«Երկար վերադարձ». մայիս ամսից երկար սպասված ֆիլմը կլինի մեծ էկրաններին

19/01/2018 schedule20:05

Փետրվար ամսից կիրականացվի «Երկար վերադարձ» Ֆիլմի հետարտադրական վերջնական փուլը: Իսկ մայիս ամսից ֆիլմն արդեն  կլինի մեծ էկրաններին:

Իրական փաստերի վրա հիմնված ռեժիսոր Շավարշ Վարդանյանի «Երկար վերադարձ» գեղարվեստական ֆիլմը ղարաբաղյան պատերազմում զենք վերցրած հայ աշխատավորի, մտավորականի,  իր ընտանիքը պաշտպանելու համար կռվող հայ կնոջ և երեխաների հերոսական սխրանքների, կյանքի հանդեպ ունեցած սիրո և հավատքի մասին է, որը չի խամրում նույնիսկ պատերազմի ամենադաժան և սոսկալի պահերին:

Պատերազմական դրաման պատահականությամբ Արցախում հայտնված ֆրանսիացի բժիշկ Ժակի և պատերազմի պատճառով ամուսնուն ու երեխաներին կորցրած արցախցի կնոջ` Սոնայի ծանոթության և փոխհարաբերությունների մասին է:

«Երկար վերադարձ» ֆիլմի նկարահանման ընթացքի, առաջացած խնդիրների, ֆինանսավորման հետ կապված տարատեսակ հայտարարությունների և այլ մանրամասների մասին խոսել ենք ֆիլմի պրոդյուսեր և երկրորդ ռեժիսոր, «Ռակուրս» ՍՊԸ-ի հիմնադիր տնօրեն Հրաչյա Ռաֆիկի Մեսրոպյանի հետ:

Պարոն Մեսրոպյան, ո՞ր թվականից են սկսվել «Երկար վերադարձ» ֆիլմի աշխատանքները, ինչպե՞ս է ընթացել արտադրության ընթացքը:

- Ֆիլմի աշխատանքները սկսվել են 2014 թվականից, և նմանատիպ լայնածավալ աշխատանքը ավարտին հասցնելու համար կամ անհրաժեշտ են մեծ ֆինանսական միջոցներ կամ համբերություն և որոշակի ժամանակահատված, որպեսզի հաղթահարվեն բոլոր խնդիրները: Մեր ճակատագիրը եղել է վերջինս և անցնելով մի շարք խնդիրների, չնախատեսված իրավիճակների միջով, 2014-2016 թվականներին իրականացվել են ֆիլմի հիմնական նկարահանումները: Նվազագույն միջոցներով ստացել ենք առավելագույնը, ինչը մեծ ջանքեր, ներուժ, էներգիա, առողջություն է պահանջում։ Կարծում եմ, որ «Երկար վերադարձը» արցախյան պատերազմի թեմայով մինչև այժմ նկարահանված հայկական ֆիլմերից ամենածավալունն ու տարողունակն է՝ դերասանական մեծ խմբի մասնակցությամբ և զանգվածային  տեսարաններով:

Ե՞րբ էր նախատեսվել ֆիլմը վերջնական ավարտին հասցնել:

- Ֆիլմի ստեղծումը ստեղծագործական մի մեծ գործընթաց է, որի իրագործմանը մասնակցում են անհատներ և ստեղծագործական խմբեր: 2017 թվականից սկսվել է ֆիլմի հետարտադրական փուլը, որը բաղկացած է մի շարք փուլերից և նախատեսված է եղել ավարտին հասցնել 2017 թվականի վերջին, սակայն մի շարք ստեղծագործական աշխատանքներից ելնելով, այն իրականացվել է որոշակի ընդհատումներով և խախտվել է ավարտի ժամանակացույցը:

- 2017-ին նախատեսված էր ֆիլմը ներկայացնել հանդիսատեսի դատին: Ինչո՞ւ մինչև հիմա պատրաստ չէ, ի՞նչ խոչընդոտներ կան:

