Բոլոր տարբերակներից ամենահաջողն են ընտրել. քաղաքագետը՝ Արմեն Սարգսյանի թեկնածության մասին

Հունվարի 19-ին արդեն պաշտոնապես հաստատվեց ՀՀԿ նախագահի թեկնածուի անունը։ Նա Մեծ Բրիտանիայում և Հյուսիսային Իռլանդիայում ՀՀ արտակարգ եւ լիազոր դեսպան Արմեն Սարգսյանն է։ Ինչո՞ւ ենք նրան համարում թեկնածու՝ երբ ԱԺ մեծամասնությունը ՀՀԿ-ական է, և արդյո՞ք մտածելու ժամանակահատվածում Արմեն Սարգսյանը կարող է չցանկանալ դառնալ նախագահ: Այս եւ այլ հարցերի պատասխանները ստացանք քաղաքագետ Արմեն Բաղդասարյանից։ 

- Պարոն Բաղդասարյան, այսօր արդեն պաշտոնապես տեղեկացանք, որ ՀՀԿ նախագահի թեկնածուն Արմեն Սարգսյանն է: Նա Սերժ Սարգսյանին ասել է, որ վերջնական որոշում կկայացնի եւ կպատասխանի, սա արդյո՞ք ձեւական չէ։

- Ես կարծում եմ, ձևական պրոցես է, եւ կարծում եմ, որ Սերժ Սարգսյանն ինքը նախօրոք այդ թվարկած հանդիպումները պիտի անցկացներ եւ նոր միայն դրանից հետո հայտարարեր իշխող կուսակցության թեկնածուի անունը։

- Երբ ասում են՝ նախագահի թեկնածու, արդյո՞ք այս դեպքում ճիշտ է, քանի որ ՀՀԿ-ն ԱԺ-ում մեծամասնություն է կազմում ու թերեւս կարելի է միանգամից ասել, որ Արմեն Սարգսյանն է լինելու հաջորդ նախագահը։

- Այո կարծում եմ, որ թեկնածություն ասելը ճիշտ է, իհարկե ձեւական է, բայց ճիշտ է, որովհետեւ պարտադիր չէ, որ ՀՀԿ-ն զինվորների նման միաձայն քվեարկի իշխող կուսակցության թեկնածուի օգտին։ Զուտ ձեւականորեն եմ ասում, հասկանալի է, իհարկե, որ իրականում այդպես էլ կլինի։

- Փաստորեն, կարելի՞ է ասել, որ ՀՀ 4-րդ նախագահը Արմեն Սարգսյանն է, եւ հանրությունը այս օրերին ոչ թե ՀՀԿ թեկնածուին էր սպասում տեսնել, այլ՝ միանգամից ՀՀ նախագահին։

- Գործնականում այո, իսկ տեսականորեն, քանի որ ամեն դեպքում կարող են լինել մեկից ավելի թեկնածուներ եւ լինելու է քվեարկություն, իհարկե մինչեւ քվեարկությունը նա ընդամենը թեկնածու է։ Բայց բոլորս էլ հասկանում ենք, որ նա, եթե համաձայնվի, արդեն ընտրված նախագահ է, եւ հասկանում ենք նաեւ, որ նա կհամաձայնվի։ Այսինքն, կարող ենք ասել, որ նա, այո, Հայաստանի 4-րդ նախագահն է։

- Սերժ Սարգսյանն առաջարկել է նաեւ, որ նա հանդիպի ՀՀԿ կոալիցիոն գործընկերոջը՝ Դաշնակցությանը, խորհրդարանում ներկայացված քաղաքական ուժերին՝ «Ծառուկյան» եւ «Ելք» խմբակցություններին, արդյո՞ք սա էլ այդ ձեւական պրոցեսների մեջ չի մտնում։

- Ես կարծում եմ, որ դա ձևական է լինելու, բայց նաեւ վատ չի, որ այդպես է լինելու, որովհետեւ նույն Ծառուկյան դաշինքը, ԵԼՔ դաշինքը, երեւի իրենց նկատառումները հայտնեն, եւ քանի որ հաջորդ նախագահը պարտավորվածություն ունի՝ լինել անաչառ, գուցե նաեւ ստիպված լինի մեկ-երկու այդպիսի առաջարկ ընդունել։

