ԵԼՔ-ի տպավորիչ երթն ավարտվեց, փետրվարի 5-ին կրկին երթ կլինի թանկացումների դեմ. թարմացված

Այսօր՝ հունվարի 19-ին, Երեւանում տեղի ունեցավ ԵԼՔ դաշինքի երթն ընդդեմ գնաճի: «Ոչ թանկացումներին» կագախոսով երթը մեկնարկեց  «Մոսկվա» կինոթատրոնի մոտից եւ ընթացավ  Աբովյան փողոցով, Հանրապետության հրապարակով, Ամիրյան փողոց, Մաշտոցի պողոտա, Թումանյան փողոց եւ ավարտվեեց Հյուսիսային պողոտայում: Մինչ երթի մեկնարակը ԵԼՔ դաշինքի պատգամավորներ Նիկոլ Փաշինյանը, Արամ Սարգսյանը եւ Էդմոն Մարուքյանը հանդես եկան կարճ ելույթներով:

Էդմոն Մարուքյանը եւս մեկ անգամ տեղեկացրեց, որ 2018 թվականի հունվարի 1-ին ուժի մեջ մտած Հարկային օրենսգրքի պատճառով առանձին ապրանքատեսակների գներ աննախադեպ բարձրացել են, որը կապված չէ միջազգային շուկայում տեղի ունեցող գնային քաղաքականության հետ:

«Նախ, պետք է ձեզ իրազեկենք, թե ինչ է տեղի ունեցել: ԱԺ-ն ընդունել է նոր Հարկային օրենսգիրք, որն ուժի մեջ է մտել այս տարվա հունվարի 1-ից: Նոր Հարկային օրենսգրքով ակցիզային հարկը բենզինի, սեղմված գազի համար բարձրացվել է, դիզվառելիքի համար ԱԱՀ է մտցվել եւ դրան գումարվել է նոր եկամտային հարկը, որը հարվածում է ՀՀ-ում նոր-նոր ձեւավորվող միջին խավին: Դուք գիտեք, որ դիզվառելիքի, բենզինի, սեղմված գազի թանկացումները մեր կյանքի բոլոր ոլորտների վրա անդրադառնալու են եւ արդեն անդրադարձել են»,- հայտարարեց Էդմոն Մարուքյանը:

Նա հիշեցրեց, որ նոր Հարկային օրենսգրքին ԵԼՔ-ը դեմ է քվեարկել եւ ներկայացրել է առաջարկներ, որոնք չեն ընդունվել: «Մեր պահանջը՝ նվազագույնը նախկին ակցիզային եւ եկամտային հարցին վերադառնալն է»,- ասաց Մարուքյանը:

Այնուհետ ելույթ ունեցավ պատգամավոր Արամ Սարգսյանը: Նա հայտարարեց, որ պետք է ամեն ինչ անեն, որպեսզի իշխանությունները գնան փոխզիջման եւ փոփոխելով Հարկային օրենսգրքի դրույթները, գների իջեցում կատարեն:  

Նիկոլ Փաշինյանն էլ, երկրի տնտեսությունը համեմատելով անսարք ջորիի հետ, նշեց, որ երեկ վարչապետ Կարեն Կարապետյանը Ազգային ժողովում տեղեկացնում էր, որ եթե բենզինը թանկացել է, ապա կա այլընտրանք՝ գազը, իսկ եթե գազը եւս թանկ է, մեզ մնում է միայն մեր հարեւանների հետ մեր մեքենան տեղաշարժելու համար բրդենք: «Մեր երկրի տնտեսությունը նման է այդ ջորիին, որը առաջ չի գնում»,- ննշեց Փաշինյանը:

Լուսանկարում՝ Նիկոլ Փաշինյանի ակնարկած անսարք «ջորին», որը նման է ՀՀ տնտեսությանն՝ առաջ չի գնում

Նիկոլ Փաշինյանն անդրադառնալով այսօր Մատենադարանի խորհրդի նախագահ նշանակված Սերժ Սարգսյանի եղբորը՝ Լեւոն Սարգսյանին, ԵԼՔ խմբակցության ղեկավարը նշեց, որ Սարգսյանների ընտանիքը կարծում է, թե իրենք անփոխարինելի են եւ ոչխարաբույծի պաշտոնից մինչեւ գիտնականի պաշտոն վստահում են իրենց ընտանիքի անդամներին: Փաշինյանը նաեւ հավելեց, որ մնում է միայն Սերժ Սարգսյանի մյուս եղբորը՝ Սաշիկ Սարգսյանին վստահեն Գիտությունների ազգային ակադեմիայի նախագահի պաշտոնը: Միաժամանակ նշեց, որ 2006 թվականից գիտությունների թեկնածու դարձած Լեւոն Սարգսյանը մինչ այդ որեւէ գիտական աշխատանք չի ներկայացրել:

Երթի ընթացքում  Էդմոն Մարուքյանը կոչ էր անում բոլոր քաղաքացիներին՝ միանալ իրենց երթին, որովհետեւ Հարկային օրենսգրքի փոփոխություններով պայմանավորված, ավելանում է նաեւ եկամտահարկի վճարը: Երթի ողջ ընթացքում մասնակիցները վանկարկում «ի-ջե-ցում», «ոչ գնաճին», «ոչ թալանին», «ոչ կոռուպցիային»:

Հասնելով Մաշտոցի պողոտա Նիկոլ Փաշինյանը դիմեց  կանգառում սպասող քաղաքացիներին. «Սիրելի քաղաքացիներ, եթե չի գալիս ձեր ավտոբուսը, դուք ունեք այլընտրանք, միացեք մեր երթին, եւ պահանջեք Հարկային օրենսգրքի փոփոխությունը: Այն պետք է դառնա հանրային պահանջ, որպեսզի մենք կարողանանք Ազգային ժողովում իշխանություններից պահանջել փոփոխություն»:  

ԵԼՔ դաշինքի պատգամավոր Էդմոն Մարուքյանը կոչով դիմեց հանրությանը՝ հիշեցնելով, որ 2017 թվականի ապրիլի 2-ին պատգամավորներն ընտրվել են ռեյտինգային ընտրակարգով եւ նրանց առաջարկեց՝ յուրաքանչյուրը դիմի իրենց ընտրատարածքի ՀՀԿ-ական պատգամավորներին, հարց բարձրացնի, թե ինչու են «կողմ» քվեարկել Հարկային օրենսգրքի փոփոխությանը եւ պահանջի նոր օրենքի ընդունում, իսկ Նիկոլ Փաշինյանը նշեց, որ հանրապետական մեծամասնությունը Սերժ Սարգսյանի գլխավորությամբ, այս օրենսգրքով հանրությանը պահում է գերության մեջ:

ԵԼՔ դաշինքի տպավորիչ երթն ավարտվեց Հյուսիսային պողոտայում: Նիկոլ Փաշինյանը հայտարարեց, թե կարող է արձանագրել, որ ԵԼՔ դաշինքը այսօր իրականացրել է (իր ստեղծման օրից,-հեղ.) իր ամենաբազմամարդ եւ էներգետիկայով լեցուն երթը: «Եւ ուզում եմ ձեզ հավաստիացնել եւ իմ զգացողությունն ասում է, որ ԵԼՔ-ն առաջիկայում կիրականացնի նաեւ ՀՀ պատմության ամենաբազմամարդ, ամենահզոր եւ ամենավճռորոշ երթը»,- հայտարարեց Նիկոլ Փաշինյանը:

Նա կարեւոր արձանագրումներ արեց:

«Ինչու մենք քայլեցինք Երեւանի փողոցներով: Քայլեցինք՝ արձանագրելու, որ ՀՀ-ում մեկնարկել է մի փոքրիկ գործընթաց, որով արձանագրվելու է, որ ՀՀ քաղաքացիների մեծամասնությունը թանկացմանն ասում է՝ ոչ, թալանին ասում է՝ ոչ: Հիմա պետք է արձանագրենք, թե ինչ է տեղի ունենալու սրանից հետո: Մեր խնդիրը այս էներգետիկան, այս ուժը, այս պահանջը... այս պահանջի սեփականատեր ու շահառու դարձնելն է ՀՀ ավելի ու ավելի շատ քաղաքացիների: Չգիտեմ, թե իշխանությունները այս երթից ինչ հետեւություններ կանեն, այս երթն իր ծավալներով սարսափելի չէ այս իշխանության համար, կարծում ենք, որ իշխանությունը պետք է մտածի Հարկային օրենսգրքում փոփոխություններ անելու մասին, որով կկասեցվեն թանկացումները»: 

Նա ասաց, որ փետրվարի 5-ին իրականացնելու են հաջորդ երթը, որն ունենալու է կոնկրետ նպատակ եւ պահանջ: Ըստ Փաշինյանի, եթե մինչ այդ իշխանությունը չնախաձեռնի Հարկայինի օրենսգրքի փոփոխություն, ուրեմն, ԵԼՔ-ը վերջնական տեսքի է բերում Հարկայինի օրենսգրքում փոփոխություններ կատարելու մասին իր տարբերակը եւ երթով կարձանագրի իր հաջորդ քայլը եւ կպահանջի, որպեսզի ԱԺ պատգամավորների մեկ քառորդը ստորագրի այդ օրակարգով արտահերթ նիստ անցկացնելու պահանջի տակ, որպեսզի այդ գները հետողորմյա արվեն: 

Տպել
3221 դիտում

Իմ սիրո օթեւան. հիմա էլ 22 հարկանի

Հայաստան. ընդդիմությունը գնում է հեղափոխության

Մեղադրանք. դատը կընթանա Վանաձորում

Վաշինգտոնը մտադիր չէ զիջումների գնալ Անկարային. Թրամփի կոշտ մեսիջը՝ Էրդողանին

Թբիլիսիում վթարի հետեւանքով տուժածներից մեկի վիճակը ծայրահեղ ծանր է

Ես որեւէ լուրջ դեպքերով չեմ անցել. Օսիպյանը՝ Մարտի 1-ի դեպքերին իր առնչության մասին

Ես գլխավորելու եմ Հանրապետություն եւ ԼՀ կուսակցությունների դաշինքի նախընտրական ցուցակը

Հ1-ի լուրերի նախկին տնօրենը՝ Քոչարյանի անվան հետ կապվող Արարատ TV գնալու մասին

Ես չեմ կարող կարգապահական վարույթ հարուցել դատավոր Ալեքսանդր Ազարյանի նկատմամբ. Զեյնալյան

Ծառուկյանի թիկնազորի պետ Էդուարդ Բաբայանն այսօր 20 միլիոն դրամ գրավի դիմաց ազատ կարձակվի

«Անցումային արդարադատությունը» դատարանների դատարան չի ստեղծելու, այն աջակցող է լինելու

Երեւանի Մոնթե Մելքոնյանի անվան դպրոցը նոր տնօրեն ունի. մրցույթին մասնակցել է 10 թեկնածու

Հայաստանում չկա դատապարտյալ, որը չունի սեփական մահճակալ. Արտակ Զեյնալյան

Արարատ, Արմնյուզ, Հ2, News.am, Երկիր Մեդիա, ֆեյքեր. որ լրատվամիջոցներն է «առել» Քոչարյանը

ՀՀ-ից պտուղ-բանջարեղենի արտահանման ծավալներն արդեն գերազանցել են 2017 թ. ցուցանիշը

Հայաստանում Կալաշնիկովի նոր՝ «АК-12» եւ «АК-15» նմուշներ կարտադրվեն. պայմանագիր ստորագրվեց

13 215 հանցագործության մասին հաղորդում, 4,4 մլրդ դրամ վնաս. Օսիպյանի պաշտոնավարման 100 օրը

Ոստիկանությունը բացառիկ թափանցիկ է եւ կաշկանդված չի լինելու. Վալերի Օսիպյան

Ժամանակավորապես փակ կլինի Վաղարշյան փողոցից մինչեւ Գյուլբենկյան փողոցն ընկած հատվածը

Եղել է Արցախում. գերմանացի պատգամավորը հայտնվել է Ադրբեջանի «սեւ ցուցակում»