- Թե ում և ինչ պատճառներով է խախտվել, դրա մասին հարկ չեմ համարում խոսել այս պահին: Ցանկացած ստեղծման գործընթաց ունենում է իր խնդիրները, որի մասին հարկ չեմ համարում հանրությանը տեղեկացնել: Այն հետաքրքրասերները, ովքեր փորձում են տարատեսակ ենթադրություններ անել ծախսված և չծախսված գումարների մասին, թող զինվեն ևս մի փոքր համբերությամբ, քանի որ մոտ ապագայում սպասվում է ֆիլմի պրեմիերան, որից առաջ կհայտարարվի մամլո ասուլիս և այդ ժամանակ շատ-շատերի համար նոր բացահայտումներ և զարմանքներ կլինեն «Երկար վերադարձ»-ի երկար ու տանջալից ստեղծման ուղու մասին:

    Ֆիլմից կադր

Ո՞վ է ֆիլմի  իրավատերը:

- Ֆիլմի իրավատերերն են «Հայաստանի Ազգային կինոկենտրոն» ՊՈԱԿ-ը և «Ռակուրս» ՍՊԸ-ն: Լինելով «Երկար վերադարձ» ֆիլմի տնօրեն, երկրորդ ռեժիսոր և պրոդյուսեր, ինքս հսկել, ղեկավարել և կազմակերպել եմ ֆիլմի ողջ գործընթացը, քանի որ նման մասշտաբի և միջազգային չափանիշներին համապատասխան ֆիլմ ստեղծել սուղ ֆինանսական միջոցներով, գրեթե անհնար է:

- ֆիլմի նկարահանումները Ազգային կինոկենտրոնի տրամադրած գումարով են կատարվել: Ո՞ր փուլում է անավարտ մնացել ֆիլմը:

- «Երկար վերադարձ» գեղարվեստական ֆիլմի ստեղծման գործընթացում՝ սկսած 2014 թվականից մինչ օրս, կատարվել են սցենարական մշակման աշխատանքներ, դերասանական մեծ կազմի ընտրություն:

Իրականացվել է երեք խոշոր նկարահանման աշխատանքների նախապատրաստում, երեք խոշոր նկարահանումների փուլ, ընթացիկ նկարահանումներ, նկարահանում արտերկրում, ֆիլմի նախնական 3 տարբերակի մոնտաժման աշխատանքներ, գրաֆիկական աշխատանքների մի մասը:

Այս գործընթացում ծախսվել են ոչ միայն Ազգային կինոկենտրոնի տրամադրած գումարները, այլեւ շատ ուրիշ գումարներ:

Ֆիլմի նկարահանման ընթացքը

Մի անգամ «Երկար վերադարձ» ֆիլմի ռեժիսոր Շավարշ Վարդանյանն ասել էր, որ  ստեղծագործական խումբն աշխատանքային գրասենյակ անգամ չունի, դա էլ պիտի վարձակալել: Նկարահանող խումբը որտե՞ղ է հավաքվում աշխատանքներն իրականացնելու և քննարկումներ անելու համար:

- Կարծում եմ՝ Շավարշ Վարդանյանը դրա մասին ասել է, երբ համագործակցության մեջ չի եղել մեզ հետ: 2014 թվականից է սկսվել մեր համագործակցությունը: «Երկար վերադարձ» ֆիլմը ունեցել է և այս 4 տարիների ընթացքում ունի աշխատասենյակ բոլորին հասանելի Կոմիտասի պողոտայում` տեխնիկապես գերհագեցված, գրասենյակային աշխատանքներ իրակացնելու համար, անգամ մոնտաժային համակարգչով համալրված և հոգնած աշխատակազմի լոգանք ընդունելու հնարավորությամբ, պահեստային 2 տարածքներով:

Ցանկացած նկարահանող և ֆիլմարտադրության ստեղծագործական խումբ կերազեր ունենալ նմանատիպ աշխատանքային միջավայր: Դա կարող է փաստել ֆիլմում աշխատած ցանկացած մարդ: Այնպես որ, եթե Շավարշ Վարդանյանը խոսել է սրա մասին, նկատի է ունեցել, որ դրանք ևս ծախսեր են, որի մասին հոգացել եմ և ստեղծել մաքսիմալ հարմարավետ ստեղծագործական միջավայր:

ֆիլմը ե՞րբ կլինի էկրաններին:

- Եթե հետարտադրական փուլը ընթանա սահուն` առանց խոչընդոտների, մեծ ցանկություն ունենք ֆիլմը էկրան բարձրացնել մայիս ամսին:

 Կադրեր «Երկարր վերադարձ» ֆիլմից

Ի՞նչ նոր նախագծեր, ի՞նչ ծրագրեր կան այս տարի ֆիլմարտադրության հետ կապված:

- 2018 թվականը ծանրաբեռնված կլինի մեզ համար, քանի որ պլանավորված է «Երկար վերադարձ» ֆիլմը հասցնել ավարտին և համաշխարհային պրեմիերաներ կազմակերպել:

Կշարունակվեն «Հայելուկ» հաղորդաշարի նկարահանումները եվրոպական երկրներում, պլանավորում եմ նկարահանել խաղարկային-դոկումենտալ ֆիլմ` նվիրված 1988թ. երկրաշարժի զոհերի հիշատակի 30-ամյակին, ըստ 2006 թվականին ստեղծած իմ «Դժոխք» դոկումենտալ ֆիլմի:

Հրաչյա Մեսրոպյանը մի շարք հաղորդաշարերի, վավերագրական ֆիլմերի հեղինակ և ռեժիսոր է: Դրանցից են «Դժոխք», «Տյառնընդառաջ», «Բուն բարեկենդան», «Ժպիտով ասել ճշմարտությունը» տեսաֆիլմերը, Հայաստանյան Ա-ԹիՎի և Արմենիա հեռուստաընկերությունների համար պատրաստվող «Հայելուկ» հաղորդաշարը, «Եվրատեսիլ 2010»-ի «Ծիրանի կորիզ» երգի տեսահոլովակը, «Դորիանս» համույթի «Կուլամ» տեսահոլովակը, որը 2011թ. Ազգային երաժշտական մրցանակաբաշխության ժամանակ ճանաչվել է տարվա լավագույն տեսահոլովակ և մի շարք տեսահոլովակներ:

                                                                                                                                                                                                                        Աղունիկ Հովհաննիսյան

Տպել
3845 դիտում

ՊԲ հրամանատարն ու Անջեյ Կապշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով

Լուսինեի ներշնչանքի աղբյուր է դառնում ցանկացած իր. նկարչուհին իր բրենդն է ստեղծել

Ժամը 18:00-ի դրությամբ, համաներմամբ ազատ է արձակվել 465 դատապարտյալ

Քիչ առաջ ձերբակալվել է 20-ամյա կնոջը դաժան ծեծի ենթարկած 30-ամյա ամուսինը

Մայրապետյանն ազատության մեջ կդրսեւորի պատշաճ վարքագիծ. լրատվամիջոցների ղեկավարները հավաստիացնում են Փաշինյանին

«Ժառանգություն»-ը որոշել է չմասնակցել խորհրդարանական արտահերթ ընտրություններին

«Լույս» հիմնադրամը վերադառնում է, բայց կրթաթոշակ չի տալու. նոր նպատակները քաղաքակա՞ն են

Վարչապետի առաջարկով եւ նախագահի հրամանագրով Լեհաստանում ՀՀ նոր դեսպան է նշանակվել

Պետությանը հասցվել է 96 մլն դրամի վնաս, հարուցվել է 19 քրեական գործ. ուսումնասիրություններ՝ զինուժում