- Պարոն Բաղդասարյան, իսկ դուք ի՞նչ եք սպասում Արմեն Սարգսյանից, որեւէ փոփոխություն ապագա նախագահից կարելի՞ է ակնկալել։

- Ոչ՝ իհարկե, որովհետեւ նա Հայաստանի ներքաղաքական իրավիճակի վրա որեւէ ազդեցություն չի ունենալու, տնտեսական գործընթացների վրա որեւէ ազդեցություն չի ունենալու։ Նրանից ակնկալում եմ, որ նա հաջողությամբ իրականացնելու է իր գործառույթները, որոնք շատ չեն տարբերվում ասենք՝ Սփյուռքի նախարարի գործառույթներից, կամ ԱԳՆ տեղակալի գործառույթներից։

- Փաստորեն, կարելի է ասել, որ այս պրոցեսը ամբողջությամբ, սկսած Սերժ Սարգսյանի հետ զրույցից վերջացրած նրա նախագահ դառնալով ձեւական բնո՞ւյթ է կրում։

- Միանշանակ, ամեն ինչ որոշված է, եւ որոշված էր դեռևս ավելի վաղ, երբ հաջորդ նախագահի չափորոշիչները հայտարարեցին, և օրենքը ենթադրում էր, որ նման գործընթաց պետք է լինի. իշխանություններն էլ գնում են այդ ճանապարհով, եւ ես կարծում եմ, որ բոլոր տարբերակներից ամենահաջողն են ընտրել։ Կարող էին ավելի անհաջող տարբերակ ընտրել։

- Հաջող ասելով նկատի ունեք, իրենց ենթարկվելո՞ւ առումով։

- Նկատի ունեմ, որ այն խնդիրները, որ իր վրա են դրված, նա կկարողանա իրականցնել, հաջողությամբ կգնա միջազգային հանդիպումների, ներկայանալի արտաքինով, ճանաչվածությամբ ինչ-որ բաներ կանի, որոնք չեմ կարծում, թե որեւէ նշանակություն կունենան։ Ամեն դեպքում, կանի իր պարտականությունները շատ լավ։

                                                                                                                 Նիկոլայ Ավետիսյան

Տպել
2167 դիտում

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով

Լուսինեի ներշնչանքի աղբյուր է դառնում ցանկացած իր. նկարչուհին իր բրենդն է ստեղծել

Ժամը 18:00-ի դրությամբ, համաներմամբ ազատ է արձակվել 465 դատապարտյալ

Քիչ առաջ ձերբակալվել է 20-ամյա կնոջը դաժան ծեծի ենթարկած 30-ամյա ամուսինը

Մայրապետյանն ազատության մեջ կդրսեւորի պատշաճ վարքագիծ. լրատվամիջոցների ղեկավարները հավաստիացնում են Փաշինյանին

«Ժառանգություն»-ը որոշել է չմասնակցել խորհրդարանական արտահերթ ընտրություններին

«Լույս» հիմնադրամը վերադառնում է, բայց կրթաթոշակ չի տալու. նոր նպատակները քաղաքակա՞ն են

Վարչապետի առաջարկով եւ նախագահի հրամանագրով Լեհաստանում ՀՀ նոր դեսպան է նշանակվել

Պետությանը հասցվել է 96 մլն դրամի վնաս, հարուցվել է 19 քրեական գործ. ուսումնասիրություններ՝ զինուժում

ՀՀ կարեւորում է ԱՄԷ-ի իրավապահ մարմինների միջեւ սերտ եւ օպերատիվ համագործակցությունը

Լիբանանում ՀՀ դեսպանը հետ է կանչվել, նոր դեսպան է նշանակվել Վահագն Աթաբեկյանը

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

ՆԱՏՕ-ի տասնմեկ երկրներ ռազմական ծախսերն ավելացրել են մինչեւ ՀՆԱ-ի երկու տոկոսը

Բարեգործական համերգ Աննա Հակոբյանի բարձր հովանու ներքո. հասույթը կտրամադրվի քաղցկեղով հիվանդ երեխաների բուժմանը

Տիգրան Ուրիխանյանը փոշմանել է

Նիկոլ Փաշինյանը ներկա է գտնվել Յուրի Վարդանյանի քաղաքացիական հրաժեշտի արարողությանը