Երևան
23 °C
searchclose
today
menuclose
Երևան
23 °C
ՀՀԿ խմբակցության ղեկավար Վահրամ Բաղդասարյանը խորհրդարանում պատասխանելով հարցին, թե ՀՅԴ-ն տեղյակ է եղել նախագահի թեկնածուի ընտրությունից եւ ի՞նչ դիրքորոշում ունի, խմբակցության ղեկավարն ասաց.
«Մենք առաջիկայում քննարկումներ կունենանք տարբեր քաղաքական ուժերի հետ, մեր առաջադրած թեկնածուն կհանդիպի մյուս քաղաքական ուժերի հետ: Համոզված ենք, որ հանդիպումներից հետո մեր թեկնածուն ընկալելի կլինի բոլորի կողմից եւ լայն համաձայնության պայմաններում կընտրենք ՀՀ 4-րդ նախագահին»,- նշեց նա:
Դեսպան Արմեն Սարգսյանն այսօր Սերժ Սարգսյանից ստանալով նախագահի թեկնածության առաջարկությունը՝ ժամանակ է խնդրել վերջնական որոշում կայացնելու համար: Վահրամ Բաղդասարյանից հետաքրքրվեցին, ինչ կարծիք ունի, արդյո՞ք Սարգսյանը կմերժի ՀՀԿ-ին:
«Բնականաբար, երբ լինում է առաջարկություն, դրա համար նաեւ ժամանակ է պետք: Մենք ունենք ժամանակ, շտապելու ոչինչ չունենք: Մենք մինչեւ փետրվարի 18-ը թեկնածու առաջադրելու ժամանակ ունենք, բայց պետք է ժամանակների մեջ տեղավորվենք, որովհետեւ մինչեւ մարտի 10-ը պետք է ընտրած լինենք 4-րդ նախագահին»,- ասաց ՀՀԿ խմբակցության ղեկավարը:
«Հայկական ժամանակ»-ի հարցին, եթե Արմեն Սարգսյանը մերժի ՀՀԿ-ին, ապա կուսակցությունն այլ թեկնածուներ ունի՞, որ առաջադրի, Բաղդասարյանն ասաց.
«Առայժմ առաջադրել ենք թեկնածու, հանդիպում եղել է նրա հետ, եթե ֆորսմաժորային իրավիճակ կլինի, ապա մենք ժամանակ ունենք նոր քննարկում կազմակերպելու»,- նշեց Վահրամ Բաղդասարյանը, իսկ հարցին, թե համոզմո՞ւնք կա որ չի մերժի, ասաց.
«Բնականաբար, կա այդ համոզմունքը, որովհետեւ յուրաքանչյուր հայի համար մեծ պատիվ է նման վստահությունը: Մենք գնահատել ենք իր ուժերը, հնարավորությունները, ունակությունները: Բնականաբար՝ նա եւս պետք է գնահատի իր ուժերը»:
Սերժ Սարգսյանը նշել է, որ ցանկանում է նախագահի ընտրությունները մեկ փուլով անցկացվեն, Վահրամ Բաղդասարյանն այն մեկնաբանում է այսպես. դա միջազգային իմիջի եւ հանրության համար ավելի ընկալելի լինելու համար կարեւոր է:
«Սա չի կարող լինել պարտադրանք, սա պարզապես հորդոր է, որ նա հանրության մեջ ավելի ընկալելի եւ ընդունելի լինի, որովհետեւ հանրապետության ընտրված նախագահի լիազորությունների մեջ մտնում է նաեւ քաղաքական ուժերի համախմբումը: Նախագահը, եթե համընդհանուրի կողմից է ընտրվում, նրա հանդեպ վստահությունն ավելի բարձր է լինում»,- ասում է Բաղդասարյանը:
Հարցին, թե ինչու՞ պետք է ընդդիմադիր թեւը սատարի ՀՀԿ-ի թեկնածուին եւ դա այն դեպքում, երբ ԵԼՔ դաշինքը սեփական թեկնածուն ունի, Վահրամ Բաղդասարյանն ասաց.
«Եթե որեւէ քաղաքական ուժ կունենա իր թեկնածությունը, նա կարող է դեմ չլինելով՝ աջակցի այլ թեկնածուի: Ինձ թվում է, որ ընդդիմադիրների հետ բանակցային փուլում արդյունավետ կլինի այդ հանդիպումը: Այլ ուժ կարող է ունենալ իր թեկնածուին, բայց դրանով հանդերձ դրական կարծիք ունենա մեր թեկնածուի հանդեպ: Սա էլ է համաձայնություն ինչ-որ չափ»,- ասաց Բաղդասարյանը:
«Հայկական ժամանակ»-ի դիտարկմանը, որ այնուհանդերձ նախագահի ընտրությունները լինելու են մեկ թեկնածուով, քանի որ ԵԼՔ-ը ունի ցանկություն, բայց համապատասխան ստորագրություններ չհավաքելու պատճառով չի կարող առաջադրել թեկնածու, իսկ Ծառուկյան դաշինքից նշում են, որ իմաստ չեն տեսնում նախագահ առաջադրելու, Վահրամ Բաղդասարյանը մեկնաբանեց.
«Ընդդիմադիր ուժերը միասին կարող են առաջադրել թեկնածու, այդ հարցը պետք է իրենց ուղղեք, իսկ նախագահի ընտրության առաջին փուլի համար 75 ձայն է հարկավոր եւ կոալիցիոն գործընկերների ձայնը չի բավարարում, պետք է լինի համաձայնություն: Մենք չենք կարող ինչ-որ ձեւով աջակցել մեր ընդդիմադիր գործընկերներին, որ իրենք եւս թեկնածու առաջադրեն»,- ասաց Վահրամ Բաղդասարյանը:
Նախագահի ընտրությունն առաջին փուլով ավարտին հասցնելու համար ՀՀԿ-ի եւ ՀՅԴ-ի պատգամավորների թիվը չի բավարարում, այսինքն՝ անհրաժեշտ է նաեւ 3-րդ քաղաքական ուժից որոշ քվեներ՝ առաջին փուլի համար 75 ձայն ապահովելու համար: ՀՀԿ եւ ՀՅԴ խմբակցությունները միասին ունեն 65 պատգամավոր, այսինքն՝ անհրաժեշտ է եւս տասը պատգամավորի ձայն: Գագիկ Ծառուկյանը վերջերս ԱԺ-ում հայտարարեց, որ չի բացառում, թե կսատարեն ՀՀԿ-ի թեկնածուին: Վահրամ Բաղդասարյանը Ծառուկյանի հայտարարության հետ կապված ասաց.
«Նրանք չէին բացառել, որովհետեւ դեռ պարզ չէր մեր թեկնածուն: Մենք ընտրել ենք մի թեկնածուի, ով երբեք որեւէ քաղաքական ուժի անդամ չի եղել, աշխատել է երեք նախագահների հետ: Մենք այս տեսակետից ենք ասում, որ կարող է ընկալելի լինել բոլոր քաղաքական ուժերի համար: Ընդդիմությունը չպետք է առաջնորդվի այն տեսակետով, որ սա իշխանության թեկնածու է, իսկ մենք ընդդիմություն ենք: Ավելի խորաթափանց ուժերը պետք է մտածեն՝ արդյո՞ք ներկայացված թեկնածուն կարող է պատասխանատվություն վերցնել, որպես հանրապետության նախագահ»,- ասաց ՀՀԿ խմբակցության ղեկավարը:
Լրատվամիջոցներում տեղեկություններ տարածվեց, որ Արմեն Սարգսյանի անվան հետ կապվում են մի շարք ընկերություններ, բիզնեսներ: «Հայկական ժամանակ»-ը ՀՀԿ խմբակցության ղեկավարից հետաքրքրվեց, թե տեղյա՞կ են Սարգսյանի բիզնեսների մասին:
«Մենք ոչ միայն տեղյակ ենք, այլեւ ամեն ինչ ուսումնասիրել ենք, իր անվան հետ կապված որեւէ բան չկա: Գուցե ընտանիքի անդամների հետ են կապված, մենք այսպիսի քայլ ենք կատարել, որ ամեն ինչ օրենքի շրջանակներում է, հակասահմանադրական բան չկա»,- եզրափակեց Բաղդասարյանը:
Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա
Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան
Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան
Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան
Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել
