Հիմա էլ Թեղուտի հանքի պոչանքներն են Դեբետ գետ լցվում (լուսանկարներ, տեսանյութ)

Armtimes.com-ն ահազանգ է ստացել Լոռու մարզի Թեղուտ եւ Շնող համայնքների բազմաթիվ բնակիչներից, ովքեր նշում են, որ Թեղուտի հանքի պոչանքները անարգել լցվում են Դեբետ գետը, որի վառ ապացույցը գետի ջրի գորշ գույնն է ու գյուղերում տարածված սուր հոտը: Ահազանգող քաղաքացիների խոսքով՝ հանքի ղեկավարությունը պոչանքները լցնում է գետը գիշերը, որը ժամեր է տեւում. «Բնական աղետ Դեբեդում, ու զարմանում եմ, որ ոչ մեկ չի անդրադառնում, որ Թեղուտի հանքի աղետալի ջուրը թափվում է Դեբեդ գետ: Ահավոր հոտ է գալիս, անգամ Շնող գյուղում,  քանի որ գյուղի գետի մեջ է լցվում նաև այս թունաքիմիկատներով հարուստ պոչամբարը, իսկ Դեբեդում ավելի վատ է իրավիճակը»,-նշել է ահազանգող քաղաքացին, ով ինչ-ինչ պատճառներով խնդրեց գաղտնի պահել իր անունը:

Շնողի բնակիչներից մեկի պատմելով, իրենք անգամ խմելու ջրից են սուր հոտ առել, որի կապակցությամբ դիմել են իրենց ամբուլատորիա:

Թեղոտի հանքավայարում տեղի ունեցած հնարավոր վտանգի ու պոչանքների գետը լցվելուն երեկ անդրադարձել է նաեւ ՀՔԱ Վանաձորի գրասենյակի ղեկավար Արթուր Սաքունցը, գրելով. «Հավաստի տվյալների համաձայն Թեղուտի պոչամբարի պատվարում ճեղքեր են առաջացել, որի հետևանքով առնվազն չորս օր է պոչամբարի թափոնները հոսում և լցվում են Դեբեդ գետը: Սա լուրջ էկոլոգիական աղետների պատճառ կարող է հանդիսանալ նաև անդրազգային մակարդակով, քանի որ Դեբետը հոսում է դեպի հարևան Վրաստանի սահմանը: Ըստ որոշ տեղեկությունների՝ այս աղետի մասին տեղեկատվության արտահոսքը հնարավոր միջոցներով փորձում են կանխել իրավապահ մարմինների ներգրավմամբ»:

Armtimes.com-ի հետ զրույցում Շնող խոշորացված համայնքի ղեկավար Դավիթ Ղումաշյանը եւս չբացառեց, որ հանքում վթար է տեղի ունեցել. «Իմ ունեցած տեղեկություններով մի պահ վթար է տեղի ունեցել, որը կարծես թե կանգնեցրել են արդեն»,-ասաց նա, հավելելով, որ վթարի հետեւանքով իրենց գյուղում էլ է սուր հոտ տարածվել: Ղումաշյանը չկարողացավ հիշել, թե երբ է կոնկրետ տեղի ունեցել վթարը: Մյուս հարցերին գյուղապետը չցանկացավ պատասխանել. «Ես հիմա շատ զբաղված եմ, չեմ կարող երկար զրուցել, բայց միանշանակ նման բան չկա, թե պոչանքները գետն են լցվում…դա վթարի պատճառով է եղել, որը վերացրել են, իսկ թե էս պահին ինչ է կատարվում, ես չեմ կարող ասել»:

 Գյուղապետը  բացառեց խմելու ջրից սուր հոտ գալու առկայությունը. «Չի կարող խմելու ջրից սուր հոտ գալ, քանի որ դա այլ աղբյուրից է գալիս ու հանքի հետ որեւէ կապ չունի»:

Հիշեցնենք, որ մեկ ամիս առաջ Շնող գյուղի մանկապարտեզում մասսայական թունավորումներ արձանագրվեցին, որի հիմնական պատճառը նշվեց խմելու ջրի որակը:

Տպել
6047 դիտում

Հայաստանն ազատականացնում է էլեկտրաէներգիայի շուկան․ նախարարը հանդիպել է ԱՄՆ ՄԶԳ փոխնախագահին

Մենք պատրաստ ենք փրկել եւ վերակենդանցնել Հայֆիլմի բրենդը․ նամակ՝ Նիկոլ Փաշինյանին

Հանրապետության նախագահը մեկնել է կարճատեւ արձակուրդ

Բոլորիս հաղթանակն է․ փոքրիկ Գոռը, որը տեւական ժամանակ քաղցկեղ ուներ, առողջացել է

Ռուսաստանը հույս ունի, որ Հայաստանը կկարողանա դիմադրել ԱՄՆ շանտաժին. Կարասին

Ի՞նչ են պայմանավորվել Երեւանն ու Բաքուն․ ՀՀ ԱԳՆ-ն արձագանքել է Մամեդյարովի հայտարարությանը

Մարդ կա՝ գյուղում 3 հարկանի տուն ունի, բայց Վանաձորում տնակում է ապրում. Լոռու մարզպետ

Գյուղնախարարի պաշտոնակատարը կշարունակի՞ պաշտոնավարել. մանրամասնում է Գեղամ Գեւորգյանը

Իրո՞ք Ստամբուլը կդառնա XXI դարի մայրաքաղաք

Իրական ընդդիմության բացակայության պատճառները. հիմնական ընդդիմադիրի տիտղոսի համար մեծ ճակատամարտը սկսվել է

Ալեքսիս Օհանյանը շնորհավորել է «The Economist»-ի կողմից Հայաստանը տարվա երկիր ճանաչելու առիթով

Թրամփն Էրդողանին ասել է, որ «կդիտարկի» Գյուլենի արտահանձնման հնարավորությունը․ Սպիտակ տուն

Այնպիսի զգացողություն էր, ինչպես պարտվելու դեպքում կլիներ. Արամ Ավագյան

Ես վաղուց «Կենտրոն» հ/ը-ում չեմ աշխատում. Իվետա Տոնոյանը՝ իր եւ Ծառուկյանի միջեւ եղած կոնֆլիկտի մասին

Համազգայինի ժամանակավոր տնօրեն նշանակվեց Արման Նավասարդյանը. թատրոնում այդ պաշտոնի համար նա մրցակիցներ չունի

Իշխանությունը զբաղված է պաշտոններ բաշխելով, բայց անվտանգությունն ավելի կարեւոր է. Շարմազանով

Վրաստանի քաղաքացիներին իրավունք կտրվի օրինականորեն աշխատել Ֆրանսիայում

ՄԻՊ աջակցությամբ պարտադիր ժամկետային զինծառայողը վիրահատվել եւ վերականգնողական արձակուրդ է ստացել

Ինքնասպանության փորձ՝ Երեւանում․ 18-ամյա ՌԴ քաղաքացին հոսպիտալացվել է

«Գարուն» սրճարանում պատվիրելով հավով չիաբատա՝ դուք աջակցում եք քաղցկեղ ունեցող փոքրիկներին