անձնագրային եւ վիզաների վարչության վեբ կայքը կվերազինվի, որի համար կհատկացվի 1.5 միլիոն դրամ:

Երեւան քաղաքի Կենտրոն, Արաբկիր եւ Նոր Նորք վարչական շրջանների անձնագրային եւ վիզաների վարչության գրասենյակներում թղթադրամ եւ մանրադրամ ընդունող տերմինալներ կտեղադրվեն: Ընդհանուր առմամբ 4 նմանատիպ սարք է պետք գնել, որոնցից ամեն մեկն արժե 1.5 միլիոն դրամ:

Ճանապարհային ոստիկանության մեքենաների մեջ նախատեսվում է տեղադրել GPRS համակարգեր: Մեկ տարվա համար սարքը տեղադրելն ու սպասարկելը կարժենա 25 միլիոն 704 հազար դրամ՝ ամեն մեքենայի համար 72 հազար դրամի չափով: Այս թվերի օգնությամբ կարողանում ենք պարզել, որ ճանապարհային ոստիկանությունն ունի առնվազն 357 հատ ավտոմեքենա ունի:

Տավուշի մարզում կստեղծվի ավտոմեքենաների հաշվառման եւ հաշվառումից հանելու համար գրասենյակ՝ ինչպես որ կա Երեւանում: Շինարարական եւ կահավորման ծախսերը ընդհանուր վերցրած կազմում են մոտ 200 միլիոն դրամ:

Հակակոռուպցիոն ռազմավարության 2018 թվականի ծրագրերն իրականացնելու համար կառավարության որոշմամբ արձանագրվել է, որ անհրաժեշտ է 1 միլիարդ 384 միլիոն դրամ: Կառավարության աշխատակազմից չեն շտապում ասել, թե  որտեղից է այդ գումարը հատկացվելու ռազմավարությունն իրականացնելու համար: Կառավարության աշխատակազմի տեղեկատվության եւ հասարակայնության հետ կապերի վարչությունից խոստացան հարցին պատասխանել եկող շաբաթվա սկզբին:

Նշենք, որ հակակոռուպցիոն ռազմավարության եւ դրա իրականացման 2015-2018 թվականների միջոցառումների ծրագիրը հաստատվել է 2015 թվականին՝ Հովիկ Աբրահամյանի կառավարության ժամանակ: Ռազմավարության ծրագիրը հաստատելու որոշման մեջ ֆինանսների նախարարությանը հանձնարարված էր ուսումնասիրել ծրագիրը պետական բյուջեի հաշվին իրականացնելու հնարավորությունը:

Տպել
4778 դիտում

Ընտրությունները կարեւոր են. Հայաստանի ժողովուրդը վերաձեւում է իր ապագան. ՄԱԿ-ի հատուկ զեկուցող

Կարեն Սարուխանյանը գյումրեցի դպրոցականներին արձակուրդ է տվել. թիվ 18 դպրոցում դասեր չեն լինի

Փաստաբանը միջնորդություն է ներկայացրել դատախազին՝ Մայրապետյանին անձնական երաշխավորություններով ազատ արձակելու մասին

Դավիթ Խաժակյանը կղեկավարի «Լուսավոր Հայաստան»-ի շտաբը

Վարդենյանց եւ Ճամբարակի լեռնանցքներում խիտ մառախուղ է

ՀՀԿ-ն պնդում է՝ Փաշինյանը մարտի 1-ին անկարգություններ է հրահրել, այնինչ, այդ մասին խոսք չկա անգամ մեղադրանքում

Հրաչյա Հարությունյանը (Կրակեմ Հրաչ) 26 մլն դրամ եւ 50 հազար դոլար ունի

Ազատ առեւտուր եւ ինտեգրացիա. Մհեր Գրիգորյանն ընդունել է ԵԱՏՀ նախարար Վերոնիկա Նիկիշինային

Շինարարության թույլտվություն՝ առավելագույնը 15 օրում. ինչպե՞ս կառուցել Երեւանում

Գրոհային մարտավարական խմբեր. Փաշինյանը հետևել մարտավարական զորավարժությանը

Ucom-ի և IE բիզնես դպրոցի նախաձեռնությամբ կայացավ Big Data-ին վերաբերող միջոցառումը

Փարիզյան ֆորումը եւ Հայաստանի դիվանագիտության հերթական քայլը

Վեհափառը դա Աստծուց է. Շարմազանովը՝ Գարեգին Բ-ի մասին

Ինչու Արգամ Աբրահամյանը չի առաջադրվել. պարզաբանում են ԲՀԿ-ից

Գրոհող խմբերը կիրառում էին նոր մարտավարություն. Փաշինյանը եւ Տոնոյանը հետեւել են զորավարժություններին (լուսանկարներ)

Ռաֆիկ Գրիգորյանի համար անակնկա՞լ է եղել ՀՀԿ-ի ցուցակում իր անունը տեսնելը. մեկնաբանում է նա

Իտալիայի կառուցապատող ընկերությունների ասոցիացիան հետաքրքրված է ՀՀ-ում գործունեությամբ. հանդիպում նախագահի հետ

Ընտրախախտում է կատարել. ՕԵԿ ավագանու թեկնածուին մեղադրանք է առաջադրվել. ՀՔԾ

Առաջին անգամ ՎՏԲ-Հայաստան Բանկը Սիլ Ինշուրանսի հետ գործարկում է հիփոթեքային վարկավորման կանխավճարի ապահովագրություն

Արզնիում հայտնաբերել է 63-ամյա տղամարդու դի` որոշ հյուսվածքների բացակայությամբ