Ծառուկյանը 13 հարկանի հյուրանոց է կառուցում. Կեմպինսկին՝ Կինոմոսկվայի դիմաց (լուսանկարներ)

Երեւանի կենտրոնում՝ Աբովյան փողոցի վրա, շուտով վեր է խոյանալու «Կեմպինսկի» աշխարհահռչակ հյուրանոցային ցանցի երեւանյան մասնաճյուղը: Մոսկվա կինոթատրոնի դիմաց՝ նախկին Աստաֆյան համալիրի շենքի տեղում, ամիսներ առաջ մեծ թափով շինաշխատանքներ սկսվեցին: Հյուրանոցը կառուցում են Ազգային ժողովի «Ծառուկյան» խմբակցության ղեկավար Գագիկ Ծառուկյանի հիմնադրած «Մուլտի գրուպ կոնցեռն» ընկերությունն ու «Ա.Ս.Դ.Հոթել» ՓԲԸ-ն: «Կեմպինսկի» հյուրանոցի նախագծումն իրականացվում է «Հայնախագիծ» ընկերությունում, որի տնօրեն Գրիգոր Ազիզյանը «Հայկական ժամանակ»-ի հետ զրույցում որոշ մանրամասներ է հայտնել ապագա հյուրանոցի վերաբերյալ:

- Պարոն Ազիզյան, գիտենք, որ Երեւան քաղաքի Աբովյան 5/5 հասցեում կառուցվելիք հյուրանոցի նախագիծը մշակվում է «Հայնախագիծ» ընկերությունում: Մինիչ օրս ի՞նչ աշխատանքներ են կատարվել եւ ի՞նչ շինություն ենք ունենալու:

- Շուտով այնտեղ արդեն կլինի շենքի տեսքով ցուցանակը՝ երկու՝ Աբովյան փողոցի եւ Հյուսիսային պողոտայից կողմից: Անցնողներին պարզ կլինի, թե ինչ է կառուցվում: Կառուցվում է հյուրանոց, ավելի շուտ կառուցվելու է: Դեռ ընթանում են բուն նախագծման աշխատանքները: Ընդամենը զրոյական նիշի վրայի գծագրերն են պատրաստվում: Հիմա հողային աշխատանքներն են արվում: Այդտեղ կար շինություն, մի խանութ էր եւ կողքից երեք հարկ նկուղային շինություններ էին: Նախատեսվում էր կառուցել հյուրանոց, բայց պատվիրատուն փոխվեց: Նախագիծը մենք չէինք սկսել, հետո աշխատանքը պատվիրվեց «Հայնախագիծ» ընկերությանը՝ Սարդարյան Սարգսի արվեստանոցում: Շուրջ 1.5 տարի տեւեց նախագծումը, բայց այդ ընթացքում դադար եղավ:

«Հայնախագիծ» ընկերության տնօրեն Գրիգոր Ազիզյան

- Ինչո՞վ էր պայմանավորված դադարը:

- Ըստ երեւույթին, որոշակի քաղաքական բնույթ ուներ, բայց չեմ ուզում շեշտը դնենք դրա վրա:

- Ե՞րբ սկսեցիք շարունակել աշխատանքը:

-Ամռանը նորից սկսեցինք կերպարը ստեղծել, որովհետեւ մի պահը մենք արել էինք արդեն, որը հաստատվել էր քաղաքաշինական խորհրդում: Դա անցյալ տարի էր: Երկու նախագիծ կար, առաջինը այն բարձրահարկն է, որը նախատեսվել էր 5 տարի առաջ: Երկու տարի առաջ երկրորդը նախագծվեց մեր կողմից: Դա 13 հարկանի կառույց էր, որը նորից հաստատվեց որպես էսքիզային նախագիծ: Այսինքն, պետք է մշակվեր աշխատանքային նախագիծ, որի շարունակությունը չեղավ: Երրորդ տարբերակն սկսվեց ամռանը: Սկսեցինք աշխատանքային նախագծեր անել: Հին տարբերակի վրա նորից սկսեցինք փոփոխություններ անել, որը քննարկվեց, քննարկվեց, բայց զգում էինք, որ աշխատանքներն առաջ չէին գնում՝ չնայած մեր հարաբերությունները պատվիրատուի հետ շատ նորմալ Էին: Նախագիծը որոշակիորեն կապված է նաեւ Հյուսիսային պողոտայի հետ, իսկ Հյուսիսային պողոտան ունի իր հեղինակային խումբը: Որոշ կոնսուլտացիաներ սկսեցինք Հյուսիսային պողոտայի նախագծային խմբի ղեկավարի հետ: Նրա իրավունքների մեջ էր մտնում շենքի հարկայնությունը հաստատելու որոշումը: Աշխատանքին ներգրավվեց նաեւ Նարեկ Սարգսյանի ճարտարապետական արվեստանոցը: Այս ընթացքում քննարկումներ սկսվեց պատվիրատուի հետ եւ որոշ կառուցվածքայի փոփոխություններ եղան:

Հյուրանոցի դիրքը փոքր կենտրոնում

- Պատվիրատուն ունե՞ր իր պատկերացումը, թե ինչպիսի շենք պետք է լինի այդ հատվածում:

- Նա մտավ աշխատանքային խմբի մեջ եւ սկսեցինք բարելավել ծրագիրը: Բարելավում, բարելավում ենք, սակայն պատվիրատուի դուրն իսկապես չի գալիս: Ես էլ ունեմ երկար տարիների փորձ իր հետ աշխատելու, մի քիչ դժվար էր: Ինքն ունի իր պատկերացումները, բայց իր պատկերացումները քիչ են քաղաքի համար: Այսինքն, մենք այնպես պետք է անենք, որ բուն ճարտարապետական պատկերացումները որոշ առումներով համընկնեն իր պատկերացումներին: Բնականաբար, երբ որ մենք խոսում ենք Շառլ Ազնավուրի հրապարակի մասին, մտածում ենք, որ գոյությում ունեցող կերպարը պետք է պահպանենք: Երկու նախագծերն էլ դրա մասին էին մտածում, բայց մի քիչ տարբեր տեսանկյունից էին մոտենում պահպանմանը, բայց երկուսի նպատակն էլ բուն կերպարի պահպանումն էր՝ կողքի շենքերի, նրանց բարձրությունների, ետեւի բարձրությունների եւ այլն: Այստեղ Նարեկ Սարգսյանն առաջարկեց երկու-երեք այլ մոտեցումներ: Սկսեցինք այդ մոտեցումների վրա աշխատել եւ եկանք վերջնական տարբերակի: Էսքիզային տարբերակը պրակտիկորեն պատրաստ է: Դրա հիման վրա քննարկում է եղել քաղաքաշինական խորհրդի ճարտարապետական մասի հետ, դիտողություններն ընդունվեցին, եւ մենք այսօր բուն աշխատանքային գծագրերն անում ենք համապատասխան այդ նախագծի:

Հյուրաոցի ճակատային հատվածը՝ Աբովյան փողոցից

- Պատվիրատուն համաձայնվե՞լ է առաջարկված տարբերակի հետ:

- Այո:

- Ինչպիսի՞ շենք է լինելու, ի՞նչ բարձրության, հարակից ի՞նչ շինություններ են լինելու:

- Լինելու է «Կեմպինսկի» հյուրանոց: Այսինքն, կառավարումը «Կեմպինսկի» բրենդի կողմից է լինելու: Հյուրանոցն ունենալու է բարձրահարկ, նկուղային մասեր, կայանտեղիներ, մոտ 155 համար, ունենալու է նաեւ ապարտամենտ, բնակելի մաս, բայց դեռ որոշված չի կառավարումը ում կողմից կլինի: Ստորգետնյա ավտոկայանատեղի, բայց ասեմ, որ հյուրանոցների համար չի պահանջվում: Այդուհանդերձ 60 մեքենայի համար առաջին հարկում լինելու է ավտոկայանատեղի: Լինելու է սպա կենտրոն, լողավազան: Երբ մենք որեւէ հյուրանոցային բրենդի անուն ենք տալիս եւ ասում, որ այդ բրենդի համար ենք նախագծում, ամեն մի պայման պետք է համապատասխանի իրենց չափանիշներին, հակառակ դեպքում այդ բրենդը չի գա կառավարի:

Հյուրանոցի տեսքը՝ Հյուսիսային պողոտայի կողմից

- Բարձրությունը հարակից շենքերի հետ ինչպե՞ս եք գնահատում:

- Բարձր է լինելու, բայց համահունչ է կողքի շենքերի հետ: Հետեւում «Իբիս» հյուրանոցն է: Այդ մասով գալիս եւ հավասարվում է «Իբիս»-ին, կարող է մի հարկ բարձր լինի: Երբ գալիս է «Ստանիսլավսկու» անվան թատրոնի կողմը, հյուրանոցը թատրոնի աշտարակի նման աշտարակ է ունենալու, որը մոտավորապես 16 հարկանի է դառնում:

- Շինարարական աշխատանքները ե՞րբ կսկսեն: Նկատի ունեմ հիմնական կառուցապատումը:

- Մինչեւ մենք չտանք նախագիծը, չեն կարող: Մինչեւ այս ամսվա վերջ մենք կտանք զրոյականի նախագիծը՝ մինչեւ փողոց բոլոր կոնստրուկցիաները: Իրենք ներքեւով կգան եւ կհավասարվեն փողոցին: Տեսե՞լ եք ինչ ահռելի փոս է այնտեղ: Երբ այդ փոսը մի քանի ամսում կլցնեն, կհավասարեցնեն փողոցին, կսկսվի բարձրանալ: Նախագիծն այդ ժամանակ պատրաստ կլինի:

Հյուրանոցի էսքիզը

- Ձեզ հետ քննարկվե՞լ են կառուցապատման ժամկետները:

-Իրենք միտք ունեն օր առաջ անել: Ուզում են շենքի կմախքն ունենալ մինչև այս տարվա վերջ: Ես խիստ կասկածում եմ, որ կհասցնեն, բայց իրենք ասում են, որ կհասցնեն:

- Շտապեցրե՞լ են էսքիզի պատրաստման ժամանակ:

- Չէ: Ուղղակի, եթե պետք է արագ անել, ապա պետք է այդպես անել, որովհետեւ ժամանակը փող է: Դա նյութածախս է, բանվորների զբաղվածություն է, բայց դա նշանակում է 24 ժամ աշխատել: Եթե դուք այդ հատվածի վրա նայեք, այնտեղ 24 ժամ աշխատելը բարդ երեւույթ է, քանի որ հյուրանոց կա տարածքում եւ այլն: Դա կբերի նրան, որ իրենք 24 ժամ չեն աշխատի եւ երկար ձգվի, բայց դա իմ կարծիքն է:

Շինհրապարակն այսօր

Տպել
7709 դիտում